လံာ်ယိၤဟၣ် 1:48 - Sgaw Karen Common Bible

⁴⁸ ဒီးစီၤနၤသန့လးသံကွၢ်အီၤ, “နသ့ၣ်ညါယၤဒ်လဲၣ်.” ယ့ၣ်ၡူးစံးဆၢအီၤ, “ယထံၣ်နၤဖဲနအိၣ်လၢချၢၣ်ဒၢအခီၣ်ထံး တချုးစီၤဖံလံးပူးကိးန့ၢ်နၤဒံးဘၣ်န့ၣ်လီၤ.”

လံာ်ယိၤဟၣ် 1:48 Iomraidhean Croise

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်မးသဲ 6:6

ဘၣ်ဆၣ်တုၤသုဘါထုကဖၣ်ယွၤဒီး က့ၤနုာ်လၢသုဒၢးပူၤ, ကးတံာ်ဃာ်သုတြဲၤဒီးဘါထုကဖၣ်တၢ်ဆူသုပၢ်လၢပှၤတထံၣ်အီၤ တဂၤအအိၣ်ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

လံာ်ယိၤဟၣ် 1:44

(စီၤဖံလံးပူးမ့ၢ်ပှၤဘၣ်ဃးဒီးဝ့ၢ်ဘ့ၤသစဲဒၤ, ဝ့ၢ်လၢစီၤအၣ်ဒရ့းဒီးစီၤပ့းတရူးအိၣ်လၢအပူၤန့ၣ်လီၤ.)

လံာ်ယိၤဟၣ် 12:21

အဝဲသ့ၣ်လဲၤဆူစီၤဖံလံးပူး (ပှၤဝ့ၢ်ဘ့ၤသစဲဒၤဖိလၢကီၢ်ကၤလံၤလါ) အအိၣ်ဒီးစံးဘၣ်အီၤ, “တၢ်ဒိၣ်ဧၢ, ပသးအိၣ်ထံၣ်ဘၣ်ယ့ၣ်ၡူးလီၤ.”

လံာ်ယိၤဟၣ် 14:8

စီၤဖံလံးပူးစံးဘၣ်ယ့ၣ်ၡူး, “ကစၢ်ဧၢ, ဒုးထံၣ်ပှၤလၢပၢ်ဒီးပကသူၣ်မံသးမံန့ၣ်လီၤ.”

လံာ်ယိၤဟၣ် 2:25

ဒီးအလီၢ်တအိၣ်လၢပှၤတဂၤဂ့ၤတဂၤဂ့ၤကစံးဘၣ်တဲဘၣ် အီၤလၢပှၤကညီအဂ့ၢ်န့ၣ်ဘၣ်. အဂ့ၢ်ဒ်အံၤ, အနီၢ်ကစၢ်ဒၣ်ဝဲသ့ၣ်ညါတၢ်လၢအအိၣ်လၢ ပှၤကညီအသးကံၢ်ပူၤန့ၣ်လီၤ.

လံာ်ယိၤဟၣ် 6:5

ယ့ၣ်ၡူးကွၢ်တရံးတၢ်ဝးဝးဒီးထံၣ်ဘၣ်ပှၤဂီၢ်မုၢ်ဖးဒိၣ် ဟဲဆူအအိၣ်ဒီးစံးဘၣ်စီၤဖံလံးပူး, “တၢ်အီၣ်လၢအကလၢဝဲလၢပှၤဂီၢ်မုၢ်ခဲလၢာ်အံၤအဂီၢ်န့ၣ် ပပှ့ၤကန့ၢ်ဖဲလဲၣ်.”

လံာ်ယိၤဟၣ် 6:7

စီၤဖံလံးပူးစံးဆၢအီၤ, “လၢပှၤခဲလၢာ်ကအီၣ်ဘၣ်တၢ်ထဲ တဂၤတစဲးဖိဒၣ်လဲာ်, စ့ကလၢာ်အါန့ၢ်ဒံးဒန့ၤရံခံကယၤ လၢတၢ်ပှ့ၤန့ၢ်ကိၣ်အဂီၢ်လီၤ.

1 ကရံၣ်သူး 14:25

အဝဲဒၣ်အတၢ်ဆိကမိၣ်ခူသူၣ်တဖၣ်ကဘၣ်တၢ်ဒုးအိၣ်ဖျါထီၣ်အီၤလၢ ခိ, ဒီးအဝဲဒၣ်ကသကူးလီၤအသးဒီးဘူၣ်ထီၣ်ဘါထီၣ်ယွၤဒီးအၢၣ်လီၤ အီလီၤဝဲ, “ကစၢ်ယွၤအိၣ်မးဝဲဖဲအံၤလၢသုသိးသုကျါနီၢ်နီၢ်လီၤ.”

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.