လံာ်ယိၤဟၣ် 10:16 - Sgaw Karen Common Bible

¹⁶ သိအိၣ်ဝဲအဂၤတဖၣ်လၢအဘၣ်ဃးဒီးယၤလၢ အတအိၣ်လၢသိကရၢၢ်အဝဲအံၤအပူၤဘၣ်. ဘၣ်ဆၣ်ဒီးယကဘၣ်ဆှၢအီၤစ့ၢ်ကီးလီၤ. ဒီးအဝဲသ့ၣ်ကဒိကနၣ်ယကလုၢ်ဒီးကကဲထီၣ်သိ တဖုဃီအိၣ်ဒီးပှၤကွၢ်သိတဂၤဃီလီၤ.

လံာ်ယိၤဟၣ် 10:16 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 86:9

ယွၤဧၢ, ကယဲၢ်ပှၤကလုာ်တဖၣ်လၢနတ့လီၤအီၤ ခဲလၢာ်ကဟဲဒီးတီၤလီၤလၢနမဲာ်ညါ ဒီးကမၤလၤကပီၤနမံၤလီၤ.

လံာ်ပှၤစံၣ်တဲၤတဲလီၤတၢ် 12:11

ပှၤကူၣ်တၢ်သ့တဖၣ်အတၢ်ကတိၤလီၤဂာ်ဒီးနီၣ်ခိၣ်စူတဖၣ်လၢပှၤ ကွၢ်သိတဖၣ်သူဝဲလၢတၢ်ပၢဆှၢသိအဂီၢ်, ဒီးတၢ်ကတိၤဒိတဖၣ်လၢအဘၣ်တၢ်ထၢ ဖှိၣ်အီၤအိၣ်စံၣ်အိၣ်ကျၢၤဝဲဒ်ထးတဖၣ်လၢအဘၣ် တၢ်ဒိတံၢ်ဂၢၢ်ကျၢၤအီၤအသိးန့ၣ်လီၤ. တၢ်သ့ၣ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤလၢကစၢ်ယွၤ, ပှၤကွၢ်သိထဲတဂၤဧိၤလၢပဝဲခဲလၢာ်အဂီၢ်န့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ယၡါယၤ 56:8

ယွၤပၢဘၣ်တၢ်ခဲလၢာ်ကစၢ်, လၢအဟဲက့ၤစိာ်အပှၤဂီၢ်မုၢ် အံၣ်စရ့လးလၢတၢ်စိာ်မၢကဲကုၢ်အလီၢ်ဆူဟံၣ်န့ၣ်, အၢၣ်လီၤစ့ၢ်ကီးဝဲလၢကဟဲစိာ်ဒံးပှၤဂီၢ်မုၢ်အဂၤတဖၣ် လၢကဟဲပာ်ဖှိၣ်ဃုာ်အသးဒီးအဝဲသ့ၣ်န့ၣ်လီၤ.

လံာ်ယဃ့းစက့လး 34:12

ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်ယဃ့းစက့လး 34:6

လၢတၢ်န့ၣ်အဃိ, ယသိတဖၣ်ဟးဝ့ၤဝီၤလၢတၢ်လူၢ်လၢအထီ တဖၣ်ဒီးကစၢၢ်ကလိတဖၣ်အလိၤန့ၣ်လီၤ. အဝဲသ့ၣ်လီၤပြံလီၤပြါ လၢဟီၣ်ခိၣ်အမဲာ်ဖံးခိၣ်ဒီးပှၤလၢကကွၢ်ဃုအဝဲသ့ၣ် မ့ၢ်ဂ့ၤဂုာ်ကျဲးစၢးလၢကဃုထံၣ်က့ၤအဝဲသ့ၣ်မ့ၢ်ဂ့ၤတအိၣ်နီ တဂၤဘၣ်.

လံာ်ယဃ့းစက့လး 37:22

ယကပာ်ဖှိၣ်အဝဲသ့ၣ်ဆူပှၤတကလုာ်ဃီလၢကီၢ်ပူၤ, လၢ ကီၢ်အံၣ်စရ့လးအကစၢၢ်တဖၣ်အဒီခိၣ်န့ၣ်လီၤ. အဝဲသ့ၣ်ကအိၣ် ဒီးစီၤပၤတဂၤလၢကပၢအဝဲသ့ၣ်ဒီးအဝဲသ့ၣ်တအိၣ်လီၤဖးလိာ် အသးဆူပှၤကလုာ်ခံကလုာ်မ့ၢ်ဂ့ၤ, လီၤဖးကွံာ်ဆူဘီမုၢ်ခံ ဘ့ၣ်မ့ၢ်ဂ့ၤလၢၤဘၣ်.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်လူၤကၣ် 15:8

မ့တမ့ၢ်, ပစံးဒၣ်ကလိာ်ပိာ်မုၣ်တဂၤလၢအအိၣ်ဒီးစ့အဘ့ၣ်တဆံ အတၢ်လီၤမၢ်န့ၢ်အီၤတဘ့ၣ်လီၤ. အဝဲဒၣ်ကမၤဒ်လဲၣ်. အဝဲဒၣ်ကဒွဲၣ်ထီၣ်မ့ၣ်အူဒၢတဖျၢၣ်, ခွဲသိၣ်ခွဲပျီအဟံၣ်, ဒီးကွၢ်ဝဲလီၤတံၢ်လီၤဆဲးလၢတၢ်လီၢ်ကိးပူၤဒဲး တုၤလၢအထံၣ်န့ၢ်က့ၤဝဲတစုလီၤ.

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:2

မ့မ့ၢ်ပှၤလၢအဟဲနုာ်လီၤခီဖျိကျဲစၢၤတဂၤန့ၣ်, မ့ၢ်သိတဖၣ် အပှၤကွၢ်သိလီၤ.

လံာ်ယိၤဟၣ် 10:27

ယသိတဖၣ်ဒိကနၣ်ယကလုၢ်, ယသ့ၣ်ညါအီၤဒီးအဝဲသ့ၣ်ပိာ်ယခံလီၤ.

လံာ်ယိၤဟၣ် 10:3

ပှၤပၢၤကျဲစၢၤတဂၤအိးထီၣ်န့ၢ်ကျဲလၢအဂီၢ်ဒီးသိတဖၣ် နၢ်ဟူအကလုၢ်ဖဲအဝဲကိးအသိဒၣ်ဝဲအမံၤတဒုဘၣ်တဒု ဒီးအဝဲဒၣ်ဆှၢထီၣ်အသိတဖၣ်ဆူကရၢၢ်အချၢန့ၣ်လီၤ.

လံာ်ယိၤဟၣ် 10:4

ဖဲအဝဲဆှၢထီၣ်အသိတဖၣ်ဆူတၢ်ချၢဝံၤဒီး, အဝဲလဲၤတၢ်လၢအဝဲသ့ၣ်တဖၣ်အမဲာ်ညါဒီးအဝဲသ့ၣ် ပိာ်ထီၣ်အခံမ့ၢ်လၢအသ့ၣ်ညါအကလုၢ်အဃိလီၤ.

လံာ်ယိၤဟၣ် 10:5

အဝဲသ့ၣ်တပိာ်ပှၤဂၤအခံဘၣ်. အခိၣ်တလိာ်, အဝဲသ့ၣ်ကဃ့ၢ်ကွံာ်လၢပှၤဒ်န့ၣ်သိးတဖၣ်အအိၣ် မ့ၢ်လၢအတသ့ၣ်ညါအကလုၢ်အဃိလီၤ.”

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

လံာ်ယိၤဟၣ် 17:20

ယတဃ့ဘါထုကဖၣ်ထဲအဝဲသ့ၣ်အဂီၢ်ဧိၤဘၣ်. မ့မ့ၢ်, ယဃ့စ့ၢ်ကီးလၢပှၤလၢအစူၢ်က့ၤနာ်က့ၤယၤခီဖျိအဝဲသ့ၣ် အတၢ်ကစီၣ်အဂီၢ်လီၤ.

လံာ်ယိၤဟၣ် 6:37

ကယဲၢ်ပှၤလၢယပၢ်ဟ့ၣ်လီၤယၤတဖၣ်န့ၣ်ကဟဲဆူယအိၣ် လီၤ. ဒီးပှၤလၢအဟဲဆူယအိၣ်တဖၣ်န့ၣ်ယတဟီထီၣ်ကွံာ် အီၤနီတဂၤဘၣ်.

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

မၤတၢ် 18:10

အဂ့ၢ်ဒ်အံၤယအိၣ်ဒီးနၤလီၤ. ပှၤမၤဆူးမၤဆါနၤတသ့နီတဂၤဘၣ်. အဂ့ၢ်မ့ၢ်လၢပှၤအါဒံအါဂၤလၢဝ့ၢ်တဖျၢၣ်အံၤအပူၤမ့ၢ်ယပှၤဂီၢ်မုၢ် အဃိလီၤ.”

မၤတၢ် 22:14

စီၤအနၤနံစံးဘၣ်ယၤ, ‘ကစၢ်ယွၤလၢပပၢ်လၢပျၢၤတဖၣ်ဘူၣ်ထီၣ်ဘါထီၣ်အီၤ တဂၤန့ၣ်, ဃုထၢတ့ၢ်နၤဒ်သိးနကသ့ၣ်ညါအတၢ်ဘၣ် အသး, နကထံၣ်ဘၣ်အခ့တီပှၤလိၤတဂၤ, ဒီးနၢ်ဟူဘၣ်အကတိၤတၢ်လၢအကလုၢ်ဒၣ်ဝဲန့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

၂ သ့းစၤလနံ 2:13

ဒီပုၢ်ဝဲၢ်လၢကစၢ်အဲၣ်အီၤသ့ၣ်ဧၢ, ပဘၣ်စံးဘျုးကစၢ်ယွၤကိးဆၢကတီၢ်ဒဲးလၢသုဃိလီၤ. အဂ့ၢ်ဒ်အံၤကစၢ်ယွၤဃုထၢထီၣ်သုလၢအခီၣ်ထံးလံၤလံၤ လၢသုကဒိးန့ၢ်တၢ်အုၣ်က့ၤခီၣ်က့ၤခီဖျိယွၤအသးအစိ အကမီၤဒ်သိးသုကကဲထီၣ်အပှၤစီဆှံတကလုာ်ခီဖျိ သုတၢ်စူၢ်တၢ်နာ်တၢ်မ့ၢ်တၢ်တီအဃိန့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.