လံာ်ယိၤဟၣ် 10:17 - Sgaw Karen Common Bible

¹⁷ လၢတၢ်ဂ့ၢ်အံၤအဃိ, ယပၢ်အဲၣ်ယၤမ့ၢ်လၢယဟ့ၣ်လီၤကွံာ် ယသးသမူဒ်သိးယကဒိးန့ၢ်က့ၤကဒီးအီၤအဂီၢ်လီၤ.

လံာ်ယိၤဟၣ် 10:17 Iomraidhean Croise

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:15

ဒီးယဟ့ၣ်လီၤကွံာ်ယသးသမူလၢယသိအဂီၢ်လီၤ.

လံာ်ယိၤဟၣ် 10:18

ပှၤဟံးန့ၢ်ကွံာ်ယသးသမူလၢယၤတသ့ဘၣ်နီတဂၤ ဘၣ်. ယဟ့ၣ်လီၤကွံာ်အီၤလၢယသးဒၣ်ယဲန့ၣ်လီၤ. ယအိၣ်ဒီးတၢ်စိကမီၤလၢယကဟ့ၣ်လီၤကွံာ်အီၤဒီး ယအိၣ်ဒီးတၢ်စိကမီၤလၢယကဟံးက့ၤအီၤအဂီၢ်လီၤ. အဝဲအံၤမ့ၢ်တၢ်လၢယပၢ်မၤလိာ်တ့ၢ်ယၤလၢယကမၤ အီၤအဂီၢ်လီၤ.”

လံာ်ယိၤဟၣ် 3:25

တၢ်ကတိၤဂ့ၢ်လိာ်အိၣ်ထီၣ်ဝဲလၢစီၤယိၤဟၣ်အပျဲၢ်အဘီၣ်တနီၤ ဒီးပှၤယူဒၤဖိတဂၤအဘၢၣ်စၢၤလၢတၢ်မၤကဆှီအလုၢ်အလၢ် အဂ့ၢ်န့ၣ်လီၤ.

ဧ့ၤဘြံၤ 1:9

နအဲၣ်တၢ်လၢအဘၣ်ဒီး နသးဟ့တၢ်လၢအတဘၣ်ဘၣ်န့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤဃုထၢထီၣ် ဒီးဖှူနၤလၢတၢ်သးခုအသိ အါန့ၢ်ဒိၣ်န့ၢ်ဒံးနတံၤသကိးတဖၣ်တက့ၢ်လီၤ.”

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.