လံာ်ယိၤဟၣ် 12:17 - Sgaw Karen Common Bible

¹⁷ ပှၤဂီၢ်မုၢ်တဖၣ်လၢအအိၣ်တ့ၢ်ဒီးယ့ၣ်ၡူးအကတီၢ်ဖဲအဝဲကိးထီၣ် စီၤလါစရူးလၢတၢ်သွၣ်ခိၣ်အပူၤဒီးဒုးဂဲၤဆၢထၢၣ်က့ၤအီၤန့ၣ်, အုၣ်တ့ၢ်အသးလၢတၢ်မၤအသးအံၤအဂ့ၢ်လီၤ.

လံာ်ယိၤဟၣ် 12:17 Iomraidhean Croise

လံာ်ယိၤဟၣ် 1:19

ဖဲပှၤယူဒၤဖိအခိၣ်အနၢ်လၢယရူၤၡလ့ၣ်တဖၣ် မၢလီၤပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ဆူ စီၤယိၤဟၣ်အအိၣ်ဒ်သိးကသံကွၢ်အီၤ, “နမ့ၢ်မတၤလဲၣ်.” န့ၣ်ဒီး အဝဲအတၢ်အုၣ်အသးမ့ၢ်အအံၤန့ၣ်လီၤ.

လံာ်ယိၤဟၣ် 1:32

စီၤယိၤဟၣ်အုၣ်အသးဒီးစံးဝဲဒၣ်, “ယထံၣ်ယွၤအသးန့ၣ်ဟဲလီၤလၢမူခိၣ်ဒ်ထိၣ်လွံၢ်အသိး ဒီးအိၣ်ဝဲလၢအလိၤန့ၣ်လီၤ.

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 11:31

ဖဲပှၤယူဒၤဖိလၢအကတိၤမုာ်ထီၣ်က့ၤအီၤဒီးအိၣ်ဒီးအီၤ လၢဟံၣ်ပူၤတဖၣ်ထံၣ်နီၢ်မၤရံဂဲၤဆၢထၢၣ်ချ့သဒံးန့ၣ်, အဝဲသ့ၣ်ပိာ်ထီၣ်အခံလီၤ. အဝဲသ့ၣ်ဆိကမိၣ်ဝဲလၢအဝဲ ကလဲၤဆူတၢ်သွၣ်ခိၣ်ဒ်သိးအကဟီၣ်ဝဲဖဲန့ၣ်လီၤ.

လံာ်ယိၤဟၣ် 11:42

ယသ့ၣ်ညါလၢနဒိကနၣ်ယၤထီဘိတထံၣ်ဃီလီၤ. ဘၣ်ဆၣ်ယစံးတၢ်အံၤမ့ၢ်ဒၣ်ဒ်သိးဒီးပှၤဂီၢ်မုၢ်ဖဲအံၤတဖၣ် ကနာ်ဝဲလၢနမၢလီၤယၤအဂီၢ်န့ၣ်လီၤ.”

လံာ်ယိၤဟၣ် 12:9

ပှၤယူဒၤဖိဂီၢ်မုၢ်ဖးဒိၣ်နၢ်ဟူဝဲလၢယ့ၣ်ၡူးအိၣ်ဝဲလၢသဝီဘ့ၤသနံ သတးဒီးအဝဲသ့ၣ်လဲၤဖဲန့ၣ်, တမ့ၢ်ထဲလၢယ့ၣ်ၡူးအိၣ်ဖဲန့ၣ်အဃိ ဘၣ်. မ့မ့ၢ်လဲၤဝဲဒ်သိးကထံၣ်ဘၣ်စီၤလါစရူးလၢယ့ၣ်ၡူးဒုးဂဲၤဆၢထၢၣ် သမူထီၣ်က့ၤလၢတၢ်သံတဂၤအဂီၢ်စ့ၢ်ကီးလီၤ.

လံာ်ယိၤဟၣ် 19:35

(ပှၤလၢအထံၣ်တၢ်မၤအသးအံၤတဂၤစံးကတိၤတၢ်ဘၣ်ဃး တၢ်ဂ့ၢ်အံၤ, ဒ်သိးသုဝဲစ့ၢ်ကီးသုကနာ်တၢ်အဂီၢ်န့ၣ်လီၤ. တၢ်လၢအဝဲစံးကတိၤန့ၣ်မ့ၢ်တၢ်မ့ၢ်တၢ်တီ, ဒီးအကစၢ်ဒၣ်ဝဲသ့ၣ်ညါလၢအစံးကတိၤတၢ်မ့ၢ်တၢ်တီန့ၣ်လီၤ.)

လံာ်ယိၤဟၣ် 21:24

အဝဲမ့ၢ်အပျဲၢ်အဘီၣ်တဂၤလၢအကတိၤဖျါထီၣ်တၢ်ဂ့ၢ်တဖၣ် အံၤ, မ့ၢ်ပှၤတဂၤဃီလၢအကွဲးနီၣ်ကွဲးဃါတၢ်သ့ၣ်တဖၣ် အံၤ, ဒီးပသ့ၣ်ညါလၢတၢ်လၢအဝဲအုၣ်အသးတဖၣ်န့ၣ်, မ့ၢ်တၢ်မ့ၢ်တၢ်တီလီၤ.

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 5:32

ပဝဲဒၣ်တဖၣ်ပအုၣ်ပသးလၢတၢ်သ့ၣ်တဖၣ်အံၤအဂ့ၢ်, ဒီးသးစီဆှံလၢအမ့ၢ်ကစၢ်ယွၤအတၢ်ဟ့ၣ်လၢပှၤလၢအဒိကနၣ် အကလုၢ်တဖၣ်ဒိးန့ၢ်ဘၣ်ဝဲန့ၣ်, အုၣ်စ့ၢ်ကီးအသးလီၤ.”

လံာ်လီၣ်ဖျါ 1:2

ဒီးစီၤယိၤဟၣ်တဲဖျါထီၣ်တ့ၢ်တၢ်သ့ၣ်တဖၣ်လၢအဝဲဒၣ် ထံၣ်ဘၣ်တ့ၢ်ဝဲခဲလၢာ်န့ၣ်လီၤ. အဝဲအံၤ, မ့ၢ်အဝဲဒၣ်အတၢ်ပာ်ဖျါဘၣ်ဃးတၢ်ကစီၣ်လၢကစၢ်ယွၤအအိၣ်, ဒီးတၢ်မ့ၢ်တၢ်တီလၢယ့ၣ်ၡူးခရံာ်လီၣ်ဖျါထီၣ်အီၤန့ၣ်လီၤ.