လံာ်ယိၤဟၣ် 11:47 - Sgaw Karen Common Bible

⁴⁷ အန့ၣ်သတးဒီး, ပှၤဖၤရံၤၡဲတဖၣ်ဒီးပှၤလုၢ်တၢ်အခိၣ်အဒိၣ် တဖၣ်ကိးကီၣ်ကးအတၢ်အိၣ်ဖှိၣ်ဒီးစံးဝဲ “ပကမၤဒ်လဲၣ်. အဂ့ၢ်ဒ်အံၤ, ပှၤတဂၤအံၤမၤတၢ်လီၤလးအါမးလီၤ.

လံာ်ယိၤဟၣ် 11:47 Iomraidhean Croise

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 14:1

အကတီၢ်မ့ၢ်ဖဲဘူၣ်လဲၤကပာ်ဒီးဘူၣ်ကိၣ်တအိၣ်ဒီးကိၣ်မံၣ် တချုးဘၣ်ဒံးဘၣ်ခံသီန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဃုဝဲကျဲလၢတၢ်ခူသူၣ်အပူၤလၢအကဖီၣ် န့ၢ်ယ့ၣ်ၡူးဒီးမၤသံကွံာ်အီၤအဂီၢ်န့ၣ်လီၤ.

လံာ်လူၤကၣ် 22:2

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဂုာ်ကျဲးစၢးဃုဝဲကျဲတဘိဘိလၢအကမၤသံ ယ့ၣ်ၡူးလၢတၢ်ခူသူၣ်လီၤ. အဂ့ၢ်မ့ၢ်လၢအဝဲသ့ၣ်ပျံၤပှၤဂီၢ်မုၢ်အဃိလီၤ.

လံာ်ယိၤဟၣ် 11:57

ပှၤလုၢ်တၢ်အခိၣ်အဒိၣ်တဖၣ်ဒီးပှၤဖၤရံၤၡဲတဖၣ်ဟ့ၣ်လီၤ အကလုၢ်လၢပှၤတဂၤလၢ်လၢ်လၢအသ့ၣ်ညါယ့ၣ်ၡူးအိၣ်တၢ် အလီၢ်န့ၣ်, ကဘၣ်ဒုးသ့ၣ်ညါအဝဲသ့ၣ်လၢတၢ်ကလဲၤ ဟံးဃာ်ဖီၣ်ဃာ်အီၤအဂီၢ်လီၤ.

လံာ်ယိၤဟၣ် 12:19

တုၤနုၤတစု, ပှၤဖၤရံၤၡဲတဖၣ်ကတိၤလိာ်အသးတဂၤဒီးတဂၤ, “သုထံၣ်လံ. ပမၤတၢ်တကဲထီၣ်လိၣ်ထီၣ်နီတမံၤဘၣ်. ကွၢ်ကွၢ်, ပှၤခဲလၢာ်ပိာ်အခံလံ.”

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 6:2

ပှၤဂီၢ်မုၢ်ဖးဒိၣ်ပိာ်ထီၣ်အခံ, မ့ၢ်လၢအဝဲသ့ၣ်ထံၣ်ဘၣ်တ့ၢ်အတၢ်မၤလီၤလးတဖၣ် ခီဖျိအတၢ်မၤဘျါက့ၤပှၤဆူးပှၤဆါတဖၣ်အဃိလီၤ.

လံာ်ယိၤဟၣ် 7:32

ပှၤဖၤရံၤၡဲတဖၣ်နၢ်ဟူပှၤဂီၢ်မုၢ်ကတိၤကသွံကသွါတၢ် ဘၣ်ဃးယ့ၣ်ၡူးအဂ့ၢ်အဃိ, အဝဲသ့ၣ်ဒီးပှၤလုၢ်တၢ်အခိၣ် အဒိၣ်တဖၣ်မၢလီၤတၢ်လုၢ်ဟံၣ်အပှၤပၢၤတၢ်ဖိတနီၤလၢ ကလဲၤဖီၣ်န့ၢ်ယ့ၣ်ၡူးအဂီၢ်လီၤ.

လံာ်ယိၤဟၣ် 7:45

ဖဲတၢ်လုၢ်ဟံၣ်အပှၤပၢၤတၢ်ဖိတဖၣ်က့ၤကဒါက့ၤဝဲန့ၣ်, ပှၤလုၢ်တၢ်အခိၣ်အဒိၣ်တဖၣ် ဒီးပှၤဖၤရံၤၡဲတဖၣ်သံကွၢ် အဝဲသ့ၣ်, “ဘၣ်မနုၤအဃိသုတဟဲက့ၤဖီၣ်အီၤန့ၣ်လဲၣ်.”

မၤတၢ် 5:21

ပှၤတၢ်မၢဖိတဖၣ်ဒိကနၣ်ဝဲကလူးန့ၣ်အကလုၢ်, ဒီးဖဲမုၢ်ဆ့ၣ်ဝါထီၣ် အကတီၢ်န့ၣ်, အဝဲသ့ၣ်လဲၤနုာ်ဝဲဆူတၢ်လုၢ်ဟံၣ်ပူၤဒီးသိၣ်လီၤသီ လီၤတၢ်လီၤ. တုၤပှၤလုၢ်တၢ်အခိၣ်အဒိၣ်ကတၢၢ်ဟဲတုၤဝဲဒီး, အဝဲဒၣ်ဒီးပှၤမၤသကိးတၢ်ဒီးအီၤတဖၣ်ကိးဖှိၣ်ဝဲကယဲၢ်ပှၤ ယူဒၤဖိကရၢအခိၣ်အနၢ်ခဲလၢာ်လၢကအိၣ်ဖှိၣ်ကီၣ်ကးဒီဖုညါ အတၢ်အိၣ်ဖှိၣ်အဂီၢ်, ဒီးမၢလီၤပှၤလဲၤဆူဃိာ်ပူၤဒီးမၤလိာ်ဝဲပှၤ ကဆှၢဃီၤပှၤတၢ်မၢဖိတဖၣ်ဆူအဝဲသ့ၣ်အအိၣ်လီၤ.

မၤတၢ် 5:24

တုၤတၢ်လုၢ်ဟံၣ်အပှၤပၢၤတၢ်ဖိအခိၣ်တဂၤဒီးပှၤလုၢ်တၢ်အခိၣ် အဒိၣ်တဖၣ်နၢ်ဟူဘၣ်တၢ်ကစီၣ်အံၤဒီး, တၢ်မၤအသးဒီးတၢ်မၢဖိတဖၣ်ဒ်လဲၣ်ဒ်လဲၣ်န့ၣ်, ဆိကမိၣ်က့ၤဝဲလၢအဂ့ၢ်တသ့လၢၤဘၣ်လီၤ.