လံာ်ယိၤဟၣ် 12:31 - Sgaw Karen Common Bible

³¹ ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 12:31 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်ယၡါယၤ 49:24

သုဟံးထီၣ်ကွံာ်ပှၤသုးဖိတဂၤအတၢ်ဂုာ်န့ၢ်ဘၣ်ကသ့ဧါ. သုမၤပူၤဖျဲးပှၤဘၣ်စၢဃာ်လၢဃိာ်ပူၤတဖၣ်လၢပှၤပၢတၢ်ဖဲဒၣ် အသးအၢအၢသီသီတဂၤအစုပူၤဘၣ်ကသ့ဧါ.

လံာ်မးသဲ 12:28

ကစၢ်ယွၤအသးမ့ၢ်ဟ့ၣ်ယၤတၢ်စိတၢ်ကမီၤလၢယကနီၣ်ထီၣ်ဟီထီၣ်ကွံာ်တၢ် နါတဖၣ်ဒီး, အအံၤမ့ၢ်တၢ်လၢအဒုးနဲၣ်လၢကစၢ်ယွၤအဘီအမုၢ်န့ၣ်ဟဲတုၤအိၣ်သု လံ.

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 3:19

တၢ်စံၣ်ညီၣ်မ့ၢ်ဒ်အံၤလီၤ. တၢ်ကပီၤဟဲနုာ်လီၤဆူဟီၣ်ခိၣ်, ဘၣ်ဆၣ်ပှၤဟီၣ်ခိၣ်ဖိအဲၣ်တၢ်ခံးဒိၣ်န့ၢ်ဒံးအအဲၣ်တၢ်ကပီၤ တက့ၢ်, မ့ၢ်လၢအတၢ်မၤတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 9:39

ယ့ၣ်ၡူးစံးဝဲဒၣ်, “ယဟဲဆူဟီၣ်ခိၣ်အံၤလၢယကစံၣ်ညီၣ်တၢ် အဂီၢ်, ဒ်သိးပှၤလၢအတထံၣ်တၢ်တဖၣ်ကထံၣ်ထီၣ်က့ၤတၢ်, ဒီးပှၤလၢအထံၣ်တၢ်တဖၣ်အမဲာ်ကဘျီၣ်အဂီၢ်န့ၣ်လီၤ.”

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.