လံာ်ယိၤဟၣ် 10:14 - Sgaw Karen Common Bible

¹⁴ ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလီၤ. ဒ်ပၢ်သ့ၣ်ညါယၤဒီးယသ့ၣ်ညါပၢ်အသိးန့ၣ်, ယသ့ၣ်ညါ ယသိဒီးအဝဲသ့ၣ် သ့ၣ်ညါယၤလီၤ.

လံာ်ယိၤဟၣ် 10:14 Iomraidhean Croise

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်နၤဃူၣ် 1:7

ယွၤန့ၣ်ဂ့ၤဝဲ ဒီးမ့ၢ်တိာ်ဧိၤတာ်ဧိၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ. ဒီးအဝဲသ့ၣ်ညါပှၤလၢအသန့ၤအသးလၢအီၤလီၤ.

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:13

ပှၤဒိးလဲအသးတဂၤအံၤဃ့ၢ်ကွံာ်ဝဲမ့ၢ်လၢအဝဲမ့ၢ်ဒၣ်ပှၤဒိးလဲ အသးတဂၤဒီးအသးတအိၣ်ဘၣ်သိတဖၣ်အဃိလီၤ.

လံာ်ယိၤဟၣ် 10:27

ယသိတဖၣ်ဒိကနၣ်ယကလုၢ်, ယသ့ၣ်ညါအီၤဒီးအဝဲသ့ၣ်ပိာ်ယခံလီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

အ့းဖ့းစူး 3:19

မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

ဖံလံးပံၤ 3:8

ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 2:19

ယသ့ၣ်ညါယဲတၢ်လၢနမၤန့ၣ်လီၤ. ယသ့ၣ်ညါနတၢ်အဲၣ်တၢ်ကွံ, နတၢ်သူၣ်တီသးတီ, နတၢ်ဖံးတၢ်မၤ, ဒီးနတၢ်ဝံသးစူၤန့ၣ်လီၤ. ယသ့ၣ်ညါယဲလၢနမၤတၢ်ခဲကနံၣ်အံၤအါန့ၢ်ဒံးတၢ်လၢနမၤတ့ၢ်နဲ လၢအခီၣ်ထံးန့ၣ်လီၤ.

လံာ်လီၣ်ဖျါ 2:2

ယသ့ၣ်ညါတၢ်လၢနမၤတ့ၢ်နဲတဖၣ်လီၤ. ယသ့ၣ်ညါဘၣ်ဃးနဖံးတၢ်မၤတၢ်ဆူၣ်ဆံးအါ, ဒီးနသူၣ်စူၤသးစူၤတ့ၢ်နဲဆံးအါအဂ့ၢ်လီၤ. ယသ့ၣ်ညါလၢနပျဲပှၤအၢပှၤသီတဖၣ်မၤဖဲအသးဒၣ်ဝဲန့ၣ် တကဲဘၣ်. ဒီးလၢနမၤကွၢ်တ့ၢ်နဲပှၤတဖၣ်လၢအစံးလၢ အမ့ၢ်ပှၤတၢ်မၢဖိတဖၣ်ဘၣ်ဆၣ်တမ့ၢ်ဘၣ်, ဒီးနသ့ၣ်ညါဘၣ်တ့ၢ်နဲလၢအဝဲသ့ၣ်မ့ၢ်ပှၤလီတၢ်ဖိတဖၣ် န့ၣ်လီၤ.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.

လံာ်လီၣ်ဖျါ 3:15

နမၤတ့ၢ်နဲတၢ်မနုၤလဲၣ်န့ၣ်, ယသ့ၣ်ညါယဲဒၣ်လီၤ. ယသ့ၣ်ညါလၢ နတခုၣ်, ဒီးနတကိၢ်စ့ၢ်ကီးဘၣ်န့ၣ်လီၤ. ယဆၢမးယဲလၢနကခုၣ်, မ့တမ့ၢ်နကကိၢ်လီၤ.

လံာ်လီၣ်ဖျါ 3:8

နမၤတၢ်မနုၤလဲၣ်န့ၣ်ယသ့ၣ်ညါယဲလီၤ, ယသ့ၣ်ညါလၢနအိၣ်ဒီးတၢ်စိကမီၤတဆံးတက့ၢ်, နပိာ်ထွဲယတၢ်သိၣ်လီၤသီလီၤ, ဒီးနသးတီတ့ၢ်နဲဒီး ယၤလီၤ. ယအိးထီၣ်ပာ်ယဲတြဲၤတဘ့ၣ်လၢနမဲာ်ညါ, လၢပှၤကးတံာ်အီၤတန့ၢ်နီတဂၤဘၣ်န့ၣ်လီၤ.