လံာ်ယိၤဟၣ် 11:53 - Sgaw Karen Common Bible

⁵³ စးထီၣ်လၢမုၢ်နံၤအဝဲန့ၣ်, ပှၤယူဒၤဖိအခိၣ်အနၢ်တဖၣ် ကူၣ်ထီၣ်ဖးလီၤလၢအကမၤသံယ့ၣ်ၡူးန့ၣ်လီၤ.

လံာ်ယိၤဟၣ် 11:53 Iomraidhean Croise

လံာ်တၢ်ကဲထီၣ်အခီၣ်ထံး 37:18

အဝဲသ့ၣ်ထံၣ်စိဃီၤစီၤယိၤသးလၢတၢ်လီၢ်အယံၤဒီးတချုးအဟဲ တုၤဒံးဘၣ်ဆူအဝဲသ့ၣ်အအိၣ်န့ၣ်, အဝဲသ့ၣ်ကူၣ်ထီၣ်တၢ်အၢထီဒါအီၤဒီးပာ်လီၤအသးလၢကမၤသံအီၤ န့ၣ်လီၤ.

လံာ်စီၤနဃ့မယၤ 13:21

ယဟ့ၣ်ပလီၢ်အဝဲသ့ၣ်လၢ, “သုမံခိးတၢ်ဖဲန့ၣ်လၢမုၢ်ကဆ့ၣ်ထီၣ်အဂီၢ်န့ၣ်အဘျုးတအိၣ်ဘၣ်. သုမ့ၢ်မၤကဒီးတၢ်အံၤတဘျီန့ၣ်, ယကမၤဆူၣ်ထီၣ်ယစုထီဒါသုန့ၣ်လီၤ.” စးထီၣ်ဖဲန့ၣ်အဝဲသ့ၣ်တဟဲကဒီးဝဲလၢမုၢ်အိၣ်ဘှံးအနံၤလၢၤ ဘၣ်န့ၣ်လီၤ.

လံာ်စီၤနဃ့မယၤ 4:16

ဒီးစးထီၣ်ဖဲန့ၣ်ယပှၤမၤတၢ်ဖိတဝာ်မၤတၢ်ဒီးအတဝာ်ခိးတၢ်ဒီး သိးထီၣ်စုကဝဲၤအိၣ်ဒီးဘီ, ကတီၤဒီးချံၣ်န့ၣ်လီၤ.

စံးထီၣ်ပတြၢၤ 113:2

မ်အမံၤဘၣ်တၢ်စံးထီၣ်ပတြၢၤအီၤခဲအံၤ ဒီးအစိၤစိၤအဃၣ်ဃၣ်တက့ၢ်.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

စံးထီၣ်ပတြၢၤ 71:10

အဂ့ၢ်ဒ်အံၤ, ယဒုၣ်ယဒါကတိၤတဖၣ်ထီဒါယၤ, ဒီးပှၤလၢအကွၢ်ဟုၣ်ယသးန့ၣ် ကူၣ်ထီၣ်ဖးလီၤတၢ်အၢတပူၤဃီထီဒါယၤလီၤ.

လံာ်ယံးရမံယၤ 38:15

ယစံးဆၢအီၤ, “ယမ့ၢ်တဲဘၣ်နၤတၢ်မ့ၢ်တၢ်တီဒီး နကမၤသံယၤ, ဒီးယမ့ၢ်ဟ့ၣ်ကူၣ်နၤဒီး, တမ့ၢ်လၢ နကကနၣ်ယၤန့ၣ်ဘၣ်.”

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်မးသဲ 12:14

တၢ်န့ၣ်ဝံၤဒီးပှၤဖၤရံၤၡဲတဖၣ်ဟးထီၣ်ဒီးကူၣ်ထီၣ်ဖးလီၤ သကိးလၢအကမၤသံယ့ၣ်ၡူးအဂီၢ်လီၤ.

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 22:46

ပှၤစံးဆၢက့ၤယ့ၣ်ၡူးတသ့နီတဘီနီတဂၤဘၣ်. ဒီးစးထီၣ်လၢမုၢ်တနံၤန့ၣ်, ပှၤသံကွၢ်အီၤတၢ်တဘူၣ်နီတမံၤနီတဂၤလၢၤဘၣ်.

လံာ်မးသဲ 26:4

ဒီးသုးကျဲၤကူၣ်ထီၣ်ဖးလီၤသကိးဝဲလၢကဖီၣ်ခူသူၣ်ယ့ၣ်ၡူး ဒီးမၤသံကွံာ်အီၤန့ၣ်လီၤ.

လံာ်မးသဲ 26:59

ပှၤလုၢ်တၢ်အခိၣ်အဒိၣ်တဖၣ်, ဒီးကီၣ်ကးဒီဖုညါကျဲးစၢးဃုတၢ်အုၣ်အသးကဘျံးကဘျၣ် ထီဒါယ့ၣ်ၡူးဒ်သိးကမၤသံဘၣ်အီၤအဂီၢ်လီၤ.

လံာ်မၢ်ကူး 14:1

အကတီၢ်မ့ၢ်ဖဲဘူၣ်လဲၤကပာ်ဒီးဘူၣ်ကိၣ်တအိၣ်ဒီးကိၣ်မံၣ် တချုးဘၣ်ဒံးဘၣ်ခံသီန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဃုဝဲကျဲလၢတၢ်ခူသူၣ်အပူၤလၢအကဖီၣ် န့ၢ်ယ့ၣ်ၡူးဒီးမၤသံကွံာ်အီၤအဂီၢ်န့ၣ်လီၤ.

လံာ်မၢ်ကူး 3:6

ပှၤဖၤရံၤၡဲတဖၣ်ဟးထီၣ်ကွံာ်ဖဲဘူၣ်ဘျီၣ်လၢအမ့ၢ်တၢ်ဘါလီၢ် အပူၤန့ၣ်, ဒီးတဘျီဃီလဲၤဃုထံၣ်လိာ်သးဒီးပှၤဟ့ၤရိာ်ကရၢဖိ တဖၣ်ဒီးကူၣ်ထီၣ်ဖးလီၤသကိးဝဲလၢအကမၤသံယ့ၣ်ၡူးန့ၣ်လီၤ.

လံာ်ယိၤဟၣ် 11:47

အန့ၣ်သတးဒီး, ပှၤဖၤရံၤၡဲတဖၣ်ဒီးပှၤလုၢ်တၢ်အခိၣ်အဒိၣ် တဖၣ်ကိးကီၣ်ကးအတၢ်အိၣ်ဖှိၣ်ဒီးစံးဝဲ “ပကမၤဒ်လဲၣ်. အဂ့ၢ်ဒ်အံၤ, ပှၤတဂၤအံၤမၤတၢ်လီၤလးအါမးလီၤ.

လံာ်ယိၤဟၣ် 12:10

လၢတၢ်န့ၣ်အဃိ, ပှၤလုၢ်တၢ်အခိၣ်အဒိၣ်တဖၣ်ကူၣ်ထီၣ်ဝဲဒၣ်လၢ အကမၤသံစီၤလါစရူးစ့ၢ်ကီးလီၤ.

လံာ်ယိၤဟၣ် 7:1

တၢ်အံၤဝံၤအလီၢ်ခံဒီး, ယ့ၣ်ၡူးဟးဝ့ၤဝီၤဝဲလၢကီၢ်ကၤလံၤလါ အပူၤလီၤ. မ့ၢ်လၢပှၤယူဒၤဖိအခိၣ်အနၢ်တဖၣ်ဃုမၤသံအီၤ အဃိ, အဝဲတသးအိၣ်ဟးဝ့ၤဝီၤလၢကီၢ်ယူဒၤအပူၤန့ၣ်ဘၣ်.

မၤတၢ် 5:33

တုၤကီၣ်ကးတဖုနၢ်ဟူတၢ်အံၤဒီး, အသးဒိၣ်ထီၣ်နးနးကလဲာ်တုၤဒၣ်လဲာ်အဲၣ်ဒိးမၤသံကွံာ်ပှၤတၢ် မၢဖိတဖၣ်န့ၣ်လီၤ.

မၤတၢ် 9:23

တဘျုးနံၤတဘျုးသီဝံၤအလီၢ်ခံ, ပှၤယူဒၤဖိတဖၣ်ကူၣ်ထီၣ်ခူသူၣ်သကိးဝဲလၢအကမၤသံကွံာ်စီၤ စီလူး,