လံာ်ယိၤဟၣ် 12:15 - Sgaw Karen Common Bible

¹⁵ “ပျံၤတၢ်တဂ့ၤ, ဝ့ၢ်စံယိၣ်ဧၢ, ကွၢ်ကွၢ်, နစီၤပၤ ဟဲဒိးဝဲကသ့ၣ်ယီၤဖိတဒုဆူနအိၣ်လီၤ” (ကၤ. ၉:၉).

လံာ်ယိၤဟၣ် 12:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:1

တၢ်န့ၣ်အလီၢ်ခံ, စီၤအးဘၡါလိၣ်ကတဲာ်ကတီၤဝဲ, လ့ၣ်ကဟၣ်တဆိဒီးကသ့ၣ်တဖၣ်လၢအဂီၢ်ဒၣ်ဝဲဒီးပှၤသုးဖိအဂၤယဲၢ်ဆံ လဲၤတၢ်ဒီးအီၤဒီးကဟုကယာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:2

စီၤပၤစီၤဒၤဝံးသံကွၢ်အီၤ, “တၢ်ခဲလၢာ်အံၤနကမၤတၢ်မနုၤန့ၣ်လဲၣ်.” စီၤစံဘၤစံးဆၢဝဲဒၣ်, “ကသ့ၣ်ယီၤတဖၣ်မ့ၢ်လၢနဲဒၣ်, တၢ်ဒိၣ်ကစၢ်စီၤပၤအဟံၣ်ဖိဃီဖိတဖၣ်ကဒိးဝဲအဂီၢ်, ကိၣ်ဒီးသ့ၣ်သၣ်တဖၣ်မ့ၢ်လၢပှၤပိာ်ခွါတဖၣ်ကအီၣ်ဝဲအဂီၢ်ဒီး စပံးထံန့ၣ်မ့ၢ်လၢအဝဲသ့ၣ်ကအီဝဲဖဲအဝဲသ့ၣ်လီၤဘှံးလီၤ တီၤလၢပှၢ်မုၢ်ကနၢအပူၤအခါအဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:33

အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 62:11

ယွၤဘိးဘၣ်သ့ၣ်ညါလီၤတၢ်လၢဟီၣ်ခိၣ်ဒီဘ့ၣ် ဒ်သိးတၢ်ကတဲဘၣ်ဝ့ၢ်ယရူၤရှလ့ၣ်အပှၤဂီၢ်မုၢ် လၢယွၤဟဲဝဲလၢကအုၣ်က့ၤခီၣ်က့ၤဝ့ၢ် ယရူၤရှလ့ၣ်ဒီးဟဲစိာ်ဃုာ်ပှၤဂီၢ်မုၢ်လၢအဝဲမၤပူၤဖျဲးတ့ၢ်တဖၣ် ဃုာ်ဒီးအီၤန့ၣ်လီၤ.

လံာ်မံကၤ 4:8

ဒီးနဲဒၣ်ဝ့ၢ်ယရူၤၡလ့ၣ်ဧၢ, နကကဲထီၣ်ကဒါက့ၤကဒီးဘီမုၢ်အဝ့ၢ် ခိၣ်ဒီးဖဲန့ၣ်ကစၢ်ယွၤကခိးကွၢ်အပှၤဂီၢ်မုၢ်လၢအမ့ၢ်နတၢ်ဒ်ပှၤ ကွၢ်သိတဂၤအသိးန့ၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 21:5

“စံးဘၣ်တဲဘၣ်ဝ့ၢ်စံယိၣ် ကွၢ်တက့ၢ်. နစီၤပၤဟဲဆူနအိၣ်, အသူၣ်စူၤအသးစူၤဒီးဒိးဝဲကသ့ၣ်ယီၤ ကသ့ၣ်ယီၤအသးစၢ်, ကသ့ၣ်ယီၤအဖိလီၤ” (ကၤ. ၉:၉).

လံာ်ယိၤဟၣ် 12:14

ယ့ၣ်ၡူးထံၣ်န့ၢ်ကသ့ၣ်ယီၤဖိတဒုဒီးဒိးထီၣ်အီၤဒ်တၢ်ကွဲး အသးစံးဝဲ,

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 12:14

အဝဲဒၣ်အိၣ်ဒီးအဖိခွါအဂၤလွံၢ်ဆံဒီးအလံၤခွါအဂၤသၢဆံလၢ အဒိးကသ့ၣ်ယီၤအဒုနွံဆံန့ၣ်လီၤ. စီၤဧၤဘဒိၣ်ပၢဆှၢကီၢ်အံၣ်စရ့လးဃိးနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:10

တဲတၢ်ဂ့ၢ်န့ၣ်, သုဝဲလၢအဒိးကသ့ၣ်ယီၤဝါတဖၣ်, သုဝဲလၢအဆ့ၣ်နီၤလၢကသ့ၣ်အဂီၤကၢ်အလိၤတဖၣ်, ဒီးသုဝဲလၢအလဲၤတၢ်တပူၤလၢ်လၢ်သ့ၣ်ဧၢ.