လံာ်ယိၤဟၣ် 11:43 - Sgaw Karen Common Bible

⁴³ အဝဲစံးတၢ်အံၤဝံၤဒီး, ကိးပသူထီၣ်ဝဲလၢအကလုၢ်ဖးဒိၣ်, “စီၤလါစရူးဧၢ, ဟဲက့ၤထီၣ်တက့ၢ်.”

လံာ်ယိၤဟၣ် 11:43 Iomraidhean Croise

လံာ်မၢ်ကူး 4:41

မ့မ့ၢ်အဝဲသ့ၣ်တဖၣ်ပျံၤတၢ်ဒိၣ်ဒိၣ်ကလဲာ်ဒီးစံးလိာ်အသးတဂၤဒီးတဂၤ, “ပှၤတဂၤအံၤ မ့ၢ်ပှၤဒ်လဲၣ်တဂၤလဲၣ်. ကလံၤသီၣ်ဂီၤဒီးပီၣ်လဲၣ်လပီတဖၣ်ဒၣ်လဲာ်ဒိကနၣ်အကလုၢ်လီၤမးလဲၣ်.”

လံာ်ယိၤဟၣ် 11:42

ယသ့ၣ်ညါလၢနဒိကနၣ်ယၤထီဘိတထံၣ်ဃီလီၤ. ဘၣ်ဆၣ်ယစံးတၢ်အံၤမ့ၢ်ဒၣ်ဒ်သိးဒီးပှၤဂီၢ်မုၢ်ဖဲအံၤတဖၣ် ကနာ်ဝဲလၢနမၢလီၤယၤအဂီၢ်န့ၣ်လီၤ.”

လံာ်ယိၤဟၣ် 11:44

အဝဲဟဲက့ၤထီၣ်က့ၤဝဲ, အစုဒီးအခီၣ်တဖၣ်ဘၣ်ဘိၣ်ဘံဃာ်အသးလၢတၢ်ကံးယာ် လၢတၢ်ဘိၣ်ဘံပှၤအစိၣ်တဖၣ်ဒီးအမဲာ်ကျၢၢ်ဘၢအသး လၢတၢ်ကံးယာ်စ့ၢ်ကီးန့ၣ်လီၤ. ယ့ၣ်ၡူးစံးဘၣ်အဝဲသ့ၣ် “ဃ့ၣ်လီၤကွံာ်တၢ်ကံးယာ်ဒီးပျၢ်ကွံာ်အီၤတက့ၢ်.”

လံာ်ယိၤဟၣ် 12:1

ဘူၣ်လဲၤကပာ်တချုးဘၣ်ဃုသီန့ၣ်, ယ့ၣ်ၡူးလဲၤဆူသဝီဘ့ၤသနံဖဲ စီၤလါစရူးလၢအဝဲဒုးဂဲၤဆၢထၢၣ်သမူထီၣ်က့ၤတဂၤအိၣ်ဝဲ အလီၢ်န့ၣ်လီၤ.

လံာ်ယိၤဟၣ် 12:9

ပှၤယူဒၤဖိဂီၢ်မုၢ်ဖးဒိၣ်နၢ်ဟူဝဲလၢယ့ၣ်ၡူးအိၣ်ဝဲလၢသဝီဘ့ၤသနံ သတးဒီးအဝဲသ့ၣ်လဲၤဖဲန့ၣ်, တမ့ၢ်ထဲလၢယ့ၣ်ၡူးအိၣ်ဖဲန့ၣ်အဃိ ဘၣ်. မ့မ့ၢ်လဲၤဝဲဒ်သိးကထံၣ်ဘၣ်စီၤလါစရူးလၢယ့ၣ်ၡူးဒုးဂဲၤဆၢထၢၣ် သမူထီၣ်က့ၤလၢတၢ်သံတဂၤအဂီၢ်စ့ၢ်ကီးလီၤ.

မၤတၢ် 3:12

တုၤစီၤပ့းတရူးထံၣ်ဘၣ်ပှၤတဖၣ်န့ၣ်ဒီး, အဝဲဒၣ်စံးဘၣ်အဝဲသ့ၣ်, “ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ဘၣ်မနုၤသုကမၢကမၣ်လၢတၢ်အံၤအဃိလဲၣ်. ဒီးဘၣ်မနုၤသုကွၢ်ထံကွၢ်ဆးပှၤန့ၣ်လဲၣ်. ပှၤတဂၤအံၤဟးက့ၤလၢအခီၣ်သ့ဝဲန့ၣ်, မ့ၢ်သုဆိကမိၣ်လၢပမၤအီၤ လၢပစိကမီၤဒၣ်ဝဲ, မ့တမ့ၢ်ဘၣ်ဒီးလၢပမ့ၢ်ပှၤစီဆှံအဃိန့ၣ်ဧါ.

မၤတၢ် 3:6

ဘၣ်ဆၣ်စီၤပ့းတရူးစံးဘၣ်အီၤ, “ယကျိၣ်ယစ့တအိၣ်နီတဘ့ၣ် ဘၣ်. မ့မ့ၢ်ယဟ့ၣ်နၤတၢ်လၢအအိၣ်ဒီးယၤန့ၣ်လီၤ. လၢပှၤနစၤရ့းဖိယ့ၣ်ၡူးခရံာ်အမံၤန့ၣ်ယမၤလိာ်နၤ, ဂဲၤဆၢထၢၣ်ဒီးဟးတက့ၢ်.”

မၤတၢ် 9:34

စီၤပ့းတရူးစံးဘၣ်အီၤ, “စီၤအဲၤန့းဧၢ, ယ့ၣ်ၡူးခရံာ်မၤဘျါက့ၤနၤလီၤ. ဂဲၤဆၢထၢၣ်ဒီးထူထီၣ်က့ၤနလီၢ်မံတက့ၢ်.” ဒီးတဘျီဃီအဝဲဒၣ် ဂဲၤဆၢထၢၣ်ဝဲဒၣ်လီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.