လံာ်ယိၤဟၣ် 10:11 - Sgaw Karen Common Bible

¹¹ ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:17

စီၤဒၤဝံးထံၣ်ကလူးလၢအမၤသံပှၤဂီၢ်မုၢ်န့ၣ်ဒီးစံးဘၣ်ယွၤ, “ယမ့ၢ်ပှၤတဂၤလၢအတၢ်ကမၣ်အိၣ်လီၤ. ယမ့ၢ်ပှၤတဂၤလၢအမၤကမၣ်တၢ်လီၤ. ပှၤလၢအလီၤသးကညီၤတဖၣ်အံၤ မၤတ့ၢ်တၢ်မနုၤတမံၤလဲၣ်. နကြၢးစံၣ်ညီၣ်ယၤဒီးယပှၤဟံၣ်ဖိန့ၣ်လီၤ.”

စံးထီၣ်ပတြၢၤ 23:1

ယွၤမ့ၢ်ယပှၤကွၢ်သိ, တၢ်တမိၣ်န့ၢ်ဘၣ်ယသးလၢတၢ်နီတမံၤဘၣ်.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်ယိၤဟၣ် 10:2

မ့မ့ၢ်ပှၤလၢအဟဲနုာ်လီၤခီဖျိကျဲစၢၤတဂၤန့ၣ်, မ့ၢ်သိတဖၣ် အပှၤကွၢ်သိလီၤ.

လံာ်ယိၤဟၣ် 15:13

တၢ်အဲၣ်တၢ်ကွံအဒိၣ်ကတၢၢ်လၢပှၤတဂၤဟ့ၣ်အတံၤသကိး တဖၣ်သ့န့ၣ်, မ့ၢ်တၢ်တူၢ်သံအသးလၢအဝဲသ့ၣ်အဂီၢ်န့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

၁ ယိၤဟၣ် 3:16

ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.

လံာ်လီၣ်ဖျါ 7:17

အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”