လံာ်ယိၤဟၣ် 12:38 - Sgaw Karen Common Bible

³⁸ တၢ်အံၤမ့ၢ်ဒ်သိးဒီးတၢ်လၢဝံယၡါယၤကတိၤတ့ၢ်ဝဲကလၢ ထီၣ်ပှဲၤထီၣ်အဂီၢ်လီၤ. “ကစၢ်ဧၢ, မ့ၢ်မတၤနာ်တၢ်ကစီၣ်လၢ ပစံးဘၣ်တဲဘၣ်တ့ၢ်လံန့ၣ်လဲၣ်. ကစၢ်လီၣ်ဖျါထီၣ်တ့ၢ်အစိကမီၤလၢ မတၤတဂၤန့ၣ်လဲၣ်” (ၡါ ၅၃:၁).

လံာ်ယိၤဟၣ် 12:38 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:20

အန့ၣ်ဒီးစီၤပၤဃံးစကံယၤဒီးစီၤအၤမိးအဖိခွါဝံယၡါယၤ ဘါထုကဖၣ်တၢ်ဆူကစၢ်ယွၤအအိၣ်ဒီးကိးထီၣ်အီၤလၢတၢ်မၤစၢၤ အဂီၢ်န့ၣ်လီၤ.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

လံာ်ယၡါယၤ 51:5

ယကဟဲချ့ချ့ဒီးအုၣ်က့ၤခီၣ်က့ၤအဝဲသ့ၣ်, ယတၢ်မၤနၢၤ အဆၢကတီၢ်ဘူးထီၣ်လံ. ယၤ, ယကစၢ်ဒၣ်ယဲ, ယကပၢတၢ်လၢပှၤကလုာ်တဖၣ်အဖီခိၣ်လီၤ. ထံယံၤကီၢ်ယံၤတဖၣ်အိၣ်ခိးယၤလၢယကဟဲအဂီၢ်, အဝဲသ့ၣ်အိၣ်ခိးဝဲပှဲၤဒီးတၢ်မုၢ်လၢ်လၢယကအုၣ်က့ၤခီၣ်က့ၤ အီၤအဂီၢ်လီၤ.

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်မးသဲ 15:7

ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

လံာ်မးသဲ 27:35

ဖဲအဝဲသ့ၣ်ပျၤထီအီၤလၢထူၣ်စုညါအလိၤဝံၤန့ၣ်, ဖီၣ်တၢ်ဖးဒီးနီၤဟ့ၣ်လိာ်အသးလၢယ့ၣ်ၡူးအကူအသိးလီၤ.

လံာ်ယိၤဟၣ် 12:37

ယ့ၣ်ၡူးမၤတၢ်လီၤလးတဖၣ်အံၤလၢအဝဲသ့ၣ်အမဲာ်ညါ ထဲထဲအံၤသနာ်က့, အဝဲသ့ၣ်တစူၢ်က့ၤနာ်က့ၤအီၤဘၣ်.

လံာ်ယိၤဟၣ် 12:39

လၢတၢ်န့ၣ်အဃိ, အဝဲသ့ၣ်စူၢ်က့ၤနာ်က့ၤတၢ်တသ့ဘၣ်. မ့ၢ်လၢဝံယၡါယၤစံးတ့ၢ်စ့ၢ်ကီးဝဲ,

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

လံာ်ယိၤဟၣ် 17:12

ဖဲယအိၣ်ဒံးဒီးအဝဲသ့ၣ်န့ၣ်, ယအံးကွၢ်ကဟုကယာ်က့ၤအီၤလၢနမံၤအစိကမီၤအပူၤ, မံၤလၢနဟ့ၣ်လီၤယၤန့ၣ်လီၤ. ပှၤလၢနဟ့ၣ်လီၤယၤတဖၣ်န့ၣ်, ယကဟုကယာ်အီၤဒီးအဝဲသ့ၣ်တလီၤမၢ်နီတဂၤဘၣ်. လီၤမၢ်ကွံာ်ဒၣ်ထဲပှၤလၢအကဘၣ်လီၤမၢ်ဒၣ်တၢ်တဂၤ, ဒ်သိးတၢ်ကွဲးအသးကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

လံာ်ယိၤဟၣ် 19:24

သုးဖိတဖၣ်စံးလိာ်အသးတဂၤဒီးတဂၤ, မ်ပသုတမၤယာ်အီၤ တဂ့ၤ. မ်ပကဖီၣ်တၢ်ဖးဒ်သိးပကသ့ၣ်ညါဘၣ်မတၤကန့ၢ် ဘၣ်ဆ့ကၤအဝဲအံၤလဲၣ်အဂီၢ်န့ၣ်တက့ၢ်.” တၢ်အံၤမၤအသးမ့ၢ်ဒ်သိးတၢ်ကွဲးအသး, ကလၢထီၣ် ပှဲၤထီၣ်ဝဲအဂီၢ်လၢအစံးဝဲ, “အဝဲသ့ၣ်နီၤဖးယတၢ်ကူတၢ်သိးတဖၣ်လၢ အဝဲသ့ၣ်အကျါကဒဲကဒဲ, ဒီးဖီၣ်တၢ်ဖးလၢကန့ၢ်ဘၣ်ယဆ့ကၤအဂီၢ်လီၤ” (စံး. ၂၂:၁၈). တၢ်အံၤမ့ၢ်တၢ်လၢပှၤသုးဖိတဖၣ်မၤဝဲန့ၣ်လီၤ.

ရိမ့ၤ 10:16

ဘၣ်ဆၣ်ဒီး, ပှၤတတူၢ်လိာ်တၢ်သးခုအကစီၣ်အံၤကိးဂၤ ဒဲးဘၣ်. ဝံယၡါယၤအကစၢ်ဒၣ်ဝဲစံး, “ကစၢ်ဧၢ, မ့ၢ်မတၤစူၢ်က့ၤနာ်က့ၤပတၢ်ကစီၣ်လဲၣ်” (ၡါ ၅၃:၁)

ရိမ့ၤ 10:20

ဒီး ဝံယၡါယၤ မ့ၢ်ပှၤအဒူတက့ၢ်ဒီးစံးဝဲ, “ယဘၣ်တၢ်ထံၣ်န့ၢ်ယၤလၢပှၤလၢ အတဃုယၤတဖၣ်, ဒီးယလီၣ်ဖျါထီၣ်ယသးလၢပှၤလၢ အတသံကွၢ်ယဂ့ၢ်တဖၣ်န့ၣ်လီၤ.”

1 ကရံၣ်သူး 1:24

ဘၣ်ဆၣ်ဒီးလၢပှၤလၢကစၢ်ယွၤကိးတ့ၢ်အီၤတဖၣ်, ပှၤယူဒၤဖိဒီးပှၤကလုာ်ဂၤခံဖုလၢာ်အဂီၢ်န့ၣ်, တၢ်ကစီၣ်အဝဲအံၤ မ့ၢ်ခရံာ်လၢအမ့ၢ်ကစၢ်ယွၤအစိကမီၤဒီးကစၢ်ယွၤအတၢ်ကူၣ်ဘၣ် ကူၣ်သ့န့ၣ်လီၤ.

ကလၤတံ 1:16

လၢအကလီၣ်ဖျါထီၣ်အဖိခွါလၢယၤ, ဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးဒီးအီၤဆူပှၤကလုာ်ဂၤတဖၣ်န့ၣ်, ယတဃ့ပှၤကညီအတၢ်ဟ့ၣ်ကူၣ်ဟ့ၣ်ဖးနီတဂၤဘၣ်.