လံာ်ယိၤဟၣ် 1:34 - Sgaw Karen Common Bible

³⁴ ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 1:34 Iomraidhean Croise

စံးထီၣ်ပတြၢၤ 2:7

စီၤပၤစံးဝဲ, “ယကစံးကတိၤ ယွၤအတၢ်မၤလိာ်န့ၣ်လီၤ. အဝဲစံးဘၣ်ယၤ, နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤယကဲထီၣ်နပၢ်လံ.

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 16:16

စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မးသဲ 27:40

“နသါကမၤလီၤပှီၢ်ကွံာ်တၢ်လုၢ်ဟံၣ်ဒီးဘှီထီၣ်က့ၤအီၤလၢ သၢသီအတီၢ်ပူၤဘၣ်. နမ့မ့ၢ်ကစၢ်ယွၤအဖိခွါဒီး, မၤပူၤဖျဲးက့ၤနသးဒၣ်နဲတက့ၢ်. ဟဲက့ၤလီၤလၢထူၣ်စုညါအလိၤတက့ၢ်.”

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မးသဲ 4:3

အန့ၣ်တဘျီမုၣ်ကီၤလံၢ်ဟဲဝဲဒီးစံးဘၣ်အီၤ, “နမ့မ့ၢ်ကစၢ်ယွၤအဖိခွါဒီးခါလီၤနကလုၢ်လၢလၢၢ်သ့ၣ်တဖၣ် အံၤကကဲထီၣ်လၢကိၣ်အလိၣ်တဖၣ်တက့ၢ်.”

လံာ်မးသဲ 4:6

ဒီးစံးဝဲဒၣ်, “နမ့မ့ၢ်ကစၢ်ယွၤအဖိခွါန့ၣ်တ့ၢ်လီၤနသးတက့ၢ်. အဂ့ၢ်ဒ်အံၤ တၢ်ကွဲးအသးစံးဝဲ, ‘ကစၢ်ယွၤကမၤလိာ်အကလူးတဖၣ်လၢ ကသူၣ်ဒဲဝးတရံးနၤ ဒီးလၢအကစိာ်ထီၣ်နၤလၢအစုလိၤ, ဒ်သိးနခီၣ်ဒၣ်လဲာ်အသုတဘၣ်တိၢ်ဘၣ်ထံးဒီးလၢၢ်တဖၣ်တဂ့ၤ န့ၣ်လီၤ’ ” (စံး. ၉၁:၁၁-၁၂).

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်မၢ်ကူး 1:1

လံာ်တၢ်သးခုအကစီၣ်ဘၣ်ဃးယ့ၣ်ၡူးခရံာ်, ကစၢ်ယွၤအဖိခွါန့ၣ်အခီၣ်ထံးမ့ၢ်ဒ်အံၤလီၤ.

လံာ်မၢ်ကူး 1:11

ဒီးတၢ်ကလုၢ်သီၣ်ထီၣ်လၢမူခိၣ်လၢအစံးဝဲ, “နဲဒၣ်အံၤနမ့ၢ်ယဖိခွါလၢယအဲၣ်အီၤဒီးဘၣ်သူၣ်ဘၣ်သးယၤဒိၣ်မး တဂၤလီၤ.”

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 3:22

ဒီးသးစီဆှံဟဲလီၤလၢအလိၤအိၣ်ဒီးနီၢ်ခိအက့ၢ်အဂီၤဒ်ထိၣ်လွံၢ် တဘ့ၣ်အသိးန့ၣ်လီၤ. ဒီးတၢ်ကလုၢ်သီၣ်လီၤလၢမူခိၣ်ဒီးစံးဝဲ, “နဲဒၣ်အံၤနမ့ၢ်ယဖိခွါဒၣ်ယဲလၢယအဲၣ်အီၤတဂၤလီၤ. ယဘၣ်သူၣ်ဘၣ်သးနၤဒိၣ်မးလီၤ.”

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.

လံာ်ယိၤဟၣ် 11:27

နီၢ်မၢ်သၤစံးဆၢအီၤ, “မ့ၢ်ကစၢ်ဧၢ, ယနာ်လၢနမ့ၢ်ခရံာ်, ကစၢ်ယွၤအဖိခွါလၢအကဟဲလီၤဆူဟီၣ်ခိၣ်ချၢအံၤန့ၣ်လီၤ.”

လံာ်ယိၤဟၣ် 19:7

အန့ၣ်ဒီး, ပှၤယူဒၤဖိတဖၣ်စံးဆၢတၢ်ဒီးစံးဝဲ, “မ့ၢ်လၢအဝဲစံးလီၤ အသးလၢအမ့ၢ်ကစၢ်ယွၤအဖိခွါအဃိဒီး, ဒ်ပတၢ်သိၣ်တၢ်သီတထံၣ်အိၣ်ဝဲအသိး, အဝဲကြၢးသံဝဲဒၣ်န့ၣ်လီၤ.”

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

၂ ကရံၣ်သူး 1:19

အဂ့ၢ်ဒ်အံၤယ့ၣ်ၡူးခရံာ်, ကစၢ်ယွၤအဖိခွါတဂၤ, လၢအဘၣ်တၢ်စံၣ်တဲၤတဲလီၤအဂ့ၢ်လၢသုသိးသုကျါလၢစီၤစံလၤ, စီၤတံၤမသ့းဒီးယနီၢ်ကစၢ်ဒၣ်ယဲန့ၣ်တမ့ၢ် ပှၤတဂၤလၢ အ “မ့ၢ်” ဒီး “တမ့ၢ်” လၢတဘျီဃီအတီၢ် ပူၤဘၣ်. အခိၣ်တလိာ်, အဝဲဒၣ်မ့ၢ်ဝဲယွၤအ “မ့ၢ်” န့ၣ်လီၤ.

ဧ့ၤဘြံၤ 7:3

တၢ်ကွဲးနီၣ်ကွဲးဃါဘၣ်ဃးဒီးအမိၢ်မ့ၢ်ဂ့ၤအပၢ်မ့ၢ်ဂ့ၤ အတၢ်ဟဲလီၤစၢၤလီၤသွဲၣ်မ့ၢ်ဂ့ၤအတၢ်အိၣ်ဖျဲၣ်မ့ၢ်ဂ့ၤ အတၢ်သံမ့ၢ်ဂ့ၤတအိၣ်ဘၣ်. အဝဲလီၤဂာ်ကစၢ်ယွၤအဖိခွါဒီးမ့ၢ်ဝဲပှၤလုၢ်တၢ်အခိၣ် တဂၤအစိၤစိၤအဃၣ်ဃၣ်လီၤ.

၁ ယိၤဟၣ် 2:23

အဂ့ၢ်ဒ်လဲၣ်န့ၣ်, ပှၤလၢအညိကွံာ်ဖိခွါကစၢ်န့ၣ်ညိကွံာ်စ့ၢ်ကီး ပၢ်ကစၢ်လီၤ. ပှၤလၢအတူၢ်လိာ်ဖိခွါကစၢ်န့ၣ်, ဒိးန့ၢ်စ့ၢ်ကီးပၢ်ကစၢ်န့ၣ်လီၤ.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

၁ ယိၤဟၣ် 4:9

ကစၢ်ယွၤဒုးနဲၣ်တ့ၢ်အတၢ်အဲၣ်တၢ်ကွံလၢပှၤ, ဖဲအမၢလီၤအဖိခွါထဲတဂၤဧိၤဆူဟီၣ်ခိၣ်ချၢဒ်သိး ပကဒိးန့ၢ်ဘၣ်တၢ်မူခီဖျိအီၤန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

၂ ယိၤဟၣ် 1:9

ပှၤတဂၤဂ့ၤတဂၤဂ့ၤလၢအတအိၣ်ဆိးဘၣ်လၢခရံာ်အတၢ် သိၣ်လိသီလိအပူၤ, ဒီးလဲၤခါပတာ်ကွံာ်အီၤန့ၣ်, ကစၢ်ယွၤတအိၣ်ဒီးအီၤဘၣ်. မတၤတဂၤဂ့ၤတဂၤဂ့ၤလၢအအိၣ်ဆိးဒီးအတၢ်သိၣ်လိသီလိန့ၣ်, ပၢ်ဒီးဖိခံဂၤလၢာ်အိၣ်ဒီးအီၤလီၤ.

လံာ်လီၣ်ဖျါ 2:18

ဆူဝ့ၢ်သူၤအတံရၤတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ “အဝဲအံၤမ့ၢ်တၢ်ကစီၣ်ဟဲလၢကစၢ်ယွၤအဖိခွါ, လၢအမဲာ်ချံတဖၣ်ကဲၤကပီၤဝဲဒ်မ့ၣ်အူအသိး, လၢအခီၣ်လၣ်တဖၣ်ကပြုၢ်ကပြီၤဝဲဒ်တိၢ်ဘီလၢအဘၣ် တၢ်ထူးဘျ့ကတြ့ၣ်အီၤအသိးအအိၣ်န့ၣ်လီၤ.