လံာ်ယိၤဟၣ် 11:4 - Sgaw Karen Common Bible

⁴ ဖဲယ့ၣ်ၡူးနၢ်ဟူတၢ်ကစီၣ်အံၤန့ၣ်အဝဲဒၣ်စံး, “တၢ်ဆူးတၢ်ဆါအံၤတမ့ၢ်တၢ်ဆါလၢအကဆှၢအီၤဆူတၢ်သံ န့ၣ်ဘၣ်. မ့မ့ၢ်လၢကစၢ်ယွၤအလၤကပီၤအဂီၢ်, ဒီးခီဖျိတၢ်အံၤန့ၣ်, ကစၢ်ယွၤအဖိခွါအလၤကပီၤကအိၣ်ဖျါထီၣ်ဝဲန့ၣ်လီၤ.”

လံာ်ယိၤဟၣ် 11:4 Iomraidhean Croise

လံာ်တၢ်ဟးထီၣ်ကွံာ် 16:7

လၢမုၢ်ဂီၤန့ၣ်သုကထံၣ်ဘၣ်ယွၤအိၣ်ဝဲဆိးဝဲအတၢ်ကပီၤကပြုၢ် ကပြီၤန့ၣ်လီၤ. အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤလီၤ. မ့ၢ်သုထီဒါအီၤလီၤ. အဂ့ၢ်ဒ်အံၤ, ထဲပဝဲဒၣ်ဧိၤပမ့ၢ်ပှၤလၢအမၤတၢ်ဒ်အတၢ်မၤလိာ်တဖၣ်အသိးန့ၣ်လီၤ.”

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 11:40

ယ့ၣ်ၡူးစံးဘၣ်အီၤ, “မ့ၢ်ယတတဲဘၣ်လံနၤလၢနမ့ၢ်နာ်တၢ်ဒီး နကထံၣ်ဘၣ်ကစၢ်ယွၤအလၤကပီၤန့ၣ်ဘၣ်ဧါ.”

လံာ်ယိၤဟၣ် 12:28

ပၢ်ဧၢ, မၤလၤကပီၤနမံၤတက့ၢ်.” အန့ၣ်ဒီးတၢ်ကလုၢ်သီၣ်လီၤလၢ မူခိၣ်ဒီးစံးဝဲ, “ယမၤလၤကပီၤအီၤလံ. ဒီးယကမၤလၤကပီၤကဒီး အီၤန့ၣ်လီၤ.”

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 17:10

တၢ်လၢအအိၣ်ဒီးယၤခဲလၢာ်မ့ၢ်နတၢ်, ဒီးတၢ်လၢအအိၣ်ဒီး နၤခဲလၢာ်မ့ၢ်ယတၢ်ဒီးခီဖျိအဝဲသ့ၣ်န့ၣ်, ယလၤကပီၤအိၣ်ဖျါ ထီၣ်ဝဲလီၤ.

လံာ်ယိၤဟၣ် 17:5

ပၢ်ဧၢ, ခဲအံၤဟ့ၣ်ယၤတၢ်လၤကပီၤဖဲနအိၣ်အလီၢ်, တၢ်လၤကပီၤတမံၤဃီလၢအအိၣ်ဒီးယၤဖဲယအိၣ်ဒီးနၤ တချုးဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်တက့ၢ်.

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

လံာ်ယိၤဟၣ် 8:54

ယ့ၣ်ၡူးစံးဆၢတၢ်ဒီးစံးဝဲ, “ယမ့ၢ်ဘၣ်မၤလၤကပီၤလီၤ ယသးဒၣ်ယဲဒီး, တၢ်လၤကပီၤအဝဲန့ၣ်တမ့ၢ်လၢအလုၢ်အပှ့ၤ ကအိၣ်ဘၣ်. ပှၤလၢအမၤလၤကပီၤယၤတဂၤန့ၣ်မ့ၢ်ယပၢ်, ပှၤတဂၤဃီလၢသုစံးလၢအမ့ၢ်သုကစၢ်ယွၤန့ၣ်လီၤ.

လံာ်ယိၤဟၣ် 9:24

ပှၤယူဒၤဖိအခိၣ်အနၢ်တဖၣ်ကိးကဒါက့ၤပှၤလၢအမဲာ်ထံၣ်ထီၣ် က့ၤတၢ်တဂၤန့ၣ်ခံဘျီတဘျီဒီးစံးဘၣ်အီၤ, “အၢၣ်လီၤနသးလၢကစၢ်ယွၤအမဲာ်ညါလၢနကတဲတၢ်မ့ၢ် တၢ်တီန့ၣ်တက့ၢ်. ပသ့ၣ်ညါလၢပှၤလၢအမၤဘျါနၤအံၤ မ့ၢ်ပှၤတၢ်ဒဲးဘးဖိတဂၤန့ၣ်လီၤ.”

လံာ်ယိၤဟၣ် 9:3

ယ့ၣ်ၡူးစံးဆၢတၢ်ဒီးစံးဝဲ, “အဝဲအတၢ်မဲာ်ဘျီၣ်န့ၣ်တဘၣ်ဃးလၢအတၢ်ဒဲးဘးမ့ၢ်ဂ့ၤ, အမိၢ်အပၢ်အတၢ်ဒဲးဘးမ့ၢ်ဂ့ၤန့ၣ်ဘၣ်. မ့ၢ်ဒၣ်လၢကစၢ်ယွၤအစိကမီၤကမၤတၢ်လၢအပူၤ ဒီးကဘၣ်တၢ်ထံၣ်န့ၢ်အီၤအဂီၢ်တခီန့ၣ်လီၤ.

ရိမ့ၤ 11:11

မ့မ့ၢ်ဒ်န့ၣ်ဒီး, ယစံး, ဖဲပှၤယူဒၤဖိတဖၣ်အခီၣ်ဘၣ်တိၢ်န့ၣ်, မ့ၢ်အဝဲသ့ၣ်လီၤဃံၤဒီးဟးဂီၤကွံာ်လံန့ၣ်ဧါ. တမ့ၢ်ဒ်န့ၣ်ဘၣ်. မ့ၢ်လၢအဝဲသ့ၣ်မၤတၢ်ဒဲးဘးအဃိဒီး တၢ်အုၣ်က့ၤခီၣ်က့ၤတုၤအိၣ်ဝဲပှၤကလုာ်ဂၤတဖၣ်ဒ်သိး ပှၤယူဒၤဖိတဖၣ်ကသးက့ၣ်အဝဲသ့ၣ်အဂီၢ်န့ၣ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.