လံာ်ယိၤဟၣ် 1:27 - Sgaw Karen Common Bible

²⁷ အဝဲဒၣ်ကဟဲလၢယလီၢ်ခံဒီးထဲယကဃ့ၣ်လီၤအခီၣ်ဖံးအပျံၤဒၣ် လဲာ်န့ၣ်, ယတကြၢးတဘၣ်ယဲဘၣ်.”

လံာ်ယိၤဟၣ် 1:27 Iomraidhean Croise

လံာ်တၢ်ကဲထီၣ်အခီၣ်ထံး 14:23

လၢယတဟံးဃာ်တၢ်ဘၣ်ဃးဒီးနၤနီတမံၤထဲလုၣ်တဘိမ့ၢ်ဂ့ၤထဲ ခီၣ်ဖံးပျံၤတဘိမ့ၢ်ဂ့ၤန့ၣ်ဒၣ်လဲာ်ဘၣ်. ဒီးနစံးလၢ “ယမ့ၢ်ပှၤလၢအဒုးထူးထီၣ်တီၤထီၣ်စီၤအၤဘြၣ်” န့ၣ်တသ့နီတစုဘၣ်.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မၢ်ကူး 1:7

အဝဲစံၣ်တဲၤတဲလီၤတၢ်ဒီးစံးဝဲ, “ပှၤလၢအကဟဲလၢယလီၢ်ခံတဂၤန့ၣ် မ့ၢ်ပှၤအိၣ်ဒီးအစိကမီၤဒိၣ်န့ၢ်ယၤတက့ၢ်လီၤ. ထဲယကသကူးလီၤယသးဒီးဃ့ၣ်လီၤအခီၣ်ဖံးအပျံၤဒၣ်လဲာ်န့ၣ် ယတကြၢးဘၣ်.

လံာ်လူၤကၣ် 3:16

လၢတၢ်န့ၣ်အဃိ, စီၤယိၤဟၣ်စံးဘၣ်အဝဲသ့ၣ်ကိးဂၤဒဲး, “ယဲဒၣ်အံၤ, ယဘျၢသုလၢထံလီၤ. မ့မ့ၢ်ပှၤဟဲဝဲတဂၤလၢအဒိၣ်န့ၢ်ဒံးယၤစၢၢ်တလၢၢ်လီၤ. ယတကြၢးတဘၣ်ဒၣ်လဲာ်လၢယကဃ့ၣ်လီၤန့ၢ်အဝဲဒၣ် အခီၣ်ဖံးပျံၤအဂီၢ်န့ၣ်ဘၣ်. အဝဲဒၣ်ကဘျၢသုလၢသးစီဆှံဒီးလၢမ့ၣ်အူန့ၣ်လီၤ.

လံာ်ယိၤဟၣ် 1:15

စီၤယိၤဟၣ်အုၣ်အသးလၢအဂ့ၢ်ဒီးကိးသတြီထီၣ်ဝဲ, “ပှၤတဂၤအံၤမ့ၢ်ပှၤလၢယစံးဘၣ်တဲဘၣ်သုလၢအဂ့ၢ်လၢ, ‘အဝဲဒၣ်ဟဲလၢယလီၢ်ခံဘၣ်ဆၣ်ဒိၣ်န့ၢ်ယၤတက့ၢ် မ့ၢ်လၢအဝဲအိၣ်တ့ၢ်ဝဲတချုးယအိၣ်ဖျဲၣ်ထီၣ်ဒံးဘၣ်န့ၣ်လီၤ.’ ”

လံာ်ယိၤဟၣ် 1:30

အဝဲတဂၤအံၤမ့ၢ်ပှၤလၢယကတိၤတ့ၢ်လံလၢအဂ့ၢ်ဖဲယစံး, ‘ပှၤကဟဲလၢယလီၢ်ခံတဂၤ, ဘၣ်ဆၣ်အဝဲဒၣ်ဒိၣ်န့ၢ်ယၤတက့ၢ် မ့ၢ်လၢအဝဲအိၣ်တ့ၢ်ဝဲတချုးယအိၣ်ဖျဲၣ်ထီၣ်ဒံးဘၣ်န့ၣ်လီၤ.’

လံာ်ယိၤဟၣ် 10:41

ဒီးပှၤဟဲအါဂၤဆူအအိၣ်ဒီးအဝဲသ့ၣ်စံးဝဲ, “စီၤယိၤဟၣ်တမၤတၢ်လီၤလးနီတမံၤဘၣ်. ဘၣ်ဆၣ်ကယဲၢ်တၢ်လၢအဝဲစံးဝဲဘၣ်ဃးပှၤတဂၤအံၤအဂ့ၢ် အကျိၤန့ၣ်, မ့ၢ်ဝဲတီဝဲခဲလၢာ်လီၤ.”

မၤတၢ် 13:25

ဒီးဖဲစီၤယိၤဟၣ်မၤအတၢ်မၤဘူးကဝံၤန့ၣ်, အဝဲစံးဘၣ်ပှၤဂီၢ်မုၢ်တဖၣ်, ‘သုဆိကမိၣ်ယမ့ၢ်မတၤလဲၣ်. ယတမ့ၢ်ပှၤတဂၤဃီလၢသုအိၣ်ခိးကွၢ်လၢ်အကျဲန့ၣ်ဘၣ်. အဝဲဒၣ်ကဟဲလၢယလီၢ်ခံ, ဒီးယကဘ့ၣ်လီၤအခီၣ်ဖံးအဂီၢ်ဒၣ်လဲာ်န့ၣ် ယတကြၢးတဘၣ်ယဲဘၣ်.’

မၤတၢ် 19:4

စီၤပီလူးစံးဝဲ, “စီၤယိၤဟၣ်အတၢ်ဘျၢန့ၣ်မ့ၢ်တၢ်ဒိးဘျၢ လၢပှၤပီၢ်ယၢ်လီၤက့ၤအသးတဖၣ်အဂီၢ်လီၤ. ဒီးအဝဲဒၣ်တဲဘၣ်ပှၤအံၣ်စရ့လးဖိသ့ၣ်တဖၣ်လၢအကစူၢ် က့ၤနာ်က့ၤပှၤတဂၤလၢအဟဲလၢအလီၢ်ခံ, လၢအမ့ၢ်ယ့ၣ်ၡူးန့ၣ်လီၤ.”