လံာ်ယိၤဟၣ် 1:45 - Sgaw Karen Common Bible

⁴⁵ စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”

လံာ်ယိၤဟၣ် 1:45 Iomraidhean Croise

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 2:23

ဒီးအိၣ်ဆိးဝဲလၢဝ့ၢ်နစၤရ့းလီၤ. လၢကျဲဒ်အံၤ ဝံတဖၣ်အတၢ်ကတိၤလၢ အစံး, “ခရံာ်ကဘၣ်တၢ်ကိးအီၤလၢပှၤနစၤရ့းဖိ” န့ၣ်လၢထီၣ်ပှဲၤထီၣ်ဝဲလီၤ.

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မၢ်ကူး 14:67

တုၤအထံၣ်စီၤပ့းတရူးဆူးမ့ၣ်အူန့ၣ်ဒီး, ကွၢ်ထံကွၢ်ဆးအီၤဒီးစံးဝဲ, “နဲစ့ၢ်ကီး, နမ့ၢ်တ့ၢ်ပှၤအိၣ်တပူၤဃီဒီးပှၤနစၤရ့းဖိယ့ၣ်ၡူးန့ၣ်လီၤ.”

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 18:37

အဝဲသ့ၣ်စံးဘၣ်အီၤ, “ပှၤနစၤရ့းဖိယ့ၣ်ၡူးဟဲခီဂာ်ဖဲအံၤလီၤ.”

လံာ်လူၤကၣ် 2:4

စီၤယိၤသးဟးထီၣ်ဝဲဖဲဝ့ၢ်နစၤရ့းလၢကီၢ်ကၤလံၤလါ, ဒီးလဲၤဝဲဆူဝ့ၢ်ဘ့ၤသလ့ဃ့ၣ်လၢကီၢ်ယူဒၤ, ဝ့ၢ်လၢအမ့ၢ်ဝဲစီၤပၤဒၤဝံးအိၣ်ဖျဲၣ်ထီၣ်အလီၢ်လီၤ. စီၤယိၤသးလဲၤဝဲဖဲန့ၣ်, မ့ၢ်လၢအဝဲမ့ၢ်စီၤဒၤဝံးအစၢၤအသွဲၣ်တဂၤအဃိန့ၣ်လီၤ.

လံာ်လူၤကၣ် 2:48

အဝဲဒၣ်အမိၢ်အပၢ်တဖၣ်ကမၢကမၣ်ဝဲဖဲအထံၣ်ဘၣ်အီၤဒီး အမိၢ်စံးဘၣ်အီၤ, “ဖိခွါဧၢ, နမၤပှၤဒ်သိးအံၤဘၣ်မနုၤအဃိလဲၣ်. နပၢ်ဒီးယၤပလူၤဃုတ့ၢ်နၤလၢတၢ်သူၣ်ကိၢ်သးဂီၤအပူၤလီၤ.”

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 3:23

ဖဲယ့ၣ်ၡူးစးထီၣ်အတၢ်ဖံးတၢ်မၤန့ၣ်, အဝဲအသးအိၣ်သၢဆံဃၣ်ဃၣ်လီၤ. ပှၤအတၢ်ဆိကမိၣ်အိၣ်ဝဲဒၣ်လၢအမ့ၢ် စီၤယိၤသးလၢအဘၣ်တၢ်ထီၣ်ဖိအီၤလၢစီၤဟ့ၤလံတဂၤန့ၣ်အဖိခွါလီၤ.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်ယိၤဟၣ် 1:44

(စီၤဖံလံးပူးမ့ၢ်ပှၤဘၣ်ဃးဒီးဝ့ၢ်ဘ့ၤသစဲဒၤ, ဝ့ၢ်လၢစီၤအၣ်ဒရ့းဒီးစီၤပ့းတရူးအိၣ်လၢအပူၤန့ၣ်လီၤ.)

လံာ်ယိၤဟၣ် 12:21

အဝဲသ့ၣ်လဲၤဆူစီၤဖံလံးပူး (ပှၤဝ့ၢ်ဘ့ၤသစဲဒၤဖိလၢကီၢ်ကၤလံၤလါ) အအိၣ်ဒီးစံးဘၣ်အီၤ, “တၢ်ဒိၣ်ဧၢ, ပသးအိၣ်ထံၣ်ဘၣ်ယ့ၣ်ၡူးလီၤ.”

လံာ်ယိၤဟၣ် 14:8

စီၤဖံလံးပူးစံးဘၣ်ယ့ၣ်ၡူး, “ကစၢ်ဧၢ, ဒုးထံၣ်ပှၤလၢပၢ်ဒီးပကသူၣ်မံသးမံန့ၣ်လီၤ.”

လံာ်ယိၤဟၣ် 18:5

အဝဲသ့ၣ်စံးဆၢဝဲ, “ပှၤနစၤရ့းဖိယ့ၣ်ၡူးန့ၣ်လီၤ.” ဒီးယ့ၣ်ၡူးစံးဘၣ်အီၤ, “ယမ့ၢ်ပှၤအဝဲန့ၣ်လီၤ.” စီၤယူဒၤလၢအကဟ့ၣ်လီၤကွံာ်အီၤန့ၣ်, အိၣ်ဆၢထၢၣ်ဖဲန့ၣ်ဃုာ်ဒီးပှၤတဖၣ်န့ၣ်လီၤ.

လံာ်ယိၤဟၣ် 18:7

ယ့ၣ်ၡူးသံကွၢ်ကဒီးအဝဲသ့ၣ်, “သုဃုမတၤတဂၤန့ၣ်လဲၣ်.” ဒီးအဝဲသ့ၣ်စံးဝဲ, “ပှၤနစၤရ့းဖိယ့ၣ်ၡူးန့ၣ်လီၤ.”

လံာ်ယိၤဟၣ် 19:19

စီၤပံၤလးကွဲးလံာ်ဘိးဘၣ်သ့ၣ်ညါလၢအစံးဝဲ, “ပှၤနစၤရ့းဖိ ယ့ၣ်ၡူး, ပှၤယူဒၤဖိတဖၣ်အစီၤပၤ,” ဒီးမၢပှၤပာ်ထီၣ်အီၤလၢထူၣ်စုညါအလိၤန့ၣ်လီၤ.

လံာ်ယိၤဟၣ် 21:2

စီၤၡံမိၣ်ပ့းတရူး, စီၤသိၤမါ (လၢတၢ်ကိးအီၤလၢပှၤသဃံာ်), စီၤနၤသန့လး (ပှၤဝ့ၢ်ကၤနါဖိလၢကီၢ်ကၤလံၤလါ), စီၤစ့းဘ့းဒဲ အဖိခွါခံဂၤ, ဒီးယ့ၣ်ၡူးအပျဲၢ်အဘီၣ်အဂၤခံဂၤ, ဒီးအဝဲသ့ၣ်ခဲလၢာ်န့ၣ်အိၣ်ဝဲတပူၤဃီလီၤ.

လံာ်ယိၤဟၣ် 6:42

အဝဲသ့ၣ်စံးဝဲ, “ပှၤတဂၤအံၤမ့ၢ်စီၤယိၤသးအဖိခွါယ့ၣ်ၡူး, တမ့ၢ်ဘၣ်ဧါ. ပသ့ၣ်ညါအမိၢ်ဒီးအပၢ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိအဝဲစံးဝဲခဲအံၤလၢအဟဲလီၤလၢမူခိၣ်န့ၣ်လဲၣ်.”

လံာ်ယိၤဟၣ် 6:5

ယ့ၣ်ၡူးကွၢ်တရံးတၢ်ဝးဝးဒီးထံၣ်ဘၣ်ပှၤဂီၢ်မုၢ်ဖးဒိၣ် ဟဲဆူအအိၣ်ဒီးစံးဘၣ်စီၤဖံလံးပူး, “တၢ်အီၣ်လၢအကလၢဝဲလၢပှၤဂီၢ်မုၢ်ခဲလၢာ်အံၤအဂီၢ်န့ၣ် ပပှ့ၤကန့ၢ်ဖဲလဲၣ်.”

လံာ်ယိၤဟၣ် 6:7

စီၤဖံလံးပူးစံးဆၢအီၤ, “လၢပှၤခဲလၢာ်ကအီၣ်ဘၣ်တၢ်ထဲ တဂၤတစဲးဖိဒၣ်လဲာ်, စ့ကလၢာ်အါန့ၢ်ဒံးဒန့ၤရံခံကယၤ လၢတၢ်ပှ့ၤန့ၢ်ကိၣ်အဂီၢ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

မၤတၢ် 22:8

“နမ့ၢ်မတၤလဲၣ်ကစၢ်ဧၢ,” ယသံကွၢ်ယဲ, “ယမ့ၢ်ပှၤနစၤရ့းဖိယ့ၣ်ၡူးလၢနမၤအၢမၤနးအီၤတဂၤန့ၣ် လီၤ.” အဝဲဒၣ်စံးဆၢယၤ.

မၤတၢ် 26:9

ယနီၢ်ကစၢ်ဒၣ်ယဲယဆိကမိၣ်တ့ၢ်လၢယကဘၣ်ဂုာ်ကျဲးစၢးထီဒါ ပှၤနစၤရ့းဖိယ့ၣ်ၡူးအမံၤဖဲတၢ်သ့အိၣ်ဒီးယၤန့ၣ်လီၤ.

မၤတၢ် 3:6

ဘၣ်ဆၣ်စီၤပ့းတရူးစံးဘၣ်အီၤ, “ယကျိၣ်ယစ့တအိၣ်နီတဘ့ၣ် ဘၣ်. မ့မ့ၢ်ယဟ့ၣ်နၤတၢ်လၢအအိၣ်ဒီးယၤန့ၣ်လီၤ. လၢပှၤနစၤရ့းဖိယ့ၣ်ၡူးခရံာ်အမံၤန့ၣ်ယမၤလိာ်နၤ, ဂဲၤဆၢထၢၣ်ဒီးဟးတက့ၢ်.”