လံာ်ယိၤဟၣ် 13:1 - Sgaw Karen Common Bible

¹ ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 13:1 Iomraidhean Croise

တၢ်ကတိၤဒိ. 8:31

သးခုဃုာ်ဒီးဟီၣ်ခိၣ်ဒီဘ့ၣ်ဒီးသးမုာ်သးခုဒီးပှၤဟီၣ်ခိၣ် ဖိန့ၣ်လီၤ.

လံာ်ယံးရမံယၤ 31:3

ယလီၣ်ဖျါထီၣ်တ့ၢ် ယသးဆူ အဝဲသ့ၣ်လၢ အယံၤန့ၣ်လီၤ. ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ယတၢ်အဲၣ်ခၢၣ်သနၢၣ်တထံၣ်ဃီန့ၣ်လီၤ.

လံာ်မးသဲ 26:45

တုၤနုၤတစု, ယ့ၣ်ၡူးဟဲက့ၤကဒါက့ၤဆူအပျဲၢ်အဘီၣ်တဖၣ်အအိၣ်ဒီးစံး, “မ့ၢ်သုမံဒီးအိၣ်ဘှံးဒံးဒၣ်အဖၢမုၢ်ဧါ. ကွၢ်တက့ၢ်. နၣ်ရံၣ်လၢပှၤကညီဖိခွါအံၤ ကဘၣ်တၢ်ဟ့ၣ်လီၤကွံာ်အီၤဆူပှၤ တၢ်ဒဲးဘးဖိတဖၣ်အစိကမီၤအစုပူၤန့ၣ်, တုၤဃီၤဝဲလံ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်လူၤကၣ် 22:53

ယအိၣ်ဒီးသုလၢတၢ်လုၢ်ဟံၣ်ပူၤကိးနံၤဒဲး, ဒီးသုတဂုာ်ကျဲးစၢးဖီၣ်ယၤဘၣ်. ဘၣ်ဆၣ်ဒီးအဝဲအံၤမ့ၢ်ဆၢကတီၢ်နၣ်ရံၣ်လၢ သုကမၤတၢ်တမံၤအံၤအဂီၢ်, ဖဲတၢ်ခံးတၢ်နၤအစိကမီၤပၢတၢ်န့ၣ်လီၤ.

လံာ်လူၤကၣ် 9:51

ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ.

လံာ်ယိၤဟၣ် 11:55

မ့ၢ်လၢပှၤယူဒၤဖိအဘူၣ်လဲၤကပာ်အဆၢကတီၢ်ဘူးထီၣ်လံ အဃိ, ပှၤအိၣ်လၢခိအါဒံအါဂၤလဲၤထီၣ်ဝဲဆူဝ့ၢ်ယရူၤၡလ့ၣ် ဒ်သိးကမၤထွဲတၢ်မၤကဆှီထီၣ်သးအလုၢ်အလၢ်တချုးဘူၣ် အဆၢကတီၢ်ဘၣ်ဒံးဝဲန့ၣ်လီၤ.

လံာ်ယိၤဟၣ် 12:23

ယ့ၣ်ၡူးစံးဆၢအဝဲသ့ၣ် “တၢ်ဆၢကတီၢ်နၣ်ရံၣ်ဘၣ်လံဝဲလၢ ယွၤကမၤလၤကပီၤပှၤကညီဖိခွါအဂီၢ်လီၤ.

လံာ်ယိၤဟၣ် 13:29

မ့ၢ်လၢစီၤယူဒၤပၢၤစ့အထၢၣ်အဃိ, အပျဲၢ်အဘီၣ်တနီၤဆိ ကမိၣ်ဝဲလၢယ့ၣ်ၡူးစံးဘၣ်အီၤလၢအကလဲၤပှ့ၤတၢ်လၢ အဝဲလိၣ်ဘၣ်ဝဲလၢဘူၣ်အဂီၢ်, မ့တမ့ၢ်ဘၣ်ဒီးလၢကဟ့ၣ် လီၤပှၤဖှီၣ်ဖိယာ်ဖိလၢတၢ်တမံၤမံၤန့ၣ်လီၤ.

လံာ်ယိၤဟၣ် 13:3

ယ့ၣ်ၡူးသ့ၣ်ညါဝဲလၢပၢ်ဟ့ၣ်လံအီၤတၢ်စိတၢ်ကမီၤလၢာ်လၢာ် ဆ့ဆ့, ဒီးသ့ၣ်ညါစ့ၢ်ကီးဝဲလၢအဝဲဟဲလၢကစၢ်ယွၤအအိၣ် ဒီးကက့ၤဆူကစၢ်ယွၤအအိၣ်န့ၣ်လီၤ.

လံာ်ယိၤဟၣ် 13:34

ဒီးခဲကနံၣ်အံၤယဟ့ၣ်သုတၢ်မၤလိာ်အသီတထံၣ်, အဲၣ်လိာ်ကွံလိာ်သုသးတဂၤဒီးတဂၤတက့ၢ်. ဒ်ယအဲၣ်တ့ၢ်သု အသိးန့ၣ်, သုကဘၣ်အဲၣ်လိာ်ကွံလိာ်သုသးတဂၤဒီး တဂၤဒ်န့ၣ်အသိးလီၤ.

လံာ်ယိၤဟၣ် 14:28

သုနၢ်ဟူလံယစံးဘၣ်သု, ‘ယကလဲၤတၢ်ဘၣ်ဆၣ် ယကဟဲက့ၤကဒါက့ၤဆူသုအိၣ်လီၤ.’ သုမ့ၢ်အဲၣ်ယၤဒီး, သုကသးခုလၢယကလဲၤဆူပၢ်အအိၣ် အဃိလီၤ. အဂ့ၢ်ဒ်အံၤ, ပၢ်ဒိၣ်န့ၢ်ယၤတက့ၢ်လီၤ.

လံာ်ယိၤဟၣ် 14:31

ဘၣ်ဆၣ်, ဟီၣ်ခိၣ်ကဘၣ်သ့ၣ်ညါလၢယအဲၣ်ပၢ်အံၤ အဃိ, ယမၤတၢ်ခဲလၢာ်ဒ်အဝဲမၤလိာ်ယၤအသိးန့ၣ်လီၤ. ဟဲမီၤ, မ်ပကဟးထီၣ်သကိးလၢတၢ်လီၢ်အံၤတက့ၢ်.

လံာ်ယိၤဟၣ် 16:28

ယဟဲတ့ၢ်လၢပၢ်အအိၣ်, ဒီးယဟဲနုာ်လီၤဆူဟီၣ်ခိၣ်ချၢအံၤ လီၤ. ဒီးခဲအံၤယကဟးထီၣ်ကွံာ်လၢဟီၣ်ခိၣ်အံၤဒီးလဲၤ ဆူပၢ်အအိၣ်န့ၣ်လီၤ.”

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 17:16

ဒ်ယတဘၣ်ဃးဘၣ်ဒီးဟီၣ်ခိၣ်အသိးန့ၣ်, အဝဲသ့ၣ်စ့ၢ်ကီးတဘၣ်ဃးဒီးဟီၣ်ခိၣ်ဘၣ်.

လံာ်ယိၤဟၣ် 17:26

ယဒုးသ့ၣ်ညါတ့ၢ်အဝဲသ့ၣ်လၢနၤ, ဒီးယကမၤယဲဒံး, ဒ်သိးတၢ်အဲၣ်လၢနအဲၣ်ယၤန့ၣ်ကအိၣ်လၢအဝဲသ့ၣ်အပူၤ, ဒီးဒ်သိးယကအိၣ်လၢအဝဲသ့ၣ်အပူၤစ့ၢ်ကီးန့ၣ်လီၤ.”

လံာ်ယိၤဟၣ် 17:5

ပၢ်ဧၢ, ခဲအံၤဟ့ၣ်ယၤတၢ်လၤကပီၤဖဲနအိၣ်အလီၢ်, တၢ်လၤကပီၤတမံၤဃီလၢအအိၣ်ဒီးယၤဖဲယအိၣ်ဒီးနၤ တချုးဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်တက့ၢ်.

လံာ်ယိၤဟၣ် 18:4

ယ့ၣ်ၡူးသ့ၣ်ညါတၢ်ခဲလၢာ်လၢအကဟဲဘၣ်အီၤအဃိ, အဝဲလဲၤထီၣ်ဆူအဝဲသ့ၣ်အအိၣ်ဒီးသံကွၢ်ဝဲ, “သုဃု မတၤတဂၤန့ၣ်လဲၣ်.”

လံာ်ယိၤဟၣ် 19:28

ယ့ၣ်ၡူးသ့ၣ်ညါဝဲလၢတၢ်ခဲလၢာ်လၢအဝဲကဘၣ် မၤန့ၣ်မၤဝဲဝံၤလံသတးဒီး, ဒ်သိးတၢ်ကွဲးအသးကလၢ ထီၣ်ပှဲၤထီၣ်ဝဲအဂီၢ်န့ၣ်အဝဲစံးဝဲဒၣ်, “တၢ်သူယသး လၢထံလီၤ.”

လံာ်ယိၤဟၣ် 2:13

မ့ၢ်လၢပှၤယူဒၤဖိအဘူၣ်လဲၤကပာ်ဘူးထီၣ်လံအဃိ, ယ့ၣ်ၡူးလဲၤထီၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်ယိၤဟၣ် 6:4

အကတီၢ်ဖဲန့ၣ်ပှၤယူဒၤဖိတဖၣ်အဘူၣ်လဲၤကပာ် ကဘၣ်ဝဲဘူးထီၣ်လံန့ၣ်လီၤ.

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

လံာ်ယိၤဟၣ် 7:6

ယ့ၣ်ၡူးစံးဘၣ်အဝဲသ့ၣ်, “တၢ်ဆၢကတီၢ်လၢယဂီၢ်တဘၣ် ဒံးဘၣ်. မ့မ့ၢ် လၢသုဂီၢ်န့ၣ်တၢ်ဆၢကတီၢ်ဘၣ်ဒၣ်ထီဘိလီၤ.

လံာ်ယိၤဟၣ် 8:20

ယ့ၣ်ၡူးစံးတၢ်တဖၣ်အံၤဖဲအသိၣ်လီၤသီလီၤတၢ်လၢ တၢ်လုၢ်ဟံၣ်ပူၤဖဲတၢ်ပာ်ဖှိၣ်စ့အလီၢ်ဒီးမ့ၢ်လၢအဆၢ ကတီၢ်နၣ်ရံၣ်တဘၣ်ဒံးဘၣ်အဃိ, ပှၤတဟဲဟံးဃာ်အီၤနီ တဂၤန့ၣ်ဘၣ်.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

1 ကရံၣ်သူး 1:8

အဝဲဒၣ်ကဒုးအိၣ်ဂၢၢ်အိၣ်ကျၢၤစ့ၢ်ကီးသုတုၤလၢအကတၢၢ်, ဒ်သိးဖဲပကစၢ်ယ့ၣ်ၡူးခရံာ်အမုၢ်တနံၤန့ၣ်, သုကအိၣ်ပူၤပူၤဖျဲးဖျဲးဒီးတၢ်သရူးကမၣ်အဂီၢ်န့ၣ်လီၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ယိၤဟၣ် 4:19

ပအဲၣ်တၢ်ကွံတၢ်လီၤ. အဂ့ၢ်ဒ်အံၤယွၤအဲၣ်ဆိပှၤလီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,