လံာ်ယိၤဟၣ် 10:32 - Sgaw Karen Common Bible

³² ယ့ၣ်ၡူးစံးဘၣ်အဝဲသ့ၣ်, “ယဒုးနဲၣ်တ့ၢ်သုတၢ်မၤအဂ့ၤအါမံၤလၢယပၢ်အအိၣ်လံ. သုသးအိၣ်ကွံာ်ယၤလၢလၢၢ်လၢတၢ်မၤဖဲလဲၣ်တမံၤအဃိ လဲၣ်.”

လံာ်ယိၤဟၣ် 10:32 Iomraidhean Croise

စံးထီၣ်ပတြၢၤ 35:12

အဝဲသ့ၣ်ဟ့ၣ်ဆၢက့ၤယၤတၢ်အၢလၢတၢ်ဂ့ၤအဂီၢ် ဒီးယသးဘၣ်နးဘၣ်ဖှီၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ယံးရမံယၤ 37:18

အန့ၣ်ဒီး ယသံကွၢ်အီၤ, “တၢ်ကမၣ်လၢ ယမၤဘၣ်တ့ၢ်ထီဒါနၤမ့ၢ်ဂ့ၤ, နပဒိၣ်ပပှၢ်တဖၣ်မ့ၢ်ဂ့ၤ, ပှၤဂီၢ်မုၢ်အံၤမ့ၢ်ဂ့ၤလၢ နကဒၢနုာ် ယၤ ဆူဃိာ်ပူၤမ့ၢ်တၢ်ကမၣ်မနုၤတမံၤလဲၣ်.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်ယိၤဟၣ် 10:25

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်တ့ၢ်သုလံ. ဘၣ်ဆၣ်သုတနာ်ယၤဘၣ်. တၢ်မၤတဖၣ်လၢယမၤအီၤလၢ ယပၢ်အစိကမီၤန့ၣ်အုၣ်အသးလၢယဂီၢ်လီၤ.

လံာ်ယိၤဟၣ် 10:31

အန့ၣ်ဒီးပှၤယူဒၤဖိတဖၣ်ထၢထီၣ်ကဒီးလၢၢ်လၢကကွံာ်အီၤ အဂီၢ်လီၤ.

လံာ်ယိၤဟၣ် 10:33

ပှၤယူဒၤဖိတဖၣ်စံးဆၢအီၤ, “တမ့ၢ်လၢတၢ်မၤအဂ့ၤတမံၤမံၤ အဃိ, ပသးအိၣ်ကွံာ်သံနၤလၢလၢၢ်န့ၣ်ဘၣ်. မ့ၢ်လၢနကတိၤဒုၣ်ဒွဲၣ်စံးအၢယွၤအဃိလီၤ. နမ့ၢ်ဒၣ်ပှၤကညီ တဂၤလီၤ. ဘၣ်ဆၣ်နစံးလီၤနသးလၢနမ့ၢ်ကစၢ်ယွၤလီၤ.”

လံာ်ယိၤဟၣ် 10:37

ယမ့ၢ်တမၤတၢ်တဖၣ်လၢယပၢ်သးအိၣ်လၢယကမၤ ဘၣ်ဒီး, တဘၣ်နာ်ယၤတဂ့ၤ.

လံာ်ယိၤဟၣ် 5:36

ဘၣ်ဆၣ်ဒီးယအိၣ်ဒီးတၢ်အုၣ်အသးလၢယဂီၢ်လၢ အဒိၣ်န့ၢ်ဒံးစီၤယိၤဟၣ်အတၢ်အုၣ်အသးတက့ၢ်လီၤ. တၢ်လၢယမၤလၢအမ့ၢ်တၢ်မၤတဖၣ်လၢပၢ်ဟ့ၣ်လီၤ ယၤလၢယကမၤန့ၣ်, အုၣ်အသးလၢယဂီၢ်ဒီးဒုးနဲၣ်ဝဲလၢ ပၢ်မၢလီၤယၤန့ၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.