လံာ်ယိၤဟၣ် 1:41 - Sgaw Karen Common Bible

⁴¹ အဝဲဃုဒၣ်ထံၣ်န့ၢ်ဆိအဒီပုၢ်ဝဲၢ်စီၤၡံမိၣ်ဒီးစံးဘၣ်အီၤ, “ပထံၣ်န့ၢ်လံမ့းၡံအၤန့ၣ်လံ.” (အခီပညီမ့ၢ်ခရံာ်န့ၣ်လီၤ.)

လံာ်ယိၤဟၣ် 1:41 Iomraidhean Croise

လံာ်စီၤပၤခံဘ့ၣ်တဘ့ၣ် 7:9

ဘၣ်ဆၣ်ဒီးအဝဲသ့ၣ်စံးလိာ်အသးတဂၤဒီးတဂၤ, “ပတကြၢးမၤတၢ်ဒ်အံၤဘၣ်. ပအိၣ်ဒီးတၢ်ကစီၣ်လၢအဂ့ၤဒီးပတ ကြၢးပာ်ခူသူၣ်အီၤလၢပဂီၢ်ဒၣ်ပဝဲဘၣ်. ပမ့ၢ်ခိးတုၤမုၢ်ဆ့ၣ်ထီၣ်လၢပကတဲတၢ်ဂ့ၢ်အံၤန့ၣ်ပကဘၣ်တၢ်စံၣ် ညီၣ်သပှၢ်ကတၢၢ်န့ၣ်လီၤ. မ်ပလဲၤသကိးခဲအံၤဒီးတဲဘၣ်စီၤပၤအသုးခိၣ်သုးနၢ်တဖၣ်န့ၣ် တက့ၢ်.”

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 45:7

နအဲၣ်တၢ်လၢအမ့ၢ်ဝဲတီဝဲ ဒီးသးဟ့တၢ်အၢတၢ်သီန့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤ, ဃုထၢတ့ၢ်နၤ ဒီးလူလီၤတၢ်သးဖှံလၢနလိၤ အါန့ၢ်စီၤပၤအဂၤတက့ၢ်န့ၣ်လီၤ.

စံးထီၣ်ပတြၢၤ 89:20

ယထံၣ်န့ၢ်ယခ့ယပှၤစီၤဒၤဝံး, ယဖှူအီၤလၢယသိစီဆှံ,

လံာ်ယၡါယၤ 11:2

ယွၤအသးကဟ့ၣ်အီၤတၢ်ကူၣ်သ့, ဒီးတၢ်သ့ၣ်ညါဒီးတၢ်သ့တၢ်ဘၣ်လၢကပၢအပှၤဂီၢ်မုၢ်အဂီၢ်လီၤ. အဝဲကသ့ၣ်ညါယွၤအတၢ်ဘၣ် အသးဒီးကအိၣ်ဒီးတၢ်ယူးယီၣ်ပျံၤအီၤ,

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်လူၤကၣ် 2:17

ဖဲပှၤကွၢ်သိတဖၣ်ထံၣ်ဘၣ်အီၤန့ၣ်, အဝဲသ့ၣ်ဒုးဟူထီၣ်သါလီၤတၢ်ဂ့ၢ် လၢကလူးစံးဘၣ်တဲဘၣ်တ့ၢ်အဝဲသ့ၣ်ဘၣ်ဃးဒီးဖိသၣ်တဂၤန့ၣ်လီၤ.

လံာ်လူၤကၣ် 2:38

ဖဲအနၣ်ရံၣ်တကတီၢ်ဃီအဝဲန့ၣ်, အဝဲဒၣ်ဟဲတုၤဒီးစံးထီၣ်ပတြၢၤယွၤ, ဒီးကတိၤတၢ်ဘၣ်ဃးဖိသၣ်တဂၤန့ၣ်အဂ့ၢ် လၢပှၤကိးဂၤဒဲးလၢအအိၣ်ခိးကစၢ်ယွၤ အကဒုးထူၣ်ဖျဲးထီၣ်ကွံာ်ဝ့ၢ်ယရူၤၡလ့ၣ်န့ၣ်လီၤ.

လံာ်ယိၤဟၣ် 1:45

စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”

လံာ်ယိၤဟၣ် 4:25

ပိာ်မုၣ်န့ၣ်စံးဘၣ်အီၤ, “ယသ့ၣ်ညါလၢမ့းၡံအၤ, လၢအမ့ၢ်ခရံာ်န့ၣ်ကဟဲဝဲ, ဒီးတုၤအဟဲဝဲဒီးကစံးဘၣ်တဲဘၣ် ပှၤလၢတၢ်ခဲလၢာ်န့ၣ်လီၤ.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.