လံာ်ယိၤဟၣ် 11:32 - Sgaw Karen Common Bible

³² နီၢ်မၤရံလဲၤတုၤဖဲယ့ၣ်ၡူးအိၣ်တၢ်အလီၢ်ဒီး တုၤအထံၣ်အီၤတဘျီဃီအဝဲထိၣ်လီၤပှီၤအသးဖဲယ့ၣ်ၡူး အခီၣ်ထံးဒီးစံးဝဲ, “ကစၢ်ဧၢ, နမ့ၢ်အိၣ်တ့ၢ်နဲဖဲအံၤဒီး ယဒီပုၢ်ဝဲၢ်ခွါတဂၤအံၤတမ့ၢ်လၢအကသံဒံးဘၣ်.”

လံာ်ယိၤဟၣ် 11:32 Iomraidhean Croise

လံာ်လူၤကၣ် 17:16

အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 8:41

ဖဲန့ၣ်, ပှၤတဂၤလၢအမံၤမ့ၢ်ဝဲစီၤယၤအ့ၤရူး, ပှၤခိၣ်ပှၤနၢ်တဂၤ, ဖဲဝ့ၢ်အဘူၣ်ဘျီၣ်လၢအမ့ၢ်တၢ်ဘါလီၢ် ဟဲတုၤဝဲဒၣ်လီၤ. အဝဲဒၣ်ချံးခီၣ်တီၤလီၤဖဲယ့ၣ်ၡူးအခီၣ်ထံးဒီးဃ့ ကညးအီၤဒ်သိးအကလဲၤဆူအဟံၣ်,

လံာ်ယိၤဟၣ် 11:2

(နီၢ်မၤရံအဝဲအံၤမ့ၢ်ပှၤတဂၤဃီလၢအလူလီၤအသိနၢမူလၢ ယ့ၣ်ၡူးအခီၣ်အလိၤဒီးတြူာ်ကွံာ်ဝဲအခီၣ်လၢအခိၣ်သူလီၤ. စီၤလါစရူးလၢအဆိးက့အံၤမ့ၢ်အဝဲအဒီပုၢ်ဝဲၢ်ခွါလီၤ.)

လံာ်ယိၤဟၣ် 11:21

နီၢ်မၢ်သၤစံးဘၣ်ယ့ၣ်ၡူး “ကစၢ်ဧၢ, နမ့ၢ်အိၣ်ဘၣ်ဖဲအံၤဒီး တမ့ၢ်လၢယဒီပုၢ်ဝဲၢ်ခွါတဂၤအံၤကသံဒံးဘၣ်.

လံာ်ယိၤဟၣ် 11:37

လၢအဝဲသ့ၣ်အကျါတနီၤစံးဝဲ “အဝဲဒုးထံၣ်ထီၣ်က့ၤပှၤမဲာ်ဘျီၣ်တဂၤန့ၣ်တမ့ၢ်ဘၣ်ဧါ. ဒ်သိးစီၤလါစရူးအသုတသံတဂ့ၤဒီး, မၤဝဲတသ့ဘၣ်ဧါ.”

လံာ်ယိၤဟၣ် 4:49

ဒီးပဒိၣ်န့ၣ်စံးဆၢအီၤ, “ကစၢ်ဧၢ, ဟဲဒီးယၤခဲအံၤတချုးလၢယဖိသံဒံးဘၣ်န့ၣ်တက့ၢ်.”

လံာ်လီၣ်ဖျါ 22:8

ယၤ, စီၤယိၤဟၣ်, ယနၢ်ဟူဒီးထံၣ်ဘၣ်တ့ၢ်ယဲတၢ်သ့ၣ်တဖၣ် အံၤခဲလၢာ်လီၤ. ဒီးဖဲယနၢ်ဟူဒီးထံၣ်ယဲဝံၤန့ၣ်, ယထိၣ်လီၤပှီၤယသးလၢကလူးလၢအဒုးနဲၣ်တ့ၢ်ယၤတၢ်သ့ၣ် တဖၣ်အံၤတဂၤအခီၣ်ထံးလၢယကဘူၣ်ထီၣ်ဘါထီၣ်အီၤ အဂီၢ်န့ၣ်လီၤ.

လံာ်လီၣ်ဖျါ 5:14

ဒီးတၢ်အသးသမူအိၣ်လွံၢ်ဒုန့ၣ်စံးဆၢဝဲ, “အၤမ့ၣ်” ဒီးပှၤသူၣ်က့သးပှၢ်တဖၣ်ထိၣ်လီၤပှီၤအသးဒီးဘူၣ်ထီၣ် ဘါထီၣ်တၢ်လီၤ.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.