လံာ်ယိၤဟၣ် 10:25 - Sgaw Karen Common Bible

²⁵ ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်တ့ၢ်သုလံ. ဘၣ်ဆၣ်သုတနာ်ယၤဘၣ်. တၢ်မၤတဖၣ်လၢယမၤအီၤလၢ ယပၢ်အစိကမီၤန့ၣ်အုၣ်အသးလၢယဂီၢ်လီၤ.

လံာ်ယိၤဟၣ် 10:25 Iomraidhean Croise

လံာ်ယိၤဟၣ် 10:32

ယ့ၣ်ၡူးစံးဘၣ်အဝဲသ့ၣ်, “ယဒုးနဲၣ်တ့ၢ်သုတၢ်မၤအဂ့ၤအါမံၤလၢယပၢ်အအိၣ်လံ. သုသးအိၣ်ကွံာ်ယၤလၢလၢၢ်လၢတၢ်မၤဖဲလဲၣ်တမံၤအဃိ လဲၣ်.”

လံာ်ယိၤဟၣ် 10:37

ယမ့ၢ်တမၤတၢ်တဖၣ်လၢယပၢ်သးအိၣ်လၢယကမၤ ဘၣ်ဒီး, တဘၣ်နာ်ယၤတဂ့ၤ.

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 11:47

အန့ၣ်သတးဒီး, ပှၤဖၤရံၤၡဲတဖၣ်ဒီးပှၤလုၢ်တၢ်အခိၣ်အဒိၣ် တဖၣ်ကိးကီၣ်ကးအတၢ်အိၣ်ဖှိၣ်ဒီးစံးဝဲ “ပကမၤဒ်လဲၣ်. အဂ့ၢ်ဒ်အံၤ, ပှၤတဂၤအံၤမၤတၢ်လီၤလးအါမးလီၤ.

လံာ်ယိၤဟၣ် 12:37

ယ့ၣ်ၡူးမၤတၢ်လီၤလးတဖၣ်အံၤလၢအဝဲသ့ၣ်အမဲာ်ညါ ထဲထဲအံၤသနာ်က့, အဝဲသ့ၣ်တစူၢ်က့ၤနာ်က့ၤအီၤဘၣ်.

လံာ်ယိၤဟၣ် 14:11

ဖဲယစံးလၢယအိၣ်လၢပၢ်အပူၤဒီး ပၢ်အိၣ်လၢယပူၤန့ၣ်, နာ်ယၤတက့ၢ်. မ့တမ့ၢ်ဘၣ်ဒီး, နာ်ယၤလၢယတၢ်မၤတဖၣ် အဃိန့ၣ်တက့ၢ်.

လံာ်ယိၤဟၣ် 20:30

ယ့ၣ်ၡူးမၤတၢ်လီၤလးအဂၤတဖၣ်တဘျုးမံၤလၢအပျဲၢ်အဘီၣ် တဖၣ်အမဲာ်ညါ, ဘၣ်ဆၣ်တဘၣ်တၢ်ကွဲးနီၣ်ကွဲးဃါအီၤလၢလံာ်အံၤအပူၤဘၣ် န့ၣ်လီၤ.

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 7:31

ဘၣ်ဆၣ်ဒီးပှၤအါဂၤလၢပှၤဂီၢ်မုၢ်အကျါနာ်အီၤဒီးစံး, “တုၤခရံာ်ဟဲဝဲဒီးမ့ၢ်အဝဲကမၤတၢ်လီၤလးဒိၣ်န့ၢ်အါ န့ၢ်ဒံးအဝဲတဂၤအံၤမၤတ့ၢ်ဝဲန့ၣ်ဧါ.”

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

လံာ်ယိၤဟၣ် 8:56

သုပၢ်စီၤအၤဘြၤဟၣ်သူၣ်ခုသးခုလၢအကထံၣ်ဘၣ်ယတၢ်ဟဲ အဆၢကတီၢ်, ဒီးထံၣ်ဘၣ်ဝဲဒီးသူၣ်ခုသးခုဝဲလီၤ.”

လံာ်ယိၤဟၣ် 8:58

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတီတီလိၤ လိၤ, တချုးလၢစီၤအၤဘြၤဟၣ်အိၣ်ဖျဲၣ်ထီၣ်ဒံးဘၣ်ဒီးယမ့ၢ် တၢ်လၢယမ့ၢ်လီၤ.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.