လံာ်ယိၤဟၣ် 1:50 - Sgaw Karen Common Bible

⁵⁰ ဒီးယ့ၣ်ၡူးစံးဝဲ, “မ့ၢ်ယစံးဘၣ်နၤလၢယထံၣ်နၤလၢချၢၣ်ဒၢ အခီၣ်ထံးအဃိဧိၤဒီးနနာ်တၢ်န့ၣ်ဧါ. နကထံၣ်ဘၣ်တၢ်ဒိၣ်န့ၢ်ဒံးတၢ်အံၤတဖၣ်န့ၣ်လီၤ.”

လံာ်ယိၤဟၣ် 1:50 Iomraidhean Croise

လံာ်မးသဲ 13:12

အဂ့ၢ်ဒ်အံၤ, ပှၤလၢတၢ်အိၣ်ဒီးအီၤန့ၣ်, ယွၤကဟ့ၣ်အါထီၣ်အီၤဒီးကအိၣ်ဒီးအီၤအါအါကလဲာ်လီၤ. မ့မ့ၢ်ပှၤလၢအတၢ်တအိၣ်ဘၣ်န့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်ယွၤကဟံးထီၣ်ကွံာ်လၢ အအိၣ်လီၤ.

လံာ်မးသဲ 21:19

အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.

လံာ်မးသဲ 25:29

အဂ့ၢ်ဒ်အံၤ, ပှၤလၢအတၢ်အိၣ်တဖၣ်တၢ်ကဟ့ၣ်အါထီၣ် အီၤတၢ်ကိးဂၤဒဲး, ဒီးအတၢ်ကအိၣ်အါအါကလဲာ်လီၤ. ဘၣ်ဆၣ်ဒီး, ပှၤလၢအတၢ်တအိၣ်ဘၣ်တဂၤန့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်ကဘၣ်တၢ်ဟံးန့ၢ်ကွံာ်လၢ အအိၣ်လီၤ.

လံာ်လူၤကၣ် 1:45

မ့ၢ်လၢနနာ်လၢကစၢ်အတၢ်ကစီၣ်ကဟဲလၢထီၣ်ပှဲၤထီၣ်လၢနဂီၢ် အဃိ, နဘၣ်ဆိၣ်ဂ့ၤနဲလီၤ.”

လံာ်လူၤကၣ် 7:9

ယ့ၣ်ၡူးကမၢကမၣ်ဝဲဖဲအနၢ်ဟူဘၣ်တၢ်ကတိၤအဝဲအံၤလီၤ. အဝဲဒၣ်ဃၣ်တရံးအသးဒီးစံးဘၣ်ပှၤဂီၢ်မုၢ်လၢအပိာ်အခံသ့ၣ် တဖၣ်, “တၢ်နာ်ဒ်အံၤအသိးန့ၣ်ယတထံၣ်တ့ၢ်ယဲနီတစုဘၣ်. ယစံးဘၣ်သု, လၢပှၤအံၣ်စရ့လးဖိအကျါဒၣ်လဲာ်, ယတထံၣ်ဘၣ်.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 1:51

ဒီးစံးဘၣ်အီၤ, “ယစံးဘၣ်တဲဘၣ်သုတၢ်မ့ၢ်တၢ်တီ, လၢသုကထံၣ်ဘၣ်မူခိၣ်အိးထီၣ်အသးဒီး ကစၢ်ယွၤအကလူးတဖၣ်ဟဲလီၤဒီးက့ၤထီၣ်လၢ ပှၤကညီဖိခွါအအိၣ်န့ၣ်လီၤ.”

လံာ်ယိၤဟၣ် 11:40

ယ့ၣ်ၡူးစံးဘၣ်အီၤ, “မ့ၢ်ယတတဲဘၣ်လံနၤလၢနမ့ၢ်နာ်တၢ်ဒီး နကထံၣ်ဘၣ်ကစၢ်ယွၤအလၤကပီၤန့ၣ်ဘၣ်ဧါ.”

လံာ်ယိၤဟၣ် 20:29

ယ့ၣ်ၡူးစံးဘၣ်အီၤ, “မ့ၢ်နထံၣ်ဘၣ်ယၤအဃိနနာ် တၢ်ဧါ. ပှၤလၢအတထံၣ်ဘၣ်ယၤသနာ်က့နာ်တၢ်တဖၣ်န့ၣ်, ဘၣ်ဆိၣ်ဂ့ၤဝဲလီၤ.”