လံာ်ယိၤဟၣ် 12:28 - Sgaw Karen Common Bible

²⁸ ပၢ်ဧၢ, မၤလၤကပီၤနမံၤတက့ၢ်.” အန့ၣ်ဒီးတၢ်ကလုၢ်သီၣ်လီၤလၢ မူခိၣ်ဒီးစံးဝဲ, “ယမၤလၤကပီၤအီၤလံ. ဒီးယကမၤလၤကပီၤကဒီး အီၤန့ၣ်လီၤ.”

လံာ်ယိၤဟၣ် 12:28 Iomraidhean Croise

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 11:26

မ့ၢ်လီၤပၢ်ဧၢ, တၢ်အံၤမ့ၢ်အမၤအသးဒ်နအဲၣ်ဒိးလၢအကမၤ အသးအသိးန့ၣ်လီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မၢ်ကူး 1:11

ဒီးတၢ်ကလုၢ်သီၣ်ထီၣ်လၢမူခိၣ်လၢအစံးဝဲ, “နဲဒၣ်အံၤနမ့ၢ်ယဖိခွါလၢယအဲၣ်အီၤဒီးဘၣ်သူၣ်ဘၣ်သးယၤဒိၣ်မး တဂၤလီၤ.”

လံာ်မၢ်ကူး 14:36

ဒီးအဝဲဒၣ်စံးဝဲ, “အးဘၤ, ပၢ်ဧၢ, နမၤတၢ်သ့ခဲလၢာ်လီၤ. တၢ်နးတၢ်ဖှီၣ်အလီခီအံၤဒုးလဲၤပူၤကွံာ်လၢယၤတက့ၢ်. သနာ်က့ဒီး, အသုတမ့ၢ်ဒ်တၢ်ဘၣ်ယသးအသိးတဂ့ၤ. မ်အမ့ၢ်ဒ်တၢ်ဘၣ်နသးအသိးတက့ၢ်.”

လံာ်မၢ်ကူး 9:7

ဒီးတၢ်အၢၣ်တလိၣ်အိၣ်ဖျါထီၣ်ဒီးအကဒုလီၤဘၣ်လၢအဝဲသ့ၣ် အဖီခိၣ်လီၤ. တၢ်ကလုၢ်သီၣ်ထီၣ်လၢတၢ်အၢၣ်အပူၤစံးဝဲ, “အဝဲတဂၤအံၤမ့ၢ်ယဖိခွါလၢယအဲၣ်အီၤလီၤ. ကနၣ်အကလုၢ်တက့ၢ်.”

လံာ်လူၤကၣ် 3:22

ဒီးသးစီဆှံဟဲလီၤလၢအလိၤအိၣ်ဒီးနီၢ်ခိအက့ၢ်အဂီၤဒ်ထိၣ်လွံၢ် တဘ့ၣ်အသိးန့ၣ်လီၤ. ဒီးတၢ်ကလုၢ်သီၣ်လီၤလၢမူခိၣ်ဒီးစံးဝဲ, “နဲဒၣ်အံၤနမ့ၢ်ယဖိခွါဒၣ်ယဲလၢယအဲၣ်အီၤတဂၤလီၤ. ယဘၣ်သူၣ်ဘၣ်သးနၤဒိၣ်မးလီၤ.”

လံာ်လူၤကၣ် 9:35

တၢ်အကလုၢ်ဟဲသီၣ်ထီၣ်လၢတၢ်အၢၣ်အပူၤဒီးစံးဝဲ, “အဝဲအံၤ မ့ၢ်ယဖိခွါလၢယဃုထၢတ့ၢ်အီၤတဂၤလီၤ. ဒိကနၣ်အကလုၢ်တက့ၢ်.”

လံာ်ယိၤဟၣ် 11:4

ဖဲယ့ၣ်ၡူးနၢ်ဟူတၢ်ကစီၣ်အံၤန့ၣ်အဝဲဒၣ်စံး, “တၢ်ဆူးတၢ်ဆါအံၤတမ့ၢ်တၢ်ဆါလၢအကဆှၢအီၤဆူတၢ်သံ န့ၣ်ဘၣ်. မ့မ့ၢ်လၢကစၢ်ယွၤအလၤကပီၤအဂီၢ်, ဒီးခီဖျိတၢ်အံၤန့ၣ်, ကစၢ်ယွၤအဖိခွါအလၤကပီၤကအိၣ်ဖျါထီၣ်ဝဲန့ၣ်လီၤ.”

လံာ်ယိၤဟၣ် 18:11

ယ့ၣ်ၡူးစံးဘၣ်စီၤပ့းတရူး, “ဖျီၣ်နုာ်က့ၤနနးဆူအတြိးပူၤန့ၣ် တက့ၢ်. မ့ၢ်ယတဘၣ်အီတၢ်နးတၢ်ဖှီၣ်အလီခီလၢယပၢ်ဟ့ၣ်လီၤ ယၤန့ၣ်ဘၣ်ဧါ.”

လံာ်ယိၤဟၣ် 9:3

ယ့ၣ်ၡူးစံးဆၢတၢ်ဒီးစံးဝဲ, “အဝဲအတၢ်မဲာ်ဘျီၣ်န့ၣ်တဘၣ်ဃးလၢအတၢ်ဒဲးဘးမ့ၢ်ဂ့ၤ, အမိၢ်အပၢ်အတၢ်ဒဲးဘးမ့ၢ်ဂ့ၤန့ၣ်ဘၣ်. မ့ၢ်ဒၣ်လၢကစၢ်ယွၤအစိကမီၤကမၤတၢ်လၢအပူၤ ဒီးကဘၣ်တၢ်ထံၣ်န့ၢ်အီၤအဂီၢ်တခီန့ၣ်လီၤ.

အ့းဖ့းစူး 2:7

ယွၤမၤတၢ်အံၤမ့ၢ်ဒ်သိးအကလီၣ်ဖျါထီၣ်န့ၢ်စိၤလၢ အကဟဲခဲလၢာ်လၢအဝဲအတၢ်အဲၣ်ပှၤလၢအလီၣ်ဖျါထီၣ်ဝဲလၢ ယ့ၣ်ၡူးခရံာ်အပူၤန့ၣ်, အဘျုးအဖှိၣ်ဒိၣ်ဝဲအါဝဲလီၤတိၢ်လီၤဆီ အဂ့ၢ်လီၤ.

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.

အ့းဖ့းစူး 3:21

တၢ်လၤကပီၤမ်အဘၣ်ကစၢ်ယွၤလၢတၢ်အိၣ်ဖှိၣ်အပူၤ ဒီးလၢယ့ၣ်ၡူးခရံာ်အပူၤအစိၤစိၤအဃၣ်ဃၣ်လီၤထူလီၤယိာ် တက့ၢ်. အၤမ့ၣ်.

၂ ပ့းတရူး 1:17

ဖဲပၢ်ကစၢ်ယွၤဟ့ၣ်လီၤအီၤတၢ်ပာ်ဒိၣ်ပာ်ထီဒီးတၢ်လၤကပီၤ အဆၢကတီၢ်, ဒီးဖဲယွၤလၢအလၤကပီၤဒိၣ်စိတဂၤအကလုၢ် ဟဲတုၤအိၣ်အီၤဒီး စံးဝဲ, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်ယသး လၢအီၤဒိၣ်မးလီၤ” အဆၢကတီၢ်န့ၣ်, ပအိၣ်ဖဲန့ၣ်လီၤ.