လံာ်ယိၤဟၣ် 12:35 - Sgaw Karen Common Bible

³⁵ ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 12:35 Iomraidhean Croise

တၢ်ကတိၤဒိ. 4:19

မ့မ့ၢ်, ပှၤတတီတလိၤအကျဲခံးဝဲဒ်မုၢ်နၤအသိးလီၤ. အဝဲသ့ၣ်လီၤဃံၤဝဲဒီးအခီၣ်ဘၣ်တိၢ်လၢမနုၤမနုၤလဲၣ်န့ၣ် အဝဲသ့ၣ်ထံၣ်ဝဲတသ့ဘၣ်.

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယံးရမံယၤ 23:12

ကျဲတဖၣ်လၢအဝဲသ့ၣ်ပိာ်ဝဲန့ၣ်ကဒုးလီၤတလံာ်တၢ်ဒီးကခံးဝဲလီၤ. ယကဒုးဘၣ်တိၢ်အဝဲသ့ၣ်အခီၣ်ဒီးကလီၤဃံၤဝဲလီၤ. ယကဟဲစိာ်တၢ်တတၢးတနါလၢအဝဲသ့ၣ်အဖီခိၣ်ဒီးတၢ်စံၣ်ညီၣ် အဝဲသ့ၣ်အဆၢကတီၢ်ဟဲဝဲလံ. ယၤ, ယွၤအံၤ, ကတိၤလံတၢ်လံ.

လံာ်လူၤကၣ် 18:37

အဝဲသ့ၣ်စံးဘၣ်အီၤ, “ပှၤနစၤရ့းဖိယ့ၣ်ၡူးဟဲခီဂာ်ဖဲအံၤလီၤ.”

လံာ်ယိၤဟၣ် 11:10

ဘၣ်ဆၣ်အဝဲမ့ၢ်ဟးလၢမုၢ်နၤခီအဆၢကတီၢ်န့ၣ်, အခီၣ် ကဘၣ်တိၢ်ဘၣ်ထံး, မ့ၢ်လၢတၢ်ကပီၤတအိၣ်ဘၣ်လၢအပူၤဘၣ် အဃိလီၤ.”

လံာ်ယိၤဟၣ် 11:9

ယ့ၣ်ၡူးစံးဆၢဝဲဒၣ်, “မုၢ်နံၤတနံၤန့ၣ်အိၣ်တဆံခံနၣ်ရံၣ် တမ့ၢ်ဘၣ်ဧါ. လၢတၢ်န့ၣ်အဃိပှၤတဂၤဂ့ၤတဂၤဂ့ၤလၢ အဟးလၢမုၢ်ဆါခီန့ၣ်, အခီၣ်တဘၣ်တိၢ်ဘၣ်. မ့ၢ်လၢအဝဲထံၣ်ဘၣ်ဟီၣ်ခိၣ်အံၤအတၢ်ကပီၤအဃိလီၤ.

လံာ်ယိၤဟၣ် 12:36

လၢတၢ်န့ၣ်အဃိ, ဖဲသုအိၣ်ဒံးဒီးတၢ်ကပီၤန့ၣ်, စူၢ်က့ၤနာ်က့ၤတၢ် ကပီၤအံၤဒ်သိးသုကကဲထီၣ်ပှၤတၢ်ကပီၤဖိတဖၣ်အဂီၢ်န့ၣ်တက့ၢ်. ယ့ၣ်ၡူးစံးတၢ်အံၤဝံၤဒီး, အဝဲဟးထီၣ်ကွံာ်ဒီးပာ်သဒၢကွံာ်အသးလၢအဝဲသ့ၣ်န့ၣ်လီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

လံာ်ယိၤဟၣ် 16:16

တစိၢ်ဖိဒီး, သုတထံၣ်ဘၣ်လၢၤယၤဘၣ်. ဒီးမၤကဒီးလၢခံတစိၢ်ဖိဒီး သုကထံၣ်ဘၣ်ယၤလီၤ.”

လံာ်ယိၤဟၣ် 7:33

ယ့ၣ်ၡူးစံးဝဲဒၣ်, “ယကအိၣ်ဒီးသုတစိၢ်တလီၢ်ဝံၤဒီး ယကက့ၤက့ၤဆူပှၤလၢအမၢလီၤယၤတဂၤအအိၣ်န့ၣ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

၂ ကရံၣ်သူး 3:14

အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.