လံာ်ယိၤဟၣ် 10:4 - Sgaw Karen Common Bible

⁴ ဖဲအဝဲဆှၢထီၣ်အသိတဖၣ်ဆူတၢ်ချၢဝံၤဒီး, အဝဲလဲၤတၢ်လၢအဝဲသ့ၣ်တဖၣ်အမဲာ်ညါဒီးအဝဲသ့ၣ် ပိာ်ထီၣ်အခံမ့ၢ်လၢအသ့ၣ်ညါအကလုၢ်အဃိလီၤ.

လံာ်ယိၤဟၣ် 10:4 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 2:8

ယနၢ်ဟူပှၤလၢယအဲၣ်အီၤတဂၤအကလုၢ်န့ၣ်လီၤ. အဝဲဟဲဃ့ၢ်လၢကစၢၢ်တဖၣ်အလိၤ, ဒီးဃ့ၢ်ခီဂာ်တၢ်လူၢ်ဖိတဖၣ်ဆူယအိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:2

ဖဲယမံအခါဒၣ်လဲာ်, ယသးအိၣ်လၢခိလီၤ. ယမံမီၢ်လၢယတၢ်အဲၣ်ဒိတကျိာ်ပဲတြီန့ၣ်လီၤ. ယတၢ်အဲၣ်, ယပှၤသးဘိ, ယထိၣ်လွံၢ်ဧၢ, ပျဲယဟဲနုာ်တက့ၢ်. ယခိၣ်ဘၣ်စီၣ်ဒီးပစီၤထံ, ဒီးယခိၣ်သူဘၣ်စီၣ်ဒီးဘှ့ၣ်န့ၣ်လီၤ.

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်ယိၤဟၣ် 10:16

သိအိၣ်ဝဲအဂၤတဖၣ်လၢအဘၣ်ဃးဒီးယၤလၢ အတအိၣ်လၢသိကရၢၢ်အဝဲအံၤအပူၤဘၣ်. ဘၣ်ဆၣ်ဒီးယကဘၣ်ဆှၢအီၤစ့ၢ်ကီးလီၤ. ဒီးအဝဲသ့ၣ်ကဒိကနၣ်ယကလုၢ်ဒီးကကဲထီၣ်သိ တဖုဃီအိၣ်ဒီးပှၤကွၢ်သိတဂၤဃီလီၤ.

လံာ်ယိၤဟၣ် 10:27

ယသိတဖၣ်ဒိကနၣ်ယကလုၢ်, ယသ့ၣ်ညါအီၤဒီးအဝဲသ့ၣ်ပိာ်ယခံလီၤ.

လံာ်ယိၤဟၣ် 10:3

ပှၤပၢၤကျဲစၢၤတဂၤအိးထီၣ်န့ၢ်ကျဲလၢအဂီၢ်ဒီးသိတဖၣ် နၢ်ဟူအကလုၢ်ဖဲအဝဲကိးအသိဒၣ်ဝဲအမံၤတဒုဘၣ်တဒု ဒီးအဝဲဒၣ်ဆှၢထီၣ်အသိတဖၣ်ဆူကရၢၢ်အချၢန့ၣ်လီၤ.

လံာ်ယိၤဟၣ် 10:5

အဝဲသ့ၣ်တပိာ်ပှၤဂၤအခံဘၣ်. အခိၣ်တလိာ်, အဝဲသ့ၣ်ကဃ့ၢ်ကွံာ်လၢပှၤဒ်န့ၣ်သိးတဖၣ်အအိၣ် မ့ၢ်လၢအတသ့ၣ်ညါအကလုၢ်အဃိလီၤ.”

လံာ်ယိၤဟၣ် 10:8

ပှၤအဂၤလၢအဟဲလၢယမဲာ်ညါတဖၣ် မ့ၢ်တၢ်ဟုၣ်တၢ်ဘျၣ်ဒီးတမျိးတမျာ်လီၤ. ဒီးသိတဖၣ်တကနၣ်အဝဲသ့ၣ်အကလုၢ်ဘၣ်.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 13:15

ယပာ်လီၤန့ၢ်သုတၢ်အဒိအတဲာ်အံၤ, ဒ်သိးသုကမၤတၢ်ဒ်ယမၤတ့ၢ်သုအသိးန့ၣ်လီၤ.

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

1 ကရံၣ်သူး 11:1

လၢတၢ်န့ၣ်အဃိ, ကွၢ်လိယၤ, ဒ်ယကွၢ်လိခရံာ်အသိးန့ၣ်တက့ၢ်.

အ့းဖ့းစူး 5:1

ဒ်သုမ့ၢ်ကစၢ်ယွၤအဖိလၢအဘၣ်တၢ်အဲၣ်အီၤအသိးန့ၣ်, သုကဘၣ်ကျဲးစၢးအိၣ်မူလီၤဂာ်ဒီးအီၤလီၤ.

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 6:20

ဖဲယ့ၣ်ၡူးလဲၤနုာ်ဆိဝဲလၢပခၢၣ်စးဒီးကဲထီၣ်လၢပပှၤလုၢ်တၢ် အခိၣ်အဒိၣ်ကတၢၢ်လီၤစိၤလီၤထီတကလုာ်ဃီဒီးစီၤမၤလကံစဒ့းန့ၣ်လီၤ.

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.

၁ ပ့းတရူး 4:1

မ့ၢ်လၢခရံာ်တူၢ်ဘၣ်တၢ်လၢနီၢ်ခိနီၢ်ခီအဃိ, သုဝဲသ့ၣ်စ့ၢ်ကီးသုကဘၣ်မၤဆူၣ်ထီၣ်သုဂံၢ်သုဘါလၢ တၢ်ပာ်လီၤသးတမံၤဃီဒ်အီၤအသိးန့ၣ်လီၤ. အဂ့ၢ်ဒ်အံၤ, ပှၤတဂၤဂ့ၤတဂၤဂ့ၤလၢအတူၢ်ဘၣ်တၢ်လၢနီၢ်ခိ နီၢ်ခီန့ၣ်, တဘၣ်ဃးဒီးတၢ်ဒဲးဘးလၢၤဘၣ်.

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.