လံာ်ယိၤဟၣ် 11:37 - Sgaw Karen Common Bible

³⁷ လၢအဝဲသ့ၣ်အကျါတနီၤစံးဝဲ “အဝဲဒုးထံၣ်ထီၣ်က့ၤပှၤမဲာ်ဘျီၣ်တဂၤန့ၣ်တမ့ၢ်ဘၣ်ဧါ. ဒ်သိးစီၤလါစရူးအသုတသံတဂ့ၤဒီး, မၤဝဲတသ့ဘၣ်ဧါ.”

လံာ်ယိၤဟၣ် 11:37 Iomraidhean Croise

လံာ်ယၡါယၤ 42:20

ကီၢ်အံၣ်စရ့လးဧၢ, နထံၣ်တ့ၢ်တၢ်အါမးလံ. ဘၣ်ဆၣ်တၢ်အံၤအခီပညီအိၣ်လၢနဂီၢ်ဒ်လဲၣ်. နအိၣ်ဒီးနနၢ်တဖၣ်လၢနကနၢ်ဟူတၢ်အဂီၢ်, ဘၣ်ဆၣ်ဒီးတၢ်လၢနနၢ်ဟူတ့ၢ်နီၢ်နီၢ်န့ၣ် မ့ၢ်တၢ်မနုၤလဲၣ်.”

လံာ်မၢ်ကူး 15:32

ခရံာ်လၢအမ့ၢ်အံၣ်စရ့လးအစီၤပၤတဂၤအံၤ, မ်အကဟဲက့ၤလီၤလၢထူၣ်စုညါအလိၤခဲအံၤဒ်သိး ပကထံၣ်ဘၣ်တၢ်မၤအသးဒီးနာ်အီၤကသ့အဂီၢ်န့ၣ်တက့ၢ်.” ဒီးပှၤခံဂၤလၢအဘၣ်တၢ်ပျၤထီအီၤတပူၤဃီဒီးယ့ၣ်ၡူးန့ၣ်, ကတိၤစံးအၢစံးသီစ့ၢ်ကီးအီၤလီၤ.

လံာ်လူၤကၣ် 23:35

ပှၤဂီၢ်မုၢ်တဖၣ်အိၣ်ဆၢထၢၣ်ဝဲဖဲန့ၣ်ဒီးကွၢ်ကီတၢ်, ဖဲပှၤယူဒၤအခိၣ်အနၢ်တဖၣ်ကတိၤနံၤဘၣ်ဖၣ်လဲအီၤဒီးစံး, “အဝဲဒၣ်အုၣ်က့ၤခီၣ်က့ၤပှၤဂၤတဖၣ်လီၤ. အဝဲမ့မ့ၢ်ခရံာ်လၢကစၢ်ယွၤဃုထၢတ့ၢ်အီၤတဂၤဒီး, မ်အအုၣ်က့ၤခီၣ်က့ၤအသးဒၣ်ဝဲတက့ၢ်.”

လံာ်လူၤကၣ် 23:39

ပှၤအၢဖိလၢအဘၣ်တၢ်ပျၤထီအီၤဖဲအဝဲအကပၤအကျါ တဂၤကတိၤဒုၣ်ဒွဲၣ်အီၤဒီးစံး, “နတမ့ၢ်ခရံာ်ဘၣ်ဧါ. အုၣ်က့ၤခီၣ်က့ၤလီၤနသးဒၣ်နဲဒီးပှၤတက့ၢ်.”

လံာ်ယိၤဟၣ် 11:21

နီၢ်မၢ်သၤစံးဘၣ်ယ့ၣ်ၡူး “ကစၢ်ဧၢ, နမ့ၢ်အိၣ်ဘၣ်ဖဲအံၤဒီး တမ့ၢ်လၢယဒီပုၢ်ဝဲၢ်ခွါတဂၤအံၤကသံဒံးဘၣ်.

လံာ်ယိၤဟၣ် 11:32

နီၢ်မၤရံလဲၤတုၤဖဲယ့ၣ်ၡူးအိၣ်တၢ်အလီၢ်ဒီး တုၤအထံၣ်အီၤတဘျီဃီအဝဲထိၣ်လီၤပှီၤအသးဖဲယ့ၣ်ၡူး အခီၣ်ထံးဒီးစံးဝဲ, “ကစၢ်ဧၢ, နမ့ၢ်အိၣ်တ့ၢ်နဲဖဲအံၤဒီး ယဒီပုၢ်ဝဲၢ်ခွါတဂၤအံၤတမ့ၢ်လၢအကသံဒံးဘၣ်.”