လံာ်ယိၤဟၣ် 12:3 - Sgaw Karen Common Bible

³ နီၢ်မၤရံဟံးန့ၢ်သိနၢမူလုၢ်ဒိၣ်ပှ့ၤဒိၣ်လၢတၢ်မၤန့ၢ်အီၤလၢနၢ်ဒူး အဂံၢ်ဒီပလီညါဒီးလူလီၤဝဲလၢယ့ၣ်ၡူးအခီၣ်အလိၤဒီး ထွါကွံာ်ဝဲလၢအခိၣ်သူလီၤ. သိနၢမူအံၤနၢမူထီၣ်ဝဲပှဲၤဟံၣ်ဒီ ဖျၢၣ်ညါန့ၣ်လီၤ.

လံာ်ယိၤဟၣ် 12:3 Iomraidhean Croise

စံးထီၣ်ပတြၢၤ 132:2

ယွၤဧၢ, သ့ၣ်နီၣ်ထီၣ်က့ၤတၢ်လၢအဝဲအၢၣ်လီၤတ့ၢ်ဝဲ, တၢ်ဆိၣ်လၢအမၤတ့ၢ်ဝဲဒီးနၤ, စီၤယၤကိာ်အကစၢ်ယွၤလၢအဂံၢ်ဆူၣ်ဘါဆူၣ်,

တၢ်ကတိၤဒိ. 27:16

နမၤဘှ့ၣ်မၤဘှီၣ် အီၤကသ့ဒ်လဲၣ်. မ့ၢ်နကျဲးစၢးတြီကွၢ်ကလံၤအူ တၢ်, မ့တမ့ၢ်ဘၣ်ဒီး, မ့ၢ်နကျဲးစၢးစိာ်ကွၢ်သိပှဲၤလၢနစုပူၤတဘျီဘျီဧါ.

လံာ်တၢ်သးဝံၣ်တဖၣ်အတၢ်သးဝံၣ် 1:12

ယစီၤပၤမံနီၤလၢအလီၢ်ဆ့ၣ်နီၤခးအလိၤ, ဖဲယတၢ်နၢမူနၢ်ဒူး, နၢမူထီၣ်လၢကလံၤကျါလီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:10

နတၢ်အဲၣ်န့ၣ်ဒုးသးခုယၤ, ယတၢ်အဲၣ်ဒီးယတလးမူးပိာ်မုၣ်ဧၢ. နတၢ်အဲၣ်န့ၣ်ဂ့ၤန့ၢ်စပံးထံ, နထံနၢမူတဖၣ်နၢမူဒိၣ်န့ၢ်ဒံးတၢ်နၢမူအဂၤတဖၣ်တက့ၢ်န့ၣ် လီၤ.

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

လံာ်လူၤကၣ် 7:46

နတဖှူယခိၣ်လၢသိနီတစဲးဘၣ်. မ့မ့ၢ်အဝဲဒၣ်လူလီၤသိနၢမူလၢယခီၣ်တဖၣ်အလိၤလီၤ.

လံာ်ယိၤဟၣ် 11:2

(နီၢ်မၤရံအဝဲအံၤမ့ၢ်ပှၤတဂၤဃီလၢအလူလီၤအသိနၢမူလၢ ယ့ၣ်ၡူးအခီၣ်အလိၤဒီးတြူာ်ကွံာ်ဝဲအခီၣ်လၢအခိၣ်သူလီၤ. စီၤလါစရူးလၢအဆိးက့အံၤမ့ၢ်အဝဲအဒီပုၢ်ဝဲၢ်ခွါလီၤ.)

လံာ်ယိၤဟၣ် 11:28

နီၢ်မၢ်သၤစံးတၢ်ဒ်အံၤဝံၤဒီး, အဝဲက့ၤကဒါက့ၤဒီးကိး အဒီပုၢ်ဝဲၢ်မုၣ်နီၢ်မၤရံကစုဒုဒီးစံးဘၣ်အီၤ, “သရၣ်ဟဲတုၤဖဲအံၤလံဒီးအဲၣ်ဒိးထံၣ်နၤလီၤ.”

လံာ်ယိၤဟၣ် 11:32

နီၢ်မၤရံလဲၤတုၤဖဲယ့ၣ်ၡူးအိၣ်တၢ်အလီၢ်ဒီး တုၤအထံၣ်အီၤတဘျီဃီအဝဲထိၣ်လီၤပှီၤအသးဖဲယ့ၣ်ၡူး အခီၣ်ထံးဒီးစံးဝဲ, “ကစၢ်ဧၢ, နမ့ၢ်အိၣ်တ့ၢ်နဲဖဲအံၤဒီး ယဒီပုၢ်ဝဲၢ်ခွါတဂၤအံၤတမ့ၢ်လၢအကသံဒံးဘၣ်.”

လံာ်ယိၤဟၣ် 19:39

စီၤနံၤကဒ့မူး, ပှၤလၢအဃုထံၣ်တ့ၢ်ယ့ၣ်ၡူးလၢမုၢ်နၤခီတဘျီ တဂၤန့ၣ်, ဟဲစ့ၢ်ကီးဒီးစီၤယိၤသး, ဒီးဟဲစိာ်ဃုာ်ဝဲတၢ်နၢမူကိး ဝဲလၢမူရၣ်လၢအဃါဃုာ်အသးဒီးအကၠီၣ်, သၢဆံလံတြၤ ဃၣ်ဃၣ်န့ၣ်လီၤ.