လံာ်ယိၤဟၣ် 11:34 - Sgaw Karen Common Bible

³⁴ အဝဲသံကွၢ်ပှၤတဖၣ်န့ၣ်, “သုလဲၤပာ်လီၤအီၤဖဲလဲၣ်.” အဝဲသ့ၣ်စံးဆၢအီၤ, “ကစၢ်ဧၢ, ဟဲဒီးကွၢ်တက့ၢ်.”

လံာ်ယိၤဟၣ် 11:34 Iomraidhean Croise

လံာ်မးသဲ 28:6

အဝဲတအိၣ်ဖဲအံၤဘၣ်. ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်အစံးတ့ၢ်ဝဲအသိးလံ. ဟဲဒီးကွၢ်တၢ်လီၢ်ဖဲအမံလီၤတ့ၢ်ဝဲန့ၣ်တက့ၢ်.

လံာ်မၢ်ကူး 15:47

ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်မၢ်ကူး 16:6

ဒီးအဝဲဒၣ်စံးဘၣ်အဝဲသ့ၣ်, “ပျံၤတၢ်တဂ့ၤ. သုဃုထံၣ်ပှၤနစၤရ့းဖိယ့ၣ်ၡူး, ပှၤလၢအဘၣ်တၢ်ပျၤထီအီၤလၢထူၣ်စုညါအလိၤတဂၤန့ၣ်လီၤ. အဝဲဒၣ်ဂဲၤဆၢထၢၣ်က့ၤလံ. တအိၣ်ဖဲအံၤလၢၤဘၣ်. ကွၢ်တက့ၢ်. အအံၤမ့ၢ်တၢ်လီၢ်လၢတၢ်ပာ်လီၤအီၤန့ၣ်လီၤ.

လံာ်ယိၤဟၣ် 1:39

ဒီးအဝဲဒၣ်စံးဆၢဝဲ, “ဟဲဒီးကွၢ်တက့ၢ်.” (အခါဖဲန့ၣ်ကဘၣ်မုၢ်ဃ့ၢ်လီၤလွံၢ်နၣ်ရံၣ်အကတီၢ်န့ၣ်လီၤ.) အဝဲသ့ၣ်လဲၤဒီးအီၤဒီးထံၣ်ဘၣ်ဝဲအတၢ်အိၣ်တၢ်ဆိး အလီၢ်လၢတၢ်န့ၣ်အဃိဒီးအိၣ်ဒီးအီၤတုၤနံၤအဝဲန့ၣ်ကတၢၢ် တစုလီၤ.

လံာ်ယိၤဟၣ် 11:33

ယ့ၣ်ၡူးထံၣ်ဘၣ်နီၢ်မၤရံဟီၣ်, ဒီးပှၤယူဒၤဖိလၢအဟဲပိာ်အခံတဖၣ်ဟီၣ်စ့ၢ်ကီးအဃိ, အသးဘၣ်ဒိဘၣ်ထံးဒီးအသူၣ်လီၤအသးလီၤဝဲန့ၣ်လီၤ.

လံာ်ယိၤဟၣ် 11:35

ဒီးယ့ၣ်ၡူးအမဲာ်ထံလီၤဝဲလီၤ.

လံာ်ယိၤဟၣ် 20:2

အန့ၣ်ဒီး, အဝဲလဲၤဃ့ၢ်ဆူစီၤၡံမိၣ်ပ့းတရူးဒီးအပျဲၢ် အဘီၣ်အဂၤတဂၤလၢယ့ၣ်ၡူးအဲၣ်အီၤအအိၣ်ဒီးစံးဘၣ် အဝဲသ့ၣ်, “ပှၤစိာ်ကွံာ်ကစၢ်အစိၣ်လၢတၢ်သွၣ်ခိၣ် အပူၤလံ. ဒီးပှၤပာ်အီၤဖဲလဲၣ်န့ၣ်ပတသ့ၣ်ညါဘၣ်.”