လံာ်ယိၤဟၣ် 13:10 - Sgaw Karen Common Bible

¹⁰ ယ့ၣ်ၡူးစံးဝဲ, “ပှၤတဂၤလၢ်လၢ်လၢအလုၢ်ထံဝံၤန့ၣ်, ကဆှီဝဲလၢာ်လၢာ်ဆ့ဆ့လံအဃိသ့ကွံာ်အသးအလီၢ် တအိၣ်လၢၤဘၣ်. ကဘၣ်သ့ကွံာ်ဒၣ်ထဲအခီၣ်ဧိၤန့ၣ်လီၤ. မ့တမ့ၢ်ဘၣ်ထဲပှၤလၢသုကျါတဂၤဧိၤန့ၣ်, သုဝဲခဲလၢာ်သု ကဆှီလံ.”

လံာ်ယိၤဟၣ် 13:10 Iomraidhean Croise

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:7

နဃံလၤဆံးဒိၣ်လဲၣ်, ယတၢ်အဲၣ်ဧၢ, မဲၣ်သူမဲၣ်ဂီၤတအိၣ်ဒီးနၤမးလဲၣ်.

လံာ်ယံးရမံယၤ 50:20

ဖဲတၢ်ဆၢကတီၢ်န့ၣ် ဟဲတုၤဝဲဒီး, တၢ်တထံၣ်ဘၣ်လၢၤ တၢ်ဒဲးဘးနီတမံၤလၢကီၢ်အံၣ်စရ့လးအပူၤ, ဒီးတၢ်အၢတၢ်သီနီတမံၤလၢ ကီၢ်ယူဒၤအပူၤလၢၤဘၣ်. အဂ့ၢ်ဒ်အံၤ, ယကပျၢ်ပှၤဂီၢ်မုၢ်အံၤလၢ ယပျဲပူၤတ့ၢ်လံ အသးသမူတဖၣ် အတၢ်ကမၣ်န့ၣ်လီၤ, ယၤ, ယွၤအံၤ, ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 16:26

ဒီးပှၤတဂၤလၢအပျဲကွံာ်မဲာ်တဲးလဲးဆူပှၢ်မုၢ်ကနၢလၢတၢ်နါဧ့စ့ၤစ့လး အဂီၢ်န့ၣ်, ကဘၣ်ဆှုၣ်အကူအသိးတဖၣ်ဒီးလုၢ်ထံတချုးလၢ အဟဲက့ၤနုာ်လီၤက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:28

ဒီးပှၤတဂၤလၢအဆူးကဲၤတၢ်န့ၣ်ကဘၣ်ဆှုၣ်အကူအသိးဒီးလုၢ်ထံ, တချုးလၢအက့ၤနုာ်ကဒါက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 13:9

စီၤၡံမိၣ်ပ့းတရူးစံးဆၢအီၤဒီးစံး “ကစၢ်ဧၢ, မ့မ့ၢ်ဒ်န့ၣ်ဒီး, တဘၣ်သ့ထဲယခီၣ်တဂ့ၤ. သ့ဃုာ်စ့ၢ်ကီးယစုတဖၣ်ဒီးယခိၣ် တက့ၢ်.”

လံာ်ယိၤဟၣ် 15:3

သုဘၣ်တၢ်မၤကဆှီထီၣ်တ့ၢ်လံသုလၢယကလုၢ် ကထါလၢယဟ့ၣ်လီၤတ့ၢ်သုန့ၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.