လံာ်ယိၤဟၣ် 12:43 - Sgaw Karen Common Bible

⁴³ အဝဲသ့ၣ်အဲၣ်ဒိးပှၤကညီအတၢ်စံးထီၣ်ပတြၢၤဒိၣ်န့ၢ် ကစၢ်ယွၤအတၢ်စံးထီၣ်ပတြၢၤတက့ၢ်လီၤ.

လံာ်ယိၤဟၣ် 12:43 Iomraidhean Croise

စံးထီၣ်ပတြၢၤ 22:29

ပှၤလၢအပာ်ထီၣ်ထီအသးခဲလၢာ် ဒီးပှၤလၢအသံသ့ခဲလၢာ် ကတီၤလီၤလၢအမဲာ်ညါန့ၣ်လီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်မးသဲ 6:2

လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

လံာ်လူၤကၣ် 19:17

‘နမၤတၢ်ဂ့ၤမးလီၤ,’ အဝဲဒၣ်စံးဘၣ်အီၤ, ‘နမ့ၢ်တၢ်ခ့တၢ်ပှၤလၢအဂ့ၤတဂၤလီၤ. မ့ၢ်လၢနသးတီနဲလၢတၢ်ဂ့ၢ်အဆံးတဖၣ်အပူၤအဃိ, ယကဟ့ၣ်နၤတၢ်စိတၢ်ကမီၤလၢနကပၢဝ့ၢ်အဖျၢၣ်တဆံန့ၣ်လီၤ.’

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 5:41

ယတဃုမၤန့ၢ်ပှၤဟီၣ်ခိၣ်ဖိအတၢ်စံးပတြၢၤယၤဘၣ်.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

လံာ်ယိၤဟၣ် 8:54

ယ့ၣ်ၡူးစံးဆၢတၢ်ဒီးစံးဝဲ, “ယမ့ၢ်ဘၣ်မၤလၤကပီၤလီၤ ယသးဒၣ်ယဲဒီး, တၢ်လၤကပီၤအဝဲန့ၣ်တမ့ၢ်လၢအလုၢ်အပှ့ၤ ကအိၣ်ဘၣ်. ပှၤလၢအမၤလၤကပီၤယၤတဂၤန့ၣ်မ့ၢ်ယပၢ်, ပှၤတဂၤဃီလၢသုစံးလၢအမ့ၢ်သုကစၢ်ယွၤန့ၣ်လီၤ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၁ သ့းစၤလနံ 2:6

ပတဂုာ်ကျဲးစၢးဒိးန့ၢ်တၢ်စံးထီၣ်ပတြၢၤလၢသုအိၣ်မ့ၢ်ဂ့ၤ, လၢပှၤဂၤအအိၣ်မ့ၢ်ဂ့ၤန့ၣ်ဘၣ်.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:30

“ယမၤတ့ၢ်တၢ်ဒဲးဘးလီၤ,” စီၤစီလူးစံးဝဲဒၣ်, “ဘၣ်ဆၣ်ဒီးအစှၤကတၢၢ်န့ၣ်ပာ်ဖျါထီၣ်နတၢ်ပာ်ကဲယၤလၢယပှၤ ဂီၢ်မုၢ်အခိၣ်အနၢ်တဖၣ်ဒီးကယဲၢ်အံၣ်စရ့လးဒီကီၢ်အမဲာ်ညါတ က့ၢ်. က့ၤကဒါက့ၤဒီးယၤဒ်သိးယဘူၣ်ထီၣ်ဘါထီၣ်ယွၤ, နကစၢ်ယွၤကသ့အဂီၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.