လံာ်ယိၤဟၣ် 11:33 - Sgaw Karen Common Bible

³³ ယ့ၣ်ၡူးထံၣ်ဘၣ်နီၢ်မၤရံဟီၣ်, ဒီးပှၤယူဒၤဖိလၢအဟဲပိာ်အခံတဖၣ်ဟီၣ်စ့ၢ်ကီးအဃိ, အသးဘၣ်ဒိဘၣ်ထံးဒီးအသူၣ်လီၤအသးလီၤဝဲန့ၣ်လီၤ.

လံာ်ယိၤဟၣ် 11:33 Iomraidhean Croise

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်ယိၤဟၣ် 11:19

ဒီးပှၤယူဒၤဖိအါဂၤဟဲဆူနီၢ်မၢ်သၤဒီးနီၢ်မၤရံအအိၣ် ဒ်သိးကကတိၤမုာ်ထီၣ်က့ၤအသးလၢအဝဲသ့ၣ်အဒီပုၢ်ဝဲၢ်သံ အဃိန့ၣ်လီၤ.

လံာ်ယိၤဟၣ် 11:31

ဖဲပှၤယူဒၤဖိလၢအကတိၤမုာ်ထီၣ်က့ၤအီၤဒီးအိၣ်ဒီးအီၤ လၢဟံၣ်ပူၤတဖၣ်ထံၣ်နီၢ်မၤရံဂဲၤဆၢထၢၣ်ချ့သဒံးန့ၣ်, အဝဲသ့ၣ်ပိာ်ထီၣ်အခံလီၤ. အဝဲသ့ၣ်ဆိကမိၣ်ဝဲလၢအဝဲ ကလဲၤဆူတၢ်သွၣ်ခိၣ်ဒ်သိးအကဟီၣ်ဝဲဖဲန့ၣ်လီၤ.

လံာ်ယိၤဟၣ် 11:34

အဝဲသံကွၢ်ပှၤတဖၣ်န့ၣ်, “သုလဲၤပာ်လီၤအီၤဖဲလဲၣ်.” အဝဲသ့ၣ်စံးဆၢအီၤ, “ကစၢ်ဧၢ, ဟဲဒီးကွၢ်တက့ၢ်.”

လံာ်ယိၤဟၣ် 11:35

ဒီးယ့ၣ်ၡူးအမဲာ်ထံလီၤဝဲလီၤ.

လံာ်ယိၤဟၣ် 11:38

လၢတၢ်သူၣ်ဘၣ်ဒိသးဘၣ်ထံးအပူၤ, ယ့ၣ်ၡူးလဲၤဆူတၢ် သွၣ်ခိၣ်, လၢအမ့ၢ်လ့အပူၤလၢအခိၣ်ထိးဘၣ်တၢ်ကျၢၢ်ဘၢ အီၤလၢလၢၢ်န့ၣ်လီၤ.

လံာ်ယိၤဟၣ် 12:27

ခဲအံၤယသးဘၣ်တံာ်တာ်ဒိၣ်မးဒီးယကဘၣ်စံးဒ်လဲၣ်. မ့ၢ်ယကဘၣ်စံး, ‘ပၢ်ဧၢ, တဘၣ်ပျဲတၢ်ဆၢကတီၢ်နၣ်ရံၣ်အဝဲအံၤဟဲတုၤအိၣ်ယၤတဂ့ၤ’ န့ၣ်ဧါ. ဘၣ်ဆၣ်ယဟဲယဲလၢယကလဲၤခီဖျိတၢ်နးတၢ်ဖှီၣ် အနၣ်ရံၣ်အံၤအဂီၢ်န့ၣ်လီၤ.

လံာ်ယိၤဟၣ် 13:21

ယ့ၣ်ၡူးစံးတၢ်အံၤဝံၤဒီးအသးဘၣ်တံာ်တာ်ဒိၣ်ဒိၣ် ကလဲာ်ဒီးကတိၤဖျါထီၣ်ဝဲ, ‘ယစံးဘၣ်တဲဘၣ်သုတၢ်မ့ၢ် တၢ်တီ, ပှၤလၢသုကျါတဂၤကဟ့ၣ်လီၤကွံာ်ယၤလီၤ.”

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.