လံာ်ယိၤဟၣ် 10:2 - Sgaw Karen Common Bible

² မ့မ့ၢ်ပှၤလၢအဟဲနုာ်လီၤခီဖျိကျဲစၢၤတဂၤန့ၣ်, မ့ၢ်သိတဖၣ် အပှၤကွၢ်သိလီၤ.

လံာ်ယိၤဟၣ် 10:2 Iomraidhean Croise

စံးထီၣ်ပတြၢၤ 23:1

ယွၤမ့ၢ်ယပှၤကွၢ်သိ, တၢ်တမိၣ်န့ၢ်ဘၣ်ယသးလၢတၢ်နီတမံၤဘၣ်.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

လံာ်ပှၤစံၣ်တဲၤတဲလီၤတၢ် 12:11

ပှၤကူၣ်တၢ်သ့တဖၣ်အတၢ်ကတိၤလီၤဂာ်ဒီးနီၣ်ခိၣ်စူတဖၣ်လၢပှၤ ကွၢ်သိတဖၣ်သူဝဲလၢတၢ်ပၢဆှၢသိအဂီၢ်, ဒီးတၢ်ကတိၤဒိတဖၣ်လၢအဘၣ်တၢ်ထၢ ဖှိၣ်အီၤအိၣ်စံၣ်အိၣ်ကျၢၤဝဲဒ်ထးတဖၣ်လၢအဘၣ် တၢ်ဒိတံၢ်ဂၢၢ်ကျၢၤအီၤအသိးန့ၣ်လီၤ. တၢ်သ့ၣ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤလၢကစၢ်ယွၤ, ပှၤကွၢ်သိထဲတဂၤဧိၤလၢပဝဲခဲလၢာ်အဂီၢ်န့ၣ်လီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 63:11

အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်မံကၤ 5:5

ဒီးအဝဲကဟဲစိာ်တၢ်ဃူတၢ်ဖိးလီၤ. ဖဲပှၤကီၢ်အၤၡူၢ်ဖိတဖၣ်ဘၢၣ်ဖျိပတိာ်ဧိၤ တာ်ဧိၤတဖၣ်ဒီးဟဲနုာ်လီၤဒုးပထံပကီၢ်န့ၣ်, ပကမၢလီၤပခိၣ်ပနၢ်လၢအဂံၢ်အဘါဆူၣ်ကတၢၢ်တဖၣ်လၢ အကဒုးအဝဲသ့ၣ်န့ၣ်လီၤ.

လံာ်စကၤရယၤ 11:3

ပှၤပၢတၢ်တဖၣ်ဟီၣ်ပသူထီၣ်လၢတၢ်သးအုးအပူၤလီၤ. အဂ့ၢ်ဒ်အံၤ, အဝဲသ့ၣ်အလၤကပီၤလီၤမၢ်ကွံာ်လံ. ဒိကနၣ်ခ့ယုၢ်တဖၣ်အတၢ်ကညီၤထီၣ်န့ၣ်တက့ၢ်. အဂ့ၢ်ဒ်အံၤ, အဝဲသ့ၣ်အိၣ်ဆိးအလီၢ်လၢအအိၣ်ဝဲဖဲထံကျိ ယၣ်ဒ့ၣ်အသရ့ၤန့ၣ်ဘၣ်တၢ်မၤဟးဂီၤအီၤလံ.

လံာ်စကၤရယၤ 11:5

အဝဲသ့ၣ်အကစၢ်တဖၣ်မၤသံအဝဲသ့ၣ်, ဒီးတဘၣ်တၢ်စံၣ်ညီၣ်အီၤဘၣ်. အဝဲသ့ၣ်ဆါကွံာ်တၢ်ညၣ်ဒီးစံးဝဲ, စံးထီၣ်ပတြၢၤယွၤတက့ၢ်. ပထူးထီၣ်တီၤထီၣ်လံ. အပှၤကွၢ်သိတဖၣ်ဒၣ်လဲာ်တသးကညီၤဘၣ်အဝဲသ့ၣ်ဘၣ်.”

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 15:11

တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”

လံာ်ယိၤဟၣ် 10:14

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလီၤ. ဒ်ပၢ်သ့ၣ်ညါယၤဒီးယသ့ၣ်ညါပၢ်အသိးန့ၣ်, ယသ့ၣ်ညါ ယသိဒီးအဝဲသ့ၣ် သ့ၣ်ညါယၤလီၤ.

လံာ်ယိၤဟၣ် 10:7

မၤသးဒ်န့ၣ်ဒီး ယ့ၣ်ၡူးစံးကဒီးဝဲ, “ယစံးဘၣ်တဲဘၣ်သုတီတီ လိၤလိၤ, ယမ့ၢ်ကျဲစၢၤလၢသိတဖၣ်အဂီၢ်လီၤ.

လံာ်ယိၤဟၣ် 10:9

ယဲဒၣ်အံၤယမ့ၢ်ကျဲစၢၤလီၤ. ပှၤတဂၤလၢ်လၢ်လၢအဟဲနုာ် ခီဖျိယၤန့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ. အဝဲကဟဲ နုာ်ဒီးကဟးထီၣ်ဒီးကထံၣ်န့ၢ်တၢ်အီၣ်ဆၣ်အလီၢ်န့ၣ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

တံတူး 1:5

ယပာ်လီၤတဲာ်နၤဖဲကီးကြ့တ့ၤဒ်သိးနကသုးကျဲၤမၤဝံၤမၤဘၣ် က့ၤတၢ်လၢအလိၣ်ဒံးတဖၣ်, ဒီးဃုထၢထီၣ်တၢ်အိၣ်ဖှိၣ်သးပှၢ်တဖၣ်လၢဝ့ၢ်ကိးဖျၢၣ်ဒဲး အပူၤလီၤ. သ့ၣ်နီၣ်ထီၣ်တၢ်လၢယမၤလိာ်နၤတဖၣ်န့ၣ်တက့ၢ်.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.