လံာ်ယိၤဟၣ် 12:24 - Sgaw Karen Common Bible

²⁴ ယစံးဘၣ်တဲဘၣ်သုတၢ်မ့ၢ်တၢ်တီလီၤ. မ့တမ့ၢ်ဘၣ်လၢဘုချံတဖျၢၣ်ဘၣ်တၢ်တ့ၢ်လီၤကွံာ်အီၤဆူဟီၣ်ခိၣ် အလိၤဒီးအုၣ်သံကွံာ်ဘၣ်န့ၣ်, ဘုချံအံၤကအိၣ်ဒၣ်ထဲတဖျၢၣ်ဧိၤဒ်လီၢ်လီၢ်န့ၣ်လီၤ. မ့မ့ၢ်တုၤအအုၣ်သံကွံာ်ဒီးကမဲထီၣ်ဒီးသၣ်ထီၣ်ဝဲအါဖျၢၣ်လီၤ.

လံာ်ယိၤဟၣ် 12:24 Iomraidhean Croise

လံာ်စီၤယိၤဘး 14:8

အဂံၢ်တဖၣ်မ့ၢ်ပှၢ်ထီၣ်ဒၣ်လဲာ်ဒိးပဒုၣ်ထီၣ်က့ၤ ဒ်သ့ၣ်ဖိအထံးအသိးသ့ဝဲဒၣ်န့ၣ်လီၤ.

စံးထီၣ်ပတြၢၤ 22:15

ယဂံၢ်ယဘါဃ့ထီကွံာ်ဝဲဒ်သပၢၤတက့အသိး, ဒီးယပျုၤစဲဘူးဒီးယခၣ်ခိၣ်န့ၣ်လီၤ. နဒုးမံလီၤယၤလၢတၢ်သံအဟီၣ်ခိၣ်အကမူၣ် အပူၤန့ၣ်လီၤ.

စံးထီၣ်ပတြၢၤ 72:16

မ်ဘုဧိၤဟုဧိၤကအိၣ်လၢပှဲၤဝဲလၢထံကီၢ်အပူၤ, ဒီးတၢ်လူၢ်တဖၣ် အဒီခိၣ်န့ၣ်ကဟူးဝးဝဲဒ်လဘၤနိၣ်အသိး မ်အသၣ်ထီၣ်အါအါဂီၢ်ဂီၢ်ဒ် လဘၤနိၣ်အတၤသၣ်တဖၣ်အသိးတက့ၢ်. မ်အဂုၤထီၣ်ပသီထီၣ်ဒ် နီၣ်ဧိၤမံၤဧိၤလၢစံာ်ပျီပူၤအသိးတက့ၢ်.

လံာ်ယၡါယၤ 28:28

အဝဲတမၤဟးဂီၤဘုကၠူၣ်တဖၣ်ခီဖျိတၢ်ယီၢ်အီၤတထံၣ် ဃီန့ၣ်ဘၣ်. ကဘၣ်ယီၢ်အဘုဒ်လဲၣ်န့ၣ်, အဝဲသ့ၣ်ညါဝဲကစီဒီလီၤ. ကဘၣ်ဝီလ့ၣ်လၢအဖီခိၣ်ဒီးတမၤသဘှံးဘၣ်ဘုအသၣ် တဖၣ်ဘၣ်န့ၣ်လီၤ.

ရိမ့ၤ 14:9

အဂ့ၢ်ဒ်လဲၣ်န့ၣ်, ခရံာ်သံဝဲဒီးဂဲၤဆၢထၢၣ်သမူထီၣ်က့ၤ မ့ၢ်ဒ်သိးကကဲထီၣ်ကစၢ်လၢပှၤအမူဒီးပှၤအသံတဖၣ်အဂီၢ်န့ၣ်လီၤ.