လံာ်ယိၤဟၣ် 10:28 - Sgaw Karen Common Bible

²⁸ ယဟ့ၣ်အီၤလၢတၢ်မူအထူအယိာ်, ဒီးအဝဲသ့ၣ်တသံလၢၤနီတဘျီဘၣ်. ပှၤဂုာ်န့ၢ်ဆူၣ်အဝဲသ့ၣ်လၢယအိၣ်တသ့နီတဂၤဘၣ်.

လံာ်ယိၤဟၣ် 10:28 Iomraidhean Croise

လံာ်စီၤယိၤဘး 17:9

အန့ၣ်ဒၣ်လဲာ်ပှၤအတီအလိၤကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.

စံးထီၣ်ပတြၢၤ 31:5

ယွၤ, ကစၢ်ယွၤလၢအမ့ၢ်အတီတဂၤဧၢ, ယဟ့ၣ်လီၤယသးလၢနစုပူၤလီၤ. အဂ့ၢ်ဒ်အံၤ, နပှ့ၤက့ၤလံယၤလံ.

စံးထီၣ်ပတြၢၤ 37:28

အဂ့ၢ်ဒ်အံၤ, ယွၤအဲၣ်တၢ်လၢအမ့ၢ်အတီ ဒီးတလဲၤသဒၣ်အပှၤစီဆှံနီတဘျီဘၣ်. အဝဲကဟုဘံၣ်ကယာ်ဘၢအဝဲသ့ၣ်လီၤစိၤလီၤထီ, ဘၣ်ဆၣ်ပှၤအၢပှၤသီအဖိအလံၤတဖၣ် ကဘၣ်တၢ်ဒီၣ်တဲာ်ကွံာ်အီၤလီၤ.

တၢ်ကတိၤဒိ. 24:16

အဂ့ၢ်ဒ်အံၤ, ပှၤတီပှၤလိၤတဂၤလီၤဃံၤဝဲအဘျီတဖၣ်အဘျီ သနာ်က့, တမ့ၢ်တၢ်အကါဒိၣ်ဘၣ်. ထီဘိအဝဲဂဲၤဆၢထၢၣ်ကဒါက့ၤဝဲ လီၤ. မ့မ့ၢ်တၢ်တတၢးတနါမၤဟးဂီၤကွံာ်ပှၤတတီတလိၤလီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယံးရမံယၤ 23:4

ယကဃုထၢပာ်လီၤပှၤပၢတၢ်တဖၣ်လၢကကဟုကယာ်အဝဲသ့ၣ် အဂီၢ်န့ၣ်လီၤ. ယပှၤဂီၢ်မုၢ်အံၤတပျံၤတၢ်လၢၤဘၣ်ဒီးတဘၣ်ယိၣ် ဘၣ်ဘီတၢ်လၢၤဘၣ်, ဒီးယတစံၣ်ညီၣ်ကဒီးအဝဲသ့ၣ်လၢၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:3

ယလီၣ်ဖျါထီၣ်တ့ၢ် ယသးဆူ အဝဲသ့ၣ်လၢ အယံၤန့ၣ်လီၤ. ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ယတၢ်အဲၣ်ခၢၣ်သနၢၣ်တထံၣ်ဃီန့ၣ်လီၤ.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်မၢ်ကူး 13:22

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

လံာ်လူၤကၣ် 23:46

ယ့ၣ်ၡူးကိးထီၣ်လၢအကလုၢ်ဖးဒိၣ်, “ပၢ်ဧၢ, ယဟ့ၣ်လီၤယသးလၢနစုပူၤလီၤ.” အဝဲဒၣ်စံးတၢ်ဒ်န့ၣ်ဝံၤဒီးအသးဟးထီၣ်ကွံာ်လီၤ.

လံာ်ယိၤဟၣ် 10:29

ယပၢ်လၢအဟ့ၣ်လီၤအဝဲသ့ၣ်လၢယၤန့ၣ် ဒိၣ်န့ၢ်တၢ်ခဲလၢာ်, ဒီးပှၤဂုာ်န့ၢ်ဆူၣ်အဝဲသ့ၣ်လၢယပၢ်အစုပူၤ တသ့နီတဂၤဘၣ်.

လံာ်ယိၤဟၣ် 11:25

ယ့ၣ်ၡူးစံးဘၣ်အီၤ, “ယဲဒၣ်အံၤ ယမ့ၢ်တၢ်ဂဲၤဆၢထၢၣ်သမူထီၣ်က့ၤ ဒီးတၢ်မူန့ၣ်လီၤ. ပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, မ့ၢ်သံဘၣ်ဆၣ်ဒီးကမူဝဲလီၤ.

လံာ်ယိၤဟၣ် 14:19

တစိၢ်ဖိဒီးဟီၣ်ခိၣ်တထံၣ်လၢၤဘၣ်ယၤဘၣ်. ဘၣ်ဆၣ်သု ကထံၣ်ယၤလီၤ. မ့ၢ်ယမူယဲအဃိဒီး, သုကမူစ့ၢ်ကီးလီၤ.

လံာ်ယိၤဟၣ် 17:2

အဂ့ၢ်ဒ်လဲၣ်န့ၣ်, နဟ့ၣ်အီၤတၢ်စိကမီၤလၢပှၤဟီၣ်ခိၣ်ဖိခဲလၢာ် အဖီခိၣ်ဒ်သိးအဝဲကဟ့ၣ်တၢ်မူအထူအယိာ်လၢပှၤလၢ နဟ့ၣ်လီၤအီၤခဲလၢာ်အဂီၢ်န့ၣ်လီၤ.

လံာ်ယိၤဟၣ် 18:9

(ယ့ၣ်ၡူးစံးတၢ်ဒ်အံၤမ့ၢ်ဒ်သိးတၢ်လၢအဝဲစံးတ့ၢ်ဝဲကလၢထီၣ် ပှဲၤထီၣ်အဂီၢ်လီၤ. “ပၢ်ဧၢ, ပှၤလၢနဟ့ၣ်တ့ၢ်ယၤတဖၣ်န့ၣ်, ထဲတဂၤဒၣ်လဲာ်တလီၤမၢ်ကွံာ်န့ၢ်ယၤဘၣ်.”)

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

လံာ်ယိၤဟၣ် 6:37

ကယဲၢ်ပှၤလၢယပၢ်ဟ့ၣ်လီၤယၤတဖၣ်န့ၣ်ကဟဲဆူယအိၣ် လီၤ. ဒီးပှၤလၢအဟဲဆူယအိၣ်တဖၣ်န့ၣ်ယတဟီထီၣ်ကွံာ် အီၤနီတဂၤဘၣ်.

လံာ်ယိၤဟၣ် 6:47

ယစံးဘၣ်တဲဘၣ်သုတၢ်မ့ၢ်တၢ်တီလီၤ. ပှၤလၢအစူၢ်က့ၤနာ် က့ၤတၢ်န့ၣ်အိၣ်ဒီးတၢ်မူအထူအယိာ်လီၤ.

လံာ်ယိၤဟၣ် 6:68

စီၤၡံမိၣ်ပ့းတရူးစံးဆၢတၢ်ဒီးစံးဝဲ, “ကစၢ်ဧၢ, ပကလဲၤဆူမတၤတဂၤအအိၣ်လဲၣ်. နအိၣ်ဒီးတၢ်ကတိၤတဖၣ်လၢအဟ့ၣ်တၢ်မူအထူ အယိာ်လီၤ.

မၤတၢ် 7:59

ဖဲအဝဲသ့ၣ်ကွံာ်အီၤလၢလၢၢ်အဖၢမုၢ်န့ၣ်, စီၤစတ့းဖၣ်ဃ့ဘါထု ကဖၣ်ကစၢ်ဒီးစံး, “ကစၢ်ယ့ၣ်ၡူးဧၢ, တူၢ်လိာ်ဘၣ်ယသးတက့ၢ်.”

ရိမ့ၤ 5:17

ခီဖျိပှၤတဂၤအတၢ်ဒဲးဘးဒီး, တၢ်သံစးထီၣ်ပၢတၢ်လၢ အဝဲအဃိန့ၣ်, မ့ၢ်ဝဲတီဝဲလီၤ. ဘၣ်ဆၣ်ဒီး, တၢ်အဘျုးအဖှိၣ်လၢအအိၣ်ထီၣ်ဝဲခီဖျိပှၤ တဂၤလၢအမ့ၢ်ယ့ၣ်ၡူးခရံာ်အတၢ်မၤလၢအမၤတ့ၢ်ဝဲန့ၣ်, မ့ၢ်မးတၢ်လၢအဒိၣ်ဒၣ်တၢ်တက့ၢ်န့ၣ်လီၤ. ပှၤကိးဂၤဒဲးလၢအဒိးန့ၢ်ဘၣ်ကစၢ်ယွၤအဘျုး အါအါကလဲာ်ဒီးတၢ်ဟ့ၣ်ကလီလၢအမ့ၢ်တၢ်ပာ် တီပာ်လိၤန့ၣ်, ကပၢတၢ်လၢတၢ်မူအပူၤခီဖျိခရံာ်န့ၣ်လီၤ.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

ရိမ့ၤ 5:21

လၢတၢ်န့ၣ်အဃိ, ဒ်တၢ်ဒဲးဘးပၢတၢ်ခီဖျိတၢ်သံ အသိးန့ၣ်, ကစၢ်ယွၤအဘျုးအဖှိၣ်ပၢစ့ၢ်ကီးတၢ်ခီဖျိ တၢ်ပာ်တီပာ်လိၤပှၤ, ဒီးဆှၢပှၤဆူတၢ်မူအထူ အယိာ်ခီဖျိပကစၢ်ယ့ၣ်ၡူးခရံာ်န့ၣ်လီၤ.

ရိမ့ၤ 5:9

ခီဖျိလၢအတၢ်သံအဃိဒီး, ခဲအံၤပဘၣ်တၢ်ပာ်တီပာ်လိၤ ပှၤန့ၣ်လီၤ. မၤသးဒ်န့ၣ်ဒီးလၢအကအုၣ်က့ၤခီၣ်က့ၤပှၤလၢ ကစၢ်ယွၤအတၢ်သးထီၣ်အပူၤအဂီၢ်န့ၣ်, ကမၤဝဲအါန့ၢ်အန့ၣ် တက့ၢ်ဆံးဒိၣ်လဲၣ်.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.

ဖံလံးပံၤ 1:6

ဒီးလၢတၢ်န့ၣ်အဃိယနာ်ယဲဒၣ်လၢကစၢ်ယွၤ, လၢအစးထီၣ်အတၢ်မၤအဂ့ၤတမံၤအံၤလၢသုပူၤန့ၣ်, ကမၤဒံးဝဲဆူညါတုၤအလၢထီၣ်ပှဲၤထီၣ်ဝဲတစုဖဲယ့ၣ်ၡူးခရံာ် အမုၢ်တနံၤန့ၣ်လီၤ.

၂ သ့းစၤလနံ 2:13

ဒီပုၢ်ဝဲၢ်လၢကစၢ်အဲၣ်အီၤသ့ၣ်ဧၢ, ပဘၣ်စံးဘျုးကစၢ်ယွၤကိးဆၢကတီၢ်ဒဲးလၢသုဃိလီၤ. အဂ့ၢ်ဒ်အံၤကစၢ်ယွၤဃုထၢထီၣ်သုလၢအခီၣ်ထံးလံၤလံၤ လၢသုကဒိးန့ၢ်တၢ်အုၣ်က့ၤခီၣ်က့ၤခီဖျိယွၤအသးအစိ အကမီၤဒ်သိးသုကကဲထီၣ်အပှၤစီဆှံတကလုာ်ခီဖျိ သုတၢ်စူၢ်တၢ်နာ်တၢ်မ့ၢ်တၢ်တီအဃိန့ၣ်လီၤ.

၁ တံၤမသ့း 1:16

ဘၣ်ဆၣ်ဒီးကစၢ်ယွၤသးကညီၤယၤ, မ့ၢ်ဒ်သိးယ့ၣ်ၡူးခရံာ်ကဒုးနဲၣ်အတၢ်ဝံသးစူၤအလၢ အပှဲၤလၢယၤ, ပှၤတၢ်ဒဲးဘးဖိအအၢကတၢၢ်တဂၤ, ဒ်သိးကကဲထီၣ်တၢ်အဒိအတဲာ်လၢပှၤလၢအကနာ် က့ၤအီၤလၢခံဒီးဒိးန့ၢ်ဘၣ်တၢ်မူအထူအယိာ်တဖၣ် အဂီၢ်န့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

၁ ယိၤဟၣ် 1:2

ဖဲတၢ်မူအံၤအိၣ်ဖျါထီၣ်ဝဲန့ၣ်, ပထံၣ်ဘၣ်အီၤသတးဒီးပကတိၤတၢ်လၢအဂ့ၢ် ဒီးစံးဘၣ်တဲဘၣ်သုဘၣ်ဃးတၢ်မူအထူအယိာ် လၢအအိၣ်ဒီးပၢ်, လၢအဘၣ်တၢ်ဒုးသ့ၣ်ညါပှၤအံၤန့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

၁ ယိၤဟၣ် 2:25

ဒီးတၢ်လၢခရံာ်အကစၢ်ဒၣ်ဝဲအၢၣ်လီၤလၢအကဟ့ၣ်ပှၤ အံၤန့ၣ်, မ့ၢ်တၢ်မူအထူအယိာ်န့ၣ်လီၤ.

၁ ယိၤဟၣ် 5:11

ဒီးတၢ်အုၣ်အသးမ့ၢ်အအံၤ, ကစၢ်ယွၤဟ့ၣ်လီၤပှၤတၢ်မူအထူအယိာ်ဒီးတၢ်မူ အဝဲအံၤအိၣ်လၢအဖိခွါအပူၤန့ၣ်လီၤ.

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,

ယူဒၤ 1:21

ဒီးဟံးဃာ်ပၢၤဃာ်သုသးလၢကစၢ်ယွၤအတၢ်အဲၣ်တၢ်ကွံ အပူၤ, ဖဲသုအိၣ်ခိးပကစၢ်ယ့ၣ်ၡူးခရံာ်ကဟ့ၣ်လီၤသုတၢ်မူ အထူအယိာ်လၢအတၢ်သးကညီၤဒၣ်ဝဲအပူၤအခါန့ၣ်တက့ၢ်.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်စီၤၡမူၤအ့လးအခီၣ်ထံးတဘ့ၣ် 2:9

အဝဲဒီဒၣ်အိၣ်ပှိၤအပှၤလၢအသူၣ်တီသးလိၤတဖၣ်အသးသမူလီၤ. မ့မ့ၢ်ပှၤတတီတလိၤတဖၣ်န့ၣ်ကလီၤမၢ်ကွံာ်လၢတၢ်ခံးတၢ်နၤအပူၤလီၤ. ပှၤတဂၤန့ၣ်မၤနၢၤတၢ်လၢအဂံၢ်အဘါဒၣ်ဝဲတသ့ဘၣ်.