လံာ်ယိၤဟၣ် 11:11 - Sgaw Karen Common Bible

¹¹ ယ့ၣ်ၡူးကတိၤတၢ်န့ၣ်တဖၣ်ဝံၤစံးကဒီးဝဲ, “ပတံၤသကိးစီၤလါစရူးတဂၤမံဘၣ်အသးလံ. ဘၣ်ဆၣ်ယကလဲၤဒီးထိၣ်ဂဲၤထၢၣ်အီၤန့ၣ်လီၤ.”

လံာ်ယိၤဟၣ် 11:11 Iomraidhean Croise

လံာ်စီၤပၤခံဘ့ၣ်တဘ့ၣ် 4:31

စီၤက့ၤဃစံလဲၤဆိတၢ်လၢညါဒီးပာ်လီၤဝဲစီၤအလံၤၡါအနီၣ် ထိးဘိလၢဖိသၣ်အလိၤ, ဘၣ်ဆၣ်ဒီးတၢ်ကလုၢ် အသီၣ်တမံၤမ့ၢ်ဂ့ၤ, တၢ်မူအပနီၣ်အဂၤတမံၤမံၤမ့ၢ်ဂ့ၤ, တဖျါဝဲဘၣ်. လၢတၢ်န့ၣ်အဃိအဝဲက့ၤကဒါက့ၤဒ်သိးကလဲၤသဂၢၢ်စီၤအလံၤၡါ ဒီးစံးဘၣ်အီၤလၢ, ဖိသၣ်ပိာ်ခွါတပၢၢ်ထီၣ်ဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:7

နမ့ၢ်ပကစၢ်ယွၤလီၤ. ဖဲနပှၤဂီၢ်မုၢ်အံၣ်စရ့လးဟဲနုာ်ဆူကီၢ် အံၤအပူၤန့ၣ်, နဟီထီၣ်ကွံာ်ပှၤဂီၢ်မုၢ်လၢအအိၣ်ဆိးဖဲအံၤဒီးဟ့ၣ်လီၤထံ ဧိၤကီၢ်ဧိၤဆူနတံၤသကိးအစၢၤအသွဲၣ်တဖၣ်ဒ်သိးကမ့ၢ်အဝဲသ့ၣ် အတၢ်လီၤစိၤလီၤထီန့ၣ်လီၤ.

လံာ်တၢ်ဟးထီၣ်ကွံာ် 33:11

ယွၤကကတိၤတၢ်ဒီးစီၤမိၤၡ့မဲာ်သကိးမဲာ်မၤသးဒ်သိးပှၤတဂၤ ကတိၤသကိးတၢ်ဒီးအတံၤသကိးန့ၣ်လီၤ. အန့ၣ်ဝံၤဒီး, စီၤမိၤၡ့ကဟဲက့ၤဆူတၢ်သူၣ်ဒဲအလီၢ်လီၤ. ဘၣ်ဆၣ်ဒီးပှၤသးစၢ်တဂၤလၢအမၤစၢၤအီၤ, စီၤနိၣ်အဖိခွါစီၤယိၤၡူန့ၣ်အိၣ်တ့ၢ်ဖဲယွၤအဒဲစီဆှံအပူၤန့ၣ်လီၤ.

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်မးသဲ 27:52

တၢ်သွၣ်ခိၣ်အပူၤတဖၣ်အိးထီၣ်အသး, ဒီးကစၢ်ယွၤအပှၤဂီၢ်မုၢ်အါဒံ အါဂၤလၢအသံတ့ၢ်ဝဲတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤ အီၤလီၤ.

လံာ်မးသဲ 9:24

အဝဲစံးဘၣ်ပှၤတဖၣ်န့ၣ်, “ဟးထီၣ်ကိးဂၤဒဲးတက့ၢ်. ပိာ်မုၣ်ဖိအံၤတသံဘၣ်. မ့ၢ်ဒၣ်အမံဘၣ်အသးလီၤ.” အန့ၣ်ဒီးအဝဲသ့ၣ်နံၤဘၣ်ဖၣ်လဲအီၤလီၤ.

လံာ်မၢ်ကူး 5:39

လဲၤနုာ်ဝဲဆူဟံၣ်ပူၤဒီးစံးဘၣ်ပှၤတဖၣ်န့ၣ်, “ဘၣ်မနုၤသုဘၣ်မၤသဘံၣ်ဘုၣ်တၢ်ဒီးဟီၣ်တၢ်ယၢၤတၢ် ထဲထဲအံၤန့ၣ်လဲၣ်. ဖိသၣ်မုၣ်တသံဘၣ်, မ့ၢ်ဒၣ်အမံဘၣ်အသး လီၤ.”

လံာ်ယိၤဟၣ် 11:10

ဘၣ်ဆၣ်အဝဲမ့ၢ်ဟးလၢမုၢ်နၤခီအဆၢကတီၢ်န့ၣ်, အခီၣ် ကဘၣ်တိၢ်ဘၣ်ထံး, မ့ၢ်လၢတၢ်ကပီၤတအိၣ်ဘၣ်လၢအပူၤဘၣ် အဃိလီၤ.”

လံာ်ယိၤဟၣ် 11:12

အပျဲၢ်အဘီၣ်တဖၣ်စံးဆၢအီၤ, “ကစၢ်ဧၢ, အဝဲမ့ၢ်မံဘၣ်အသးဒီး, ကအိၣ်ဆူၣ်အိၣ်ချ့ထီၣ်က့ၤဝဲလီၤ.”

လံာ်ယိၤဟၣ် 11:13

ယ့ၣ်ၡူးစံးတၢ်အံၤအခီပညီမ့ၢ်ဝဲစီၤလါစရူးသံလံန့ၣ်လီၤ. ဘၣ်ဆၣ်အဝဲသ့ၣ်ဆိကမိၣ်ဝဲလၢယ့ၣ်ၡူးစံးဒၣ်ဝဲ စီၤလါစရူးမံဘၣ်အသးဒ်ညီနုၢ်မံဝဲအသိးန့ၣ်လီၤ.

လံာ်ယိၤဟၣ် 11:3

ပှၤဒီပုၢ်ဝဲၢ်မုၣ်ခံဂၤအံၤဆှၢလီၤန့ၢ်ယ့ၣ်ၡူးအတၢ်ကစီၣ်လၢ အစံးဝဲ, “ကစၢ်ဧၢ, နတံၤသကိးလၢနအဲၣ်အီၤတဂၤဆိးက့ဝဲန့ၣ်လီၤ.”

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

1 ကရံၣ်သူး 15:18

အခီပညီကမ့ၢ်စ့ၢ်ကီးလၢပှၤစူၢ်က့ၤနာ်က့ၤခရံာ်လၢအသံ တ့ၢ်လံတဖၣ်န့ၣ်လီၤမၢ်ကွံာ်ဝဲဒၣ်လီၤ.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

1 ကရံၣ်သူး 15:51

ဒိကနၣ်တၢ်ဂ့ၢ်ဘၣ်ဃးတၢ်မ့ၢ်တၢ်တီလၢအမ့ၢ်တၢ်ခူသူၣ် တမံၤအံၤန့ၣ်တက့ၢ်. ပတသံပဝဲကိးဂၤဒဲးဘၣ်. မ့မ့ၢ်ဖဲကွဲၤသီၣ်ထီၣ်လၢခံကတၢၢ်န့ၣ်, ပကဘၣ်တၢ်လဲလိာ်ကွံာ်ပှၤလၢတစိၢ်ဖိအတီၢ်ပူၤ, ချ့သဒံးဒ်ပှၤဖျးပှၤမဲာ်ချံအသိးန့ၣ်လီၤ. အဂ့ၢ်ဒ်အံၤ, ဖဲကွဲၤသီၣ်ထီၣ်န့ၣ် ပှၤသံတဖၣ်ကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤ, ဒ်သိးအသုတသံလၢၤနီတဘျီတဂ့ၤ. ဒီးပဝဲကိးဒံကိးဂၤဒဲးပကဘၣ်တၢ်လဲလိာ်ကွံာ်ပှၤလီၤ.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

ယၤကိာ် 2:23

ဒီးတၢ်ကွဲးအသးလၢအစံးဝဲ, “စီၤအၤဘြၤဟၣ်နာ်ကစၢ်ယွၤဒီးမ့ၢ်အတၢ်စူၢ်တၢ်နာ်အဃိ ဒီးကစၢ်ယွၤတူၢ်လိာ်အီၤဒ်ပှၤတီပှၤလိၤအသိး” အံၤလၢထီၣ်ပှဲၤထီၣ်ဝဲဒၣ်န့ၣ်လီၤ. ဒီးလၢတၢ်န့ၣ်အဃိ, စီၤအၤဘြၤဟၣ်ဘၣ်တၢ်ကိးအီၤလၢယွၤအတံၤသကိး န့ၣ်လီၤ.