လံာ်ယိၤဟၣ် 11:5 - Sgaw Karen Common Bible

⁵ ယ့ၣ်ၡူးအဲၣ်ဘၣ်နီၢ်မၢ်သၤဒီးအဒီပုၢ်ဝဲၢ်မုၣ်ဒီးစီၤလါစရူးလီၤ.

လံာ်ယိၤဟၣ် 11:5 Iomraidhean Croise

လံာ်လူၤကၣ် 10:38

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤကဒီးတၢ်ဆူညါန့ၣ်, အဝဲသ့ၣ်လဲၤတုၤလၢသဝီတဖျၢၣ်ဖဲပိာ်မုၣ်တဂၤလၢအမံၤမ့ၢ် နီၢ်မၢ်သၤ, တူၢ်လိာ်ခီၣ်ဆၢအီၤလၢအဝဲဒၣ်အဟံၣ်ပူၤလီၤ.

လံာ်လူၤကၣ် 10:40

နီၢ်မၢ်သၤအသးဘၣ်တံာ်တာ်လၢတၢ်ဖံးတၢ်မၤခဲလၢာ်လၢ အဘၣ်မၤဝဲတဖၣ်အဃိလီၤ. လၢတၢ်န့ၣ်အဃိအဝဲဒၣ်လဲၤဃီၤဆူ အအိၣ်ဒီးစံးဝဲ, “ကစၢ်ဧၢ, ယဒီပုၢ်ဝဲၢ်မုၣ်ဒုးမၤယၤတၢ်မၤခဲလၢာ်ထဲ တဂၤဧိၤန့ၣ်, နတပာ်လၢအမ့ၢ်တၢ်နီတမံၤဘၣ်ဧါ. တဲအီၤလၢအကဟဲမၤစၢၤယၤတက့ၢ်.”

လံာ်လူၤကၣ် 10:41

ကစၢ်ယ့ၣ်ၡူးစံးဆၢအီၤ, “နီၢ်မၢ်သၤဧၢ, နီၢ်မၢ်သၤဧၢ, နဲဒၣ်အံၤ, နဘၣ်ကိၢ်ဘၣ်ဂီၤဒီးနသးဘၣ်တံာ်တာ်လၢတၢ်အါမံၤအဃိလီၤ.

လံာ်ယိၤဟၣ် 11:1

ပှၤအိၣ်ဝဲတဂၤအမံၤမ့ၢ်စီၤလါစရူးလၢအအိၣ်လၢသဝီဘ့ၤ သနံဒီးအဝဲဆိးက့ဝဲန့ၣ်လီၤ. ဘ့ၤသနံမ့ၢ်သဝီလၢနီၢ်မၤရံဒီးအဒီပုၢ်ဝဲၢ်မုၣ်နီၢ်မၢ်သၤ အိၣ်ဝဲန့ၣ်လီၤ.

လံာ်ယိၤဟၣ် 11:3

ပှၤဒီပုၢ်ဝဲၢ်မုၣ်ခံဂၤအံၤဆှၢလီၤန့ၢ်ယ့ၣ်ၡူးအတၢ်ကစီၣ်လၢ အစံးဝဲ, “ကစၢ်ဧၢ, နတံၤသကိးလၢနအဲၣ်အီၤတဂၤဆိးက့ဝဲန့ၣ်လီၤ.”

လံာ်ယိၤဟၣ် 11:36

ပှၤယူဒၤဖိတဖၣ်စံးဝဲ, “ကွၢ်တက့ၢ်. မ့ၢ်အအဲၣ်ဘၣ်အီၤထဲလဲၣ်န့ၣ်သုထံၣ်သ့ၣ်ညါသ့လီၤ.”

လံာ်ယိၤဟၣ် 11:6

သနာ်က့, ဖဲအဝဲဒိးန့ၢ်တၢ်ကစီၣ်လၢစီၤလါစရူးဆိးက့ဝဲန့ၣ်, အဝဲအိၣ်အါထီၣ်ဒံးဝဲဖဲတၢ်လီၢ်န့ၣ်ခံသီညါလီၤ.

လံာ်ယိၤဟၣ် 11:8

အပျဲၢ်အဘီၣ်တဖၣ်စံးဆၢအီၤ, “သရၣ်ဧၢ, ဖဲအပူၤကွံာ်တယံာ်ဒံးဘၣ်ဒၣ်လဲာ်န့ၣ်, ပှၤယူဒၤဖိတဖၣ်သါကကွံာ်သံနၤလၢလၢၢ်, ဒီးခဲအံၤနကက့ၤကဒါက့ၤကဒီးဆူန့ၣ်ဧါ.”

လံာ်ယိၤဟၣ် 16:27

အဂ့ၢ်ဒ်လဲၣ်န့ၣ်, ပၢ်အကစၢ်ဒၣ်ဝဲအဲၣ်သုလီၤ. အဝဲဒၣ်အဲၣ် သုမ့ၢ်လၢသုအဲၣ်ယၤဒီးနာ်တ့ၢ်လၢယဟဲလၢပၢ်ကစၢ်ယွၤ အအိၣ်အဃိန့ၣ်လီၤ.

လံာ်ယိၤဟၣ် 17:26

ယဒုးသ့ၣ်ညါတ့ၢ်အဝဲသ့ၣ်လၢနၤ, ဒီးယကမၤယဲဒံး, ဒ်သိးတၢ်အဲၣ်လၢနအဲၣ်ယၤန့ၣ်ကအိၣ်လၢအဝဲသ့ၣ်အပူၤ, ဒီးဒ်သိးယကအိၣ်လၢအဝဲသ့ၣ်အပူၤစ့ၢ်ကီးန့ၣ်လီၤ.”