လံာ်ယိၤဟၣ် 12:11 - Sgaw Karen Common Bible

¹¹ အဂ့ၢ်ဒ်အံၤ, ခီဖျိလၢတၢ်မၤအသးဒီးစီၤလါစရူးအံၤန့ၣ်, ပှၤယူဒၤဖိအါဂၤတတူၢ်လိာ်လၢၤအဝဲသ့ၣ်ဘၣ်ဒီးစူၢ်က့ၤနာ်က့ၤ ယ့ၣ်ၡူးန့ၣ်လီၤ.

လံာ်ယိၤဟၣ် 12:11 Iomraidhean Croise

လံာ်ယိၤဟၣ် 11:42

ယသ့ၣ်ညါလၢနဒိကနၣ်ယၤထီဘိတထံၣ်ဃီလီၤ. ဘၣ်ဆၣ်ယစံးတၢ်အံၤမ့ၢ်ဒၣ်ဒ်သိးဒီးပှၤဂီၢ်မုၢ်ဖဲအံၤတဖၣ် ကနာ်ဝဲလၢနမၢလီၤယၤအဂီၢ်န့ၣ်လီၤ.”

လံာ်ယိၤဟၣ် 11:45

ပှၤယူဒၤဖိအါဂၤလၢအဟဲအိၣ်သကိးနီၢ်မၤရံ, ထံၣ်ဘၣ် ယ့ၣ်ၡူးမၤတ့ၢ်တၢ်အံၤဒီးအဝဲသ့ၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 11:48

ပမ့ၢ်ပျဲအမၤတၢ်ဒ်အံၤတဖၣ်ဆူညါဒီး, ပှၤခဲလၢာ်ကစူၢ်က့ၤနာ်က့ၤအီၤဒီးပှၤရိမ့ၤဖိ အပဒိၣ်ပပှၢ်တဖၣ်ကဟဲဒီးမၤဟးဂီၤကွံာ် ပတၢ်လုၢ်ဟံၣ်ဒီးပပှၤဒီကလုာ်ညါန့ၣ်လီၤ.”

လံာ်ယိၤဟၣ် 12:10

လၢတၢ်န့ၣ်အဃိ, ပှၤလုၢ်တၢ်အခိၣ်အဒိၣ်တဖၣ်ကူၣ်ထီၣ်ဝဲဒၣ်လၢ အကမၤသံစီၤလါစရူးစ့ၢ်ကီးလီၤ.

လံာ်ယိၤဟၣ် 12:18

မ့ၢ်လၢပှၤဂီၢ်မုၢ်နၢ်ဟူဝဲဒၣ်လၢယ့ၣ်ၡူးမၤတ့ၢ်တၢ်လီၤလးတမံၤအံၤ အဃိ, အဝဲသ့ၣ်ဟဲသဂၢၢ်အီၤလီၤ.

လံာ်ယိၤဟၣ် 12:42

အန့ၣ်ဒၣ်လဲာ်, ပှၤယူဒၤဖိအခိၣ်အနၢ်အါဂၤစူၢ် က့ၤနာ်က့ၤယ့ၣ်ၡူးဘၣ်ဆၣ်ဒီးမ့ၢ်လၢအပျံၤဘၣ်ပှၤဖၤရံၤၡဲ တဖၣ်အဃိ, ဒ်သိးဒီးအဝဲသ့ၣ်အသုတဘၣ်တၢ်ဟီထီၣ်ကွံာ်အီၤလၢ ဘူၣ်ဘျီၣ်လၢအမ့ၢ်တၢ်ဘါလီၢ်တဂ့ၤဒီး, အဝဲသ့ၣ်တအၢၣ်လီၤ အီလီၤတၢ်စူၢ်တၢ်နာ်လၢပှၤဂၤအမဲာ်ညါဘၣ်.

လံာ်ယိၤဟၣ် 7:31

ဘၣ်ဆၣ်ဒီးပှၤအါဂၤလၢပှၤဂီၢ်မုၢ်အကျါနာ်အီၤဒီးစံး, “တုၤခရံာ်ဟဲဝဲဒီးမ့ၢ်အဝဲကမၤတၢ်လီၤလးဒိၣ်န့ၢ်အါ န့ၢ်ဒံးအဝဲတဂၤအံၤမၤတ့ၢ်ဝဲန့ၣ်ဧါ.”

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.