လံာ်ယိၤဟၣ် 12:42 - Sgaw Karen Common Bible

⁴² အန့ၣ်ဒၣ်လဲာ်, ပှၤယူဒၤဖိအခိၣ်အနၢ်အါဂၤစူၢ် က့ၤနာ်က့ၤယ့ၣ်ၡူးဘၣ်ဆၣ်ဒီးမ့ၢ်လၢအပျံၤဘၣ်ပှၤဖၤရံၤၡဲ တဖၣ်အဃိ, ဒ်သိးဒီးအဝဲသ့ၣ်အသုတဘၣ်တၢ်ဟီထီၣ်ကွံာ်အီၤလၢ ဘူၣ်ဘျီၣ်လၢအမ့ၢ်တၢ်ဘါလီၢ်တဂ့ၤဒီး, အဝဲသ့ၣ်တအၢၣ်လီၤ အီလီၤတၢ်စူၢ်တၢ်နာ်လၢပှၤဂၤအမဲာ်ညါဘၣ်.

လံာ်ယိၤဟၣ် 12:42 Iomraidhean Croise

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ယံးရမံယၤ 38:19

ဘၣ်ဆၣ်ဒီး စီၤပၤစံးဆၢဝဲ, “ယပျံၤဘၣ်ယပှၤထံဖိကီၢ်ဖိတဖၣ်လၢ အဟးသဒၣ်ကွံာ် ပှၤဒီးလဲၤခီဃီၤဆူ ပှၤဘၤဘူၤလိၣ်ဖိတဖၣ် အအိၣ်န့ၣ်လီၤ. ယကဘၣ်တၢ်ဟ့ၣ်လီၤကွံာ်ဘၣ်ဖုးယၤဆူ အဝဲသ့ၣ်အစုပူၤဒီး အဝဲသ့ၣ်ကမၤဆူး မၤဆါဘၣ် ဖုးယၤန့ၣ်လီၤ.”

လံာ်မးသဲ 10:32

ပှၤတဂၤဂၤမ့ၢ်အၢၣ်လီၤလၢပှၤကညီအမဲာ်ညါလၢအဘၣ်ဃးဒီးယၤန့ၣ်, ယကအၢၣ်လီၤစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ.

လံာ်လူၤကၣ် 12:8

ယစံးဘၣ်တဲဘၣ်သု, ပှၤတဂၤလၢ်လၢ်လၢအအၢၣ်လီၤလၢပှၤအါဂၤအမဲာ်ညါ, လၢအဝဲဒၣ်ဘၣ်ဃးဒီးယၤန့ၣ်, ပှၤကညီဖိခွါကမၤတၢ်တမံၤဃီန့ၣ်လၢ အဂီၢ်, လၢကစၢ်ယွၤအကလူးတဖၣ်အမဲာ်ညါလီၤ.

လံာ်လူၤကၣ် 23:13

စီၤပံၤလးကိးဖှိၣ်ပှၤလုၢ်တၢ်အခိၣ်အဒိၣ်တဖၣ်, ပှၤခိၣ်ပှၤနၢ်တဖၣ်, ဒီးပှၤဂီၢ်မုၢ်တဖၣ်,

လံာ်လူၤကၣ် 6:22

“ဖဲပှၤသးဟ့သု, ဒီးတတူၢ်လိာ်သု, ဒီးကတိၤတရီတပါသု, ဒီးစံးအၢစံးသီသုလၢပှၤကညီဖိခွါအံၤအဃိန့ၣ်, သုဘၣ်ဆိၣ်ဂ့ၤသုဝဲနီၢ်နီၢ်လီၤ.

လံာ်ယိၤဟၣ် 11:45

ပှၤယူဒၤဖိအါဂၤလၢအဟဲအိၣ်သကိးနီၢ်မၤရံ, ထံၣ်ဘၣ် ယ့ၣ်ၡူးမၤတ့ၢ်တၢ်အံၤဒီးအဝဲသ့ၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 12:11

အဂ့ၢ်ဒ်အံၤ, ခီဖျိလၢတၢ်မၤအသးဒီးစီၤလါစရူးအံၤန့ၣ်, ပှၤယူဒၤဖိအါဂၤတတူၢ်လိာ်လၢၤအဝဲသ့ၣ်ဘၣ်ဒီးစူၢ်က့ၤနာ်က့ၤ ယ့ၣ်ၡူးန့ၣ်လီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

လံာ်ယိၤဟၣ် 19:38

တၢ်တဖၣ်အံၤအလီၢ်ခံ, စီၤယိၤသးလၢဝ့ၢ်အရံၤမၤသဲဃ့စီၤပံၤလးလၢ ကက့ၤစိာ်ယ့ၣ်ၡူးအစိၣ်အဂီၢ်န့ၣ်လီၤ. (စီၤယိၤသးအံၤမ့ၢ်ပှၤပိာ်ယ့ၣ်ၡူးအခံလၢတၢ်ခူသူၣ်အပူၤတဂၤ, မ့ၢ်လၢအဝဲပျံၤပှၤယူဒၤဖိအခိၣ်အနၢ်တဖၣ်အဃိန့ၣ်လီၤ.) စီၤပံၤလးဟ့ၣ်အီၤအခွဲးအဃိ, အဝဲဟံးန့ၢ်ယ့ၣ်ၡူးအစိၣ်ဒီး က့ၤစိာ်ဝဲန့ၣ်လီၤ.

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 7:13

ဘၣ်ဆၣ်ပှၤကတိၤတၢ်လၢယ့ၣ်ၡူးအဂ့ၢ်ဖျိဖျိဖျါဖျါ တဘူၣ်နီတဂၤဘၣ်. မ့ၢ်လၢအဝဲသ့ၣ်ပျံၤပှၤယူဒၤဖိ အခိၣ်အနၢ်တဖၣ်အဃိလီၤ.

လံာ်ယိၤဟၣ် 7:31

ဘၣ်ဆၣ်ဒီးပှၤအါဂၤလၢပှၤဂီၢ်မုၢ်အကျါနာ်အီၤဒီးစံး, “တုၤခရံာ်ဟဲဝဲဒီးမ့ၢ်အဝဲကမၤတၢ်လီၤလးဒိၣ်န့ၢ်အါ န့ၢ်ဒံးအဝဲတဂၤအံၤမၤတ့ၢ်ဝဲန့ၣ်ဧါ.”

လံာ်ယိၤဟၣ် 9:22

အမိၢ်အပၢ်တဖၣ်စံးဆၢတၢ်ဒ်အံၤမ့ၢ်လၢအပျံၤပှၤယူဒၤဖိအခိၣ် အနၢ်တဖၣ်လၢအပာ်လီၤတ့ၢ်လံအသးလၢပှၤတဂၤလၢ်လၢ်လၢ အစံးလၢအနာ်ယ့ၣ်ၡူးမ့ၢ်ခရံာ်န့ၣ်, ကဘၣ်တၢ်ဟီထီၣ်ကွံာ်အီၤလၢဘူၣ်ဘျီၣ်ပူၤအဃိန့ၣ်လီၤ.

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

၁ ယိၤဟၣ် 4:15

ဖဲဒၣ်ပှၤလၢအအၢၣ်လီၤအီလီၤလၢယ့ၣ်ၡူးမ့ၢ် ကစၢ်ယွၤအဖိခွါန့ၣ်, ကစၢ်ယွၤအိၣ်ဝဲဆိးဝဲလၢ အပူၤ, ဒီးအဝဲဒၣ်အိၣ်ဝဲဆိးဝဲလၢကစၢ်ယွၤအပူၤလီၤ.

၁ ယိၤဟၣ် 4:2

သုသ့ၣ်ညါနီၤဖးယွၤအသးကသ့ဝဲလၢကျဲဒ်အံၤလီၤ. ပှၤတဂၤဂၤလၢအစံးလၢယ့ၣ်ၡူးခရံာ်ဟဲဝဲဒ်ပှၤဟီၣ်ခိၣ်ဖိတဂၤ အသိးန့ၣ်, အိၣ်ဒီးယွၤအသးလီၤ.