လံာ်ယိၤဟၣ် 11:54 - Sgaw Karen Common Bible

⁵⁴ လၢတၢ်န့ၣ်အဃိ, ယ့ၣ်ၡူးတဟးထီၣ်က့ၤလီၤလၢကီၢ်ယူဒၤ အပူၤဖျိဖျိဖျါဖျါလၢၤဘၣ်. မ့မ့ၢ်ဟးထီၣ်ကွံာ်ဝဲဖဲန့ၣ်ဒီးလဲၤဝဲဆူဝ့ၢ်ကိးဝဲအမံၤလၢအ့ဖရဲၣ်, လၢအအိၣ်ဘူးဒီးပှၢ်မုၢ်ကနၢဒီးအိၣ်ဝဲဆိးဝဲဒီးအပျဲၢ်အဘီၣ် တဖၣ်ဖဲန့ၣ်လီၤ.

လံာ်ယိၤဟၣ် 11:54 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:23

ခံနံၣ်ပူၤကွံာ်အလီၢ်ခံန့ၣ် စီၤအးဘၡါလိၣ်အိၣ်ဒီးအတၢ်တံာ်အသိတဖၣ်အဆူၣ်ဖဲဝ့ၢ်ဘဧၤလးဃါစိၢ်, ဘူးဒီးဝ့ၢ်အ့ဖရဲၣ်အဃၢၤဒီး အဝဲကွဲမုာ်ကယဲၢ်စီၤပၤအဖိခွါတဖၣ်လၢအကဟဲဖဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:19

စီၤအဘံယၤလူၤထွဲစီၤယၤရၤဘၣ်အသုးမုၢ်အခံဒီးမၤန့ၢ်အဝဲ သ့ၣ်အဝ့ၢ်တနီၤလၢအမ့ၢ်, ဝ့ၢ်ဘ့ၤသ့လး, ဝ့ၢ်ယၡၤနၤ, ဝ့ၢ်အ့ဖရိၣ်ဒီးဒူသဝီတဖၣ်လၢအအိၣ်ဘူးဒီးဝ့ၢ်တဖၣ်အံၤတဖျၢၣ် စုာ်စုာ်န့ၣ်လီၤ.

လံာ်ယိၤဟၣ် 10:40

ယ့ၣ်ၡူးက့ၤကဒါက့ၤကဒီးဆူထံကျိယၢ်ဒ့ၣ်ဝၢ်ဘးခီဆူ တၢ်လီၢ်ဖဲစီၤယိၤဟၣ်ဘျၢတ့ၢ်ပှၤအလီၢ်, ဒီးအိၣ်ဝဲဖဲန့ၣ်လီၤ.

လံာ်ယိၤဟၣ် 18:20

ယ့ၣ်ၡူးစံးဆၢတၢ်ဒီးစံးဝဲ, “ယကတိၤတၢ်ထီဘိလၢပှၤအါဂၤ အမဲာ်ညါဒီးလၢပှၤကိးဂၤဒဲးန့ၣ်လီၤ. ယတၢ်သိၣ်လိသီလိခဲလၢာ်ဘၣ်တၢ်မၤအီၤလၢဘူၣ်ဘျီၣ် လၢအမ့ၢ်တၢ်ဘါအလီၢ်အပူၤဒီးတၢ်လုၢ်ဟံၣ်အပူၤ, ဖဲပှၤယူဒၤဖိခဲလၢာ်ဟဲပာ်ဖှိၣ်အသးန့ၣ်လီၤ. ယတစံးကတိၤတၢ်လၢတၢ်ခူသူၣ်အပူၤနီတဘျီဘၣ်.

လံာ်ယိၤဟၣ် 7:1

တၢ်အံၤဝံၤအလီၢ်ခံဒီး, ယ့ၣ်ၡူးဟးဝ့ၤဝီၤဝဲလၢကီၢ်ကၤလံၤလါ အပူၤလီၤ. မ့ၢ်လၢပှၤယူဒၤဖိအခိၣ်အနၢ်တဖၣ်ဃုမၤသံအီၤ အဃိ, အဝဲတသးအိၣ်ဟးဝ့ၤဝီၤလၢကီၢ်ယူဒၤအပူၤန့ၣ်ဘၣ်.

လံာ်ယိၤဟၣ် 7:10

ယ့ၣ်ၡူးအဒီပုၢ်ဝဲၢ်ခွါတဖၣ်လဲၤထီၣ်ဆူဘူၣ်ပူၤဝံၤအလီၢ်ခံ, အဝဲလဲၤစ့ၢ်ကီးဝဲလီၤ. ဘၣ်ဆၣ်တလဲၤဝဲဖျိဖျိဖျါဖျါဘၣ်. မ့မ့ၢ်လဲၤဝဲလၢတၢ်ခူသူၣ်အပူၤလီၤ.

လံာ်ယိၤဟၣ် 7:13

ဘၣ်ဆၣ်ပှၤကတိၤတၢ်လၢယ့ၣ်ၡူးအဂ့ၢ်ဖျိဖျိဖျါဖျါ တဘူၣ်နီတဂၤဘၣ်. မ့ၢ်လၢအဝဲသ့ၣ်ပျံၤပှၤယူဒၤဖိ အခိၣ်အနၢ်တဖၣ်အဃိလီၤ.

လံာ်ယိၤဟၣ် 7:4

ပှၤတဂၤလၢအအဲၣ်ဒိးအမံၤဟူသၣ်ဖျါန့ၣ်, တပာ်ခူသူၣ်တၢ်လၢအဝဲမၤဝဲန့ၣ်ဘၣ်. မ့ၢ်လၢနမၤတ့ၢ်လံတၢ်တဖၣ်အံၤအဃိဒီး, ပျဲဟီၣ်ခိၣ်ဒီဘ့ၣ်သ့ၣ်ညါတၢ်ဘၣ်ဃးဒီးနၤတက့ၢ်.”