လံာ်ယိၤဟၣ် 13:18 - Sgaw Karen Common Bible

¹⁸ ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 13:18 Iomraidhean Croise

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

လံာ်ယံးရမံယၤ 41:2

စီၤယံးၡမၤအ့လးဒီး ပှၤအဂၤတဆံ ထုးထီၣ်အနးတဖၣ် ဒီးမၤသံကွံာ်စီၤကဒါလယၤန့ၣ်လီၤ.

လံာ်မးသဲ 10:36

ဒီးဒ်သိးပှၤတဂၤအဒုၣ်အဒါအအၢကတၢၢ်တဖၣ်ကမ့ၢ် အပှၤဟံၣ်ဖိဃီဖိဒၣ်ဝဲတဖၣ်အဂီၢ်န့ၣ်လီၤ.

လံာ်မးသဲ 26:21

ဖဲအအီၣ်သကိးတၢ်အဖၢမုၢ်န့ၣ်, ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သု, သုဝဲအကျါတဂၤကဆါလီၤကွံာ်ယၤလီၤ.”

လံာ်မးသဲ 26:23

ယ့ၣ်ၡူးစံးဆၢအဝဲသ့ၣ်, “ပှၤလၢအဘျၢလီၤအကိၣ်လၢလီခီတဘ့ၣ်ဃီဒီးယၤန့ၣ်, ကဆါလီၤကွံာ်ယၤလီၤ.

လံာ်မၢ်ကူး 14:17

တုၤမုၢ်ဟါလီၤဒီး, ယ့ၣ်ၡူးဟဲဝဲဒီးအပျဲၢ်အဘီၣ်တဆံခံဂၤန့ၣ်လီၤ.

လံာ်မၢ်ကူး 14:18

ဖဲအဝဲသ့ၣ်ဆ့ၣ်နီၤဒီးအီၣ်တၢ်အဖၢမုၢ်န့ၣ်, ယ့ၣ်ၡူးစံးဝဲ, “ယစံးဘၣ်သုသပှၢ်ကတၢၢ်လီၤ. ပှၤလၢအီၣ်သကိးအီသကိးတၢ်ဒီးယၤလၢသုကျါတဂၤန့ၣ် ကဟ့ၣ်လီၤကွံာ်ယၤလီၤ.”

လံာ်မၢ်ကူး 14:20

အဝဲဒၣ်စံးဆၢက့ၤအဝဲသ့ၣ်, “မ့ၢ်ပှၤလၢသုတဆံခံဂၤအကျါ တဂၤ, ပှၤလၢအစုၣ်လီၤအကိၣ်လၢလီခီတဘ့ၣ်ဃီအပူၤဒီးယၤ တဂၤန့ၣ်လီၤ.

လံာ်လူၤကၣ် 22:21

ဘၣ်ဆၣ်ဒီးကွၢ်တက့ၢ်. ပှၤလၢအကဟ့ၣ်လီၤကွံာ်ယၤတဂၤန့ၣ်, အိၣ်ဒီးယၤလၢစီၢ်နီၤခိၣ်ဖဲအံၤလီၤ.

လံာ်ယိၤဟၣ် 13:21

ယ့ၣ်ၡူးစံးတၢ်အံၤဝံၤဒီးအသးဘၣ်တံာ်တာ်ဒိၣ်ဒိၣ် ကလဲာ်ဒီးကတိၤဖျါထီၣ်ဝဲ, ‘ယစံးဘၣ်တဲဘၣ်သုတၢ်မ့ၢ် တၢ်တီ, ပှၤလၢသုကျါတဂၤကဟ့ၣ်လီၤကွံာ်ယၤလီၤ.”

လံာ်ယိၤဟၣ် 13:22

အပျဲၢ်အဘီၣ်တဖၣ်ကွၢ်လိာ်အသးတဂၤဒီးတဂၤ, မ့ၢ်လၢအဝဲအဲၣ်ဒိးစံးမတၤတဂၤလဲၣ်န့ၣ်, အဝဲသ့ၣ် တသ့ၣ်ညါဝဲအဃိလီၤ.

လံာ်ယိၤဟၣ် 13:26

ယ့ၣ်ၡူးစံးဆၢတၢ်ဒီးစံးဝဲ, “ယကဘျၢလီၤကိၣ်လၢလီခီပူၤဒီးပှၤလၢယဟ့ၣ်လီၤအီၤ တဂၤန့ၣ်, မ့ၢ်ပှၤအဝဲန့ၣ်လီၤ. ထဲန့ၣ်ဒီးအဝဲဟံးန့ၢ်ကိၣ်, ဘျၢလီၤအီၤလၢလီခီပူၤဝံၤဟ့ၣ်လီၤဝဲစီၤယူဒၤလၢအမ့ၢ် စီၤၡံမိၣ်အံၣ်စကၤရံၤအိာ်အဖိခွါန့ၣ်လီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:19

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

လံာ်ယိၤဟၣ် 17:12

ဖဲယအိၣ်ဒံးဒီးအဝဲသ့ၣ်န့ၣ်, ယအံးကွၢ်ကဟုကယာ်က့ၤအီၤလၢနမံၤအစိကမီၤအပူၤ, မံၤလၢနဟ့ၣ်လီၤယၤန့ၣ်လီၤ. ပှၤလၢနဟ့ၣ်လီၤယၤတဖၣ်န့ၣ်, ယကဟုကယာ်အီၤဒီးအဝဲသ့ၣ်တလီၤမၢ်နီတဂၤဘၣ်. လီၤမၢ်ကွံာ်ဒၣ်ထဲပှၤလၢအကဘၣ်လီၤမၢ်ဒၣ်တၢ်တဂၤ, ဒ်သိးတၢ်ကွဲးအသးကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

လံာ်ယိၤဟၣ် 18:32

(တၢ်အဝဲအံၤမၤအသးမ့ၢ်ဒ်သိးတၢ်လၢယ့ၣ်ၡူးစံးတ့ၢ်ဝဲဘၣ်ထွဲဒီး အဝဲကဘၣ်သံလၢတၢ်သံဒ်လဲၣ်န့ၣ်, ကလၢထီၣ်ပှဲၤထီၣ်ဝဲအဂီၢ် န့ၣ်လီၤ.)

လံာ်ယိၤဟၣ် 19:24

သုးဖိတဖၣ်စံးလိာ်အသးတဂၤဒီးတဂၤ, မ်ပသုတမၤယာ်အီၤ တဂ့ၤ. မ်ပကဖီၣ်တၢ်ဖးဒ်သိးပကသ့ၣ်ညါဘၣ်မတၤကန့ၢ် ဘၣ်ဆ့ကၤအဝဲအံၤလဲၣ်အဂီၢ်န့ၣ်တက့ၢ်.” တၢ်အံၤမၤအသးမ့ၢ်ဒ်သိးတၢ်ကွဲးအသး, ကလၢထီၣ် ပှဲၤထီၣ်ဝဲအဂီၢ်လၢအစံးဝဲ, “အဝဲသ့ၣ်နီၤဖးယတၢ်ကူတၢ်သိးတဖၣ်လၢ အဝဲသ့ၣ်အကျါကဒဲကဒဲ, ဒီးဖီၣ်တၢ်ဖးလၢကန့ၢ်ဘၣ်ယဆ့ကၤအဂီၢ်လီၤ” (စံး. ၂၂:၁၈). တၢ်အံၤမ့ၢ်တၢ်လၢပှၤသုးဖိတဖၣ်မၤဝဲန့ၣ်လီၤ.

လံာ်ယိၤဟၣ် 19:36

တၢ်အံၤမၤအသးမ့ၢ်ဒ်သိးတၢ်ကွဲးအသးလၢအစံးဝဲ, “အဃံတဘၣ်တၢ်မၤကၢ်ကွံာ်အီၤနီတဘိဘၣ်” (ဟးထီၣ် ၁၂:၄၆). ကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

လံာ်ယိၤဟၣ် 6:70

ယ့ၣ်ၡူးစံးဆၢအဝဲသ့ၣ်, “ယဃုထၢသုဝဲတဆံခံဂၤ တမ့ၢ်ဘၣ်ဧါ. အန့ၣ်ဒၣ်လဲာ်ပှၤလၢသုကျါတဂၤန့ၣ်မ့ၢ် မုၣ်ကီၤလံၢ်လီၤ.”

မၤတၢ် 1:16

“ယဒီပုၢ်ဝဲၢ်သ့ၣ်ဧၢ, တၢ်ကွဲးအသးလၢအပာ်ဖျါသးစီဆှံအတၢ်ဒုးစံးဒုးကတိၤစီၤဒၤ ဝံးဖဲအဝဲကတိၤဆိပာ်စၢၤဘၣ်ဃးစီၤယူဒၤလၢအမ့ၢ်ပှၤဆှၢ ပှၤလၢအလဲၤဖီၣ်ယ့ၣ်ၡူးအဂ့ၢ်န့ၣ်, ကဘၣ်လၢထီၣ်ပှဲၤထီၣ်ဝဲလီၤ.

မၤတၢ် 1:2

တုၤလီၤလၢမုၢ်တနံၤလၢယွၤဟံးထီၣ်အီၤဆူမူခိၣ်န့ၣ်လီၤ. တချုးအဘၣ်တၢ်ဟံးထီၣ်အီၤဒံးဘၣ်ဒီး, ခီဖျိသးစီဆှံအစိကမီၤန့ၣ် အဝဲဒၣ်မၤလိာ်တ့ၢ်အပှၤတၢ်မၢဖိလၢအဃုထၢတ့ၢ်ဝဲတဖၣ်တၢ်လၢ အဝဲသ့ၣ်ကဘၣ်မၤဝဲတဖၣ်န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.