လံာ်ယိၤဟၣ် 11:28 - Sgaw Karen Common Bible

²⁸ နီၢ်မၢ်သၤစံးတၢ်ဒ်အံၤဝံၤဒီး, အဝဲက့ၤကဒါက့ၤဒီးကိး အဒီပုၢ်ဝဲၢ်မုၣ်နီၢ်မၤရံကစုဒုဒီးစံးဘၣ်အီၤ, “သရၣ်ဟဲတုၤဖဲအံၤလံဒီးအဲၣ်ဒိးထံၣ်နၤလီၤ.”

လံာ်ယိၤဟၣ် 11:28 Iomraidhean Croise

လံာ်စကၤရယၤ 3:10

ဖဲမုၢ်နံၤအဝဲန့ၣ်တုၤဝဲဒီး, သုဝဲတဂၤဘၣ်တဂၤ, ကကွဲမုာ်ပှၤလၢသုဃၢၤလၢကဟဲဒီးမုာ်လၤသးခုလၢတၢ်ဃူတၢ် မုာ်ဒီးတၢ်ဘံၣ်တၢ်ဘၢအပူၤ, ဖဲတၢ်လီၢ်လၢစပံးမုၢ်တဖၣ်ဒီးချၢၣ်ဒၢမုၢ်တဖၣ်အိၣ်ဝးတရံး အီၤန့ၣ်လီၤ.”

လံာ်မးသဲ 26:18

ယ့ၣ်ၡူးစံးဘၣ်အဝဲသ့ၣ်, “လဲၤဆူပှၤအိၣ်လၢဝ့ၢ်ပူၤတဂၤန့ၣ် အအိၣ်, ဒီးတဲဘၣ်အီၤဒ်အံၤ, ‘ပသရၣ်စံးဝဲလၢအနၣ်ရံၣ်တုၤဃီၤလံ, ဒီးအဝဲဒီး အပျဲၢ်အဘီၣ်တဖၣ်ကအီၣ်သကိးဘူၣ်လဲၤကပာ် လၢနဟံၣ်ပူၤလီၤ.’ ”

လံာ်မၢ်ကူး 10:49

ယ့ၣ်ၡူးအိၣ်ကတီၢ်ဒီးစံးဝဲ, “ကိးဃီၤအီၤတက့ၢ်.” အန့ၣ်ဒီးအဝဲသ့ၣ်ကိးဃီၤပှၤမဲာ်တထံၣ်တၢ်တဂၤန့ၣ်ဒီးစံးဘၣ် အီၤ, “ပာ်နသးမုာ်မုာ်ဒီးဂဲၤဆၢထၢၣ်တက့ၢ်. အဝဲဒၣ်ကိးနၤလီၤ.”

လံာ်မၢ်ကူး 14:14

ဒီးဖဲအလဲၤနုာ်ဝဲဟံၣ်တဖျၢၣ်န့ၣ်, စံးဘၣ်ဟံၣ်ကစၢ်, ‘သရၣ်စံးဝဲ, ပှၤသမှံၤအဒၢးလၢယဂီၢ်, လၢယၤဒီးယပျဲၢ်ယဘီၣ်တဖၣ်ကအီၣ် တၢ်အီတၢ်လၢဘူၣ်လဲၤကပာ်တဘျီအဂီၢ်န့ၣ်, အိၣ်ဖဲလဲၣ်.’

လံာ်လူၤကၣ် 22:11

ဒီးစံးဘၣ်ဟံၣ်ကစၢ်န့ၣ်, ‘သရၣ်စံးဘၣ်နၤ, ဒၢးလၢယပျဲၢ်ယဘီၣ်ဒီးယၤ ပကအီၣ်ဘူၣ်လဲၤကပာ်အတၢ်အီၣ်အဂီၢ်န့ၣ်, အိၣ်ဖဲလဲၣ်.’

လံာ်ယိၤဟၣ် 1:41

အဝဲဃုဒၣ်ထံၣ်န့ၢ်ဆိအဒီပုၢ်ဝဲၢ်စီၤၡံမိၣ်ဒီးစံးဘၣ်အီၤ, “ပထံၣ်န့ၢ်လံမ့းၡံအၤန့ၣ်လံ.” (အခီပညီမ့ၢ်ခရံာ်န့ၣ်လီၤ.)

လံာ်ယိၤဟၣ် 1:45

စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”

လံာ်ယိၤဟၣ် 10:3

ပှၤပၢၤကျဲစၢၤတဂၤအိးထီၣ်န့ၢ်ကျဲလၢအဂီၢ်ဒီးသိတဖၣ် နၢ်ဟူအကလုၢ်ဖဲအဝဲကိးအသိဒၣ်ဝဲအမံၤတဒုဘၣ်တဒု ဒီးအဝဲဒၣ်ဆှၢထီၣ်အသိတဖၣ်ဆူကရၢၢ်အချၢန့ၣ်လီၤ.

လံာ်ယိၤဟၣ် 11:20

တုၤနီၢ်မၢ်သၤနၢ်ဟူယ့ၣ်ၡူးဟဲဝဲလံဒီး, အဝဲဟးထီၣ်လဲၤသဂၢၢ် အီၤ, မ့မ့ၢ်နီၢ်မၤရံတဂၤဆ့ၣ်နီၤအိၣ်ဒၣ်လၢဟံၣ်ပူၤန့ၣ်လီၤ.

လံာ်ယိၤဟၣ် 11:29

ဖဲနီၢ်မၤရံနၢ်ဟူတၢ်အံၤဒီး, ဂဲၤဆၢထၢၣ်ဒီးဟးထီၣ်ချ့သဒံးလၢကသဂၢၢ်အီၤ အဂီၢ်လီၤ.

လံာ်ယိၤဟၣ် 11:30

(ယ့ၣ်ၡူးဟဲတတုၤဒံးဆူသဝီပူၤဘၣ်. မ့မ့ၢ်အိၣ်ဒံးဒၣ်ဖဲနီၢ်မၢ်သၤဟဲသဂၢၢ်အီၤအလီၢ်န့ၣ်လီၤ.)

လံာ်ယိၤဟၣ် 13:13

သုကိးယၤလၢသရၣ်ဒီးကစၢ်ဒီးသုကတိၤတၢ်ဒ်အံၤမ့ၢ်တၢ်လၢ အဘၣ်လီၤ. အဂ့ၢ်ဒ်အံၤယမ့ၢ်တၢ်အဝဲန့ၣ်လီၤ.

လံာ်ယိၤဟၣ် 20:16

ယ့ၣ်ၡူးကိးထီၣ်အီၤ, “နီၢ်မၤရံဧၢ” အဝဲဃၣ်အသးဆူအအိၣ်ဒီးကိးဆၢက့ၤအီၤလၢဧ့ၤဘြံၤ အကျိာ် “ရၤဘူနံၤဧၢ” (အခီပညီမ့ၢ် ‘သရၣ်’ လီၤ.)

လံာ်ယိၤဟၣ် 21:7

အပျဲၢ်အဘီၣ်လၢယ့ၣ်ၡူးအဲၣ်အီၤတဂၤစံးဘၣ် စီၤပ့းတရူး, “မ့ၢ်ကစၢ်န့ၣ်လီၤ.” ဖဲစီၤပ့းတရူးနၢ်ဟူလၢ အမ့ၢ်ကစၢ်လီၤန့ၣ်, မ့ၢ်လၢအဝဲအိၣ်ဘ့ၣ်ဆ့အဃိအဝဲ သိးထီၣ်က့ၤအဆ့ကၤအဖီခိၣ်ဒီးကံၢ်တူာ်ဃာ်ဝဲဒီးစံၣ်လီၤ ဆူထံကျါန့ၣ်လီၤ.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

ဧ့ၤဘြံၤ 12:12

စုလၢအလီၤဘှါတဖၣ်ဒီးခီၣ်လ့ၢ်ခိၣ်လၢအကနိးတဖၣ်န့ၣ်မၤ ဆူၣ်ထီၣ်အီၤတက့ၢ်.