လံာ်ယိၤဟၣ် 1:19 - Sgaw Karen Common Bible

¹⁹ ဖဲပှၤယူဒၤဖိအခိၣ်အနၢ်လၢယရူၤၡလ့ၣ်တဖၣ် မၢလီၤပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ဆူ စီၤယိၤဟၣ်အအိၣ်ဒ်သိးကသံကွၢ်အီၤ, “နမ့ၢ်မတၤလဲၣ်.” န့ၣ်ဒီး အဝဲအတၢ်အုၣ်အသးမ့ၢ်အအံၤန့ၣ်လီၤ.

လံာ်ယိၤဟၣ် 1:19 Iomraidhean Croise

လံာ်ယိၤဟၣ် 1:7

အဝဲဒၣ်ဟဲလၢကအုၣ်အသးလၢတၢ်ကပီၤအဂ့ၢ်ဒ်သိး ပှၤခဲလၢာ်ကနၢ်ဟူဘၣ်ဒီးစူၢ်က့ၤနာ်က့ၤတၢ်ခီဖျိအီၤအဂီၢ်န့ၣ်လီၤ.

လံာ်ယိၤဟၣ် 10:24

ဖဲန့ၣ်အခါ, ပှၤယူဒၤဖိတဖၣ်ဟဲအိၣ်ဝးတရံးအီၤ ဒီးသံကွၢ်တၢ်ဒီးစံးဝဲ, “နကပာ်ပှၤလၢတၢ်သးဒ့ဒီအပူၤ ဆံးယံာ်လဲၣ်. နမ့မ့ၢ်ခရံာ်ဒီးတဲဘၣ်ပှၤဖျါဖျါတက့ၢ်.”

လံာ်ယိၤဟၣ် 10:31

အန့ၣ်ဒီးပှၤယူဒၤဖိတဖၣ်ထၢထီၣ်ကဒီးလၢၢ်လၢကကွံာ်အီၤ အဂီၢ်လီၤ.

လံာ်ယိၤဟၣ် 11:19

ဒီးပှၤယူဒၤဖိအါဂၤဟဲဆူနီၢ်မၢ်သၤဒီးနီၢ်မၤရံအအိၣ် ဒ်သိးကကတိၤမုာ်ထီၣ်က့ၤအသးလၢအဝဲသ့ၣ်အဒီပုၢ်ဝဲၢ်သံ အဃိန့ၣ်လီၤ.

လံာ်ယိၤဟၣ် 2:18

အန့ၣ်ဒီးပှၤယူဒၤဖိအခိၣ်အနၢ်တဖၣ်စံးဘၣ်အီၤ, “နမၤတၢ်လီၤလးမနုၤသ့လၢကဒုးနဲၣ်ပှၤလၢယွၤ ဟ့ၣ်နၤတၢ်အခွဲးအယာ်လၢနကမၤတၢ်အံၤန့ၣ်လဲၣ်.”

လံာ်ယိၤဟၣ် 2:20

အဝဲသ့ၣ်သံကွၢ်အီၤ, “နကသူၣ်ထီၣ်ကဒါက့ၤအီၤလၢသၢသီ အတီၢ်ပူၤန့ၣ်ဧါ. တၢ်လုၢ်ဟံၣ်အံၤတၢ်သူၣ်ထီၣ်အီၤယံာ်လွံၢ်ဆံဃု နံၣ်ညါန့ၣ်လီၤ.”

လံာ်ယိၤဟၣ် 5:10

တၢ်မၤအသးအံၤဘၣ်ဝဲလၢပှၤယူဒၤဖိအမုၢ်အိၣ်ဘှံးနံၤ အဃိ, ပှၤယူဒၤဖိအခိၣ်အနၢ်တဖၣ်စံးဘၣ်ပှၤလၢအဘျါက့ၤ တဂၤန့ၣ်, “တနံၤအံၤမ့ၢ်မုၢ်အိၣ်ဘှံးနံၤအဃိ, နဟးစိာ်နလီၢ် မံအံၤန့ၣ်ထီဒါပတၢ်သိၣ်တၢ်သီလီၤ.”

လံာ်ယိၤဟၣ် 5:15

အန့ၣ်ဒီး, ပှၤတဂၤန့ၣ်ဟးထီၣ်ကွံာ်ဝဲဒီးလဲၤစံးဘၣ်တဲဘၣ် ပှၤယူဒၤဖိအခိၣ်အနၢ်တဖၣ်လၢပှၤလၢအမၤဘျါက့ၤအီၤန့ၣ်မ့ၢ် ယ့ၣ်ၡူးန့ၣ်လီၤ.

လံာ်ယိၤဟၣ် 5:16

မၤသးဒ်န့ၣ်ဒီး, ပှၤယူဒၤဖိအခိၣ်အနၢ်တဖၣ်စးထီၣ်ထီဒုၣ်ထီဒါ ယ့ၣ်ၡူးမ့ၢ်လၢအဝဲမၤဘျါက့ၤပှၤဆါတဂၤအံၤလၢမုၢ်အိၣ်ဘှံးနံၤ အဃိန့ၣ်လီၤ.

လံာ်ယိၤဟၣ် 5:18

တၢ်ကတိၤအံၤမၤဆူၣ်မၤကိၤထီၣ်ပှၤယူဒၤဖိအခိၣ်အနၢ်တဖၣ် အသးအါန့ၢ်အလီၢ်လၢအကမၤသံကွံာ်ယ့ၣ်ၡူး, တမ့ၢ်ထဲလၢအဝဲလုၣ်သ့ၣ်ခါပတာ်မုၢ်အိၣ်ဘှံးနံၤတၢ်သိၣ် တၢ်သီဧိၤဘၣ်. မ့မ့ၢ်, မ့ၢ်လၢအဝဲစံးစ့ၢ်ကီးဝဲလၢ ကစၢ်ယွၤမ့ၢ်အပၢ်ဒၣ်ဝဲဒီးပာ်အသးထဲသိးဒီးယွၤအဃိ န့ၣ်လီၤ.

လံာ်ယိၤဟၣ် 6:41

မ့ၢ်လၢအစံးဝဲ, “ယဲဒၣ်အံၤယမ့ၢ်တၢ်မူအကိၣ်လၢအဟဲ လီၤလၢမူခိၣ်” အဃိဒီး, ပှၤယူဒၤဖိတဖၣ်ကဒူးကဒ့ၣ်တၢ်လၢ အလိၤလီၤ.

လံာ်ယိၤဟၣ် 6:52

တၢ်ဂ့ၢ်အံၤဒုးအိၣ်ထီၣ်တၢ်ဂ့ၢ်လိာ်ဘှီလိာ်ဖးဒိၣ်လၢပှၤယူဒၤဖိတဖၣ် အကျါန့ၣ်လီၤ. အဝဲသ့ၣ်သံကွၢ်တၢ်ဒီးစံး, “ပှၤတဂၤအံၤဟ့ၣ်အီၣ်ပှၤလၢအညၣ်ကသ့ဒ်လဲၣ်.”

လံာ်ယိၤဟၣ် 7:1

တၢ်အံၤဝံၤအလီၢ်ခံဒီး, ယ့ၣ်ၡူးဟးဝ့ၤဝီၤဝဲလၢကီၢ်ကၤလံၤလါ အပူၤလီၤ. မ့ၢ်လၢပှၤယူဒၤဖိအခိၣ်အနၢ်တဖၣ်ဃုမၤသံအီၤ အဃိ, အဝဲတသးအိၣ်ဟးဝ့ၤဝီၤလၢကီၢ်ယူဒၤအပူၤန့ၣ်ဘၣ်.

လံာ်ယိၤဟၣ် 7:11

ပှၤယူဒၤဖိအခိၣ်အနၢ်တဖၣ်လူၤဃုအီၤဖဲဘူၣ်ပူၤဒီးသံကွၢ် တၢ်ဒီးစံးဝဲ, “အဝဲအိၣ်ဖဲလဲၣ်.”

လံာ်ယိၤဟၣ် 7:15

ပှၤယူဒၤဖိအခိၣ်အနၢ်တဖၣ်ကမၢကမၣ်ဝဲဒိၣ်မးဒီးစံး, “ပှၤတဂၤအံၤတမၤလိဘၣ်တၢ်လၢပှၤယူဒၤဖိတၢ်သိၣ် တၢ်သီအသရၣ်ဒိၣ်တဖၣ်အစုပူၤသနာ်က့, သ့ၣ်ညါ တၢ်အါထဲအံၤညါန့ၣ်, ဟဲအသးဒ်လဲၣ်.”

လံာ်ယိၤဟၣ် 8:22

မၤသးဒ်န့ၣ်ဒီးပှၤယူဒၤဖိအခိၣ်အနၢ်တဖၣ်စံးဝဲ, “အဝဲစံးလၢတၢ်လီၢ်လၢအလဲၤဝဲန့ၣ်, ပလဲၤတသ့ဘၣ်. တၢ်အံၤအခီပညီမ့ၢ်အဝဲကမၤသံလီၤအသးန့ၣ်ဧါ.”

လံာ်ယိၤဟၣ် 8:48

ပှၤယူဒၤဖိတဖၣ်စံးဆၢတၢ်ဒီးစံးဘၣ်အီၤ, “ပစံးလၢနမ့ၢ် ပှၤၡၤမရံဖိတဂၤဒီးတၢ်နါအိၣ်လၢနပူၤန့ၣ်, မ့ၢ်အတဘၣ် ဘၣ်ဧါ.”

လံာ်ယိၤဟၣ် 8:52

အဝဲသ့ၣ်စံးဘၣ်အီၤ, “ခဲအံၤပသ့ၣ်ညါလီၤတံၢ်လၢတၢ်နါ အိၣ်လၢနပူၤလီၤ. စီၤအၤဘြၤဟၣ်သံလံ, ဒီးဝံတဖၣ်သံလံ. အန့ၣ်ဒၣ်လဲာ် နစံးလၢ ‘ပှၤလၢအတိၢ်န့ၢ်ယကလုၢ်ကထါန့ၣ် တသံနီတဘျီဘၣ်.’

လံာ်ယိၤဟၣ် 8:57

ပှၤယူဒၤဖိတဖၣ်စံးဘၣ်အီၤ, “နသးတအိၣ်အနံၣ်ယဲၢ်ဆံဒံးဘၣ်ဒီး မ့ၢ်နထံၣ်ဘၣ်စီၤအၤဘြၤဟၣ်လံဧါ.”

မၤတၢ် 13:25

ဒီးဖဲစီၤယိၤဟၣ်မၤအတၢ်မၤဘူးကဝံၤန့ၣ်, အဝဲစံးဘၣ်ပှၤဂီၢ်မုၢ်တဖၣ်, ‘သုဆိကမိၣ်ယမ့ၢ်မတၤလဲၣ်. ယတမ့ၢ်ပှၤတဂၤဃီလၢသုအိၣ်ခိးကွၢ်လၢ်အကျဲန့ၣ်ဘၣ်. အဝဲဒၣ်ကဟဲလၢယလီၢ်ခံ, ဒီးယကဘ့ၣ်လီၤအခီၣ်ဖံးအဂီၢ်ဒၣ်လဲာ်န့ၣ် ယတကြၢးတဘၣ်ယဲဘၣ်.’

မၤတၢ် 19:4

စီၤပီလူးစံးဝဲ, “စီၤယိၤဟၣ်အတၢ်ဘျၢန့ၣ်မ့ၢ်တၢ်ဒိးဘျၢ လၢပှၤပီၢ်ယၢ်လီၤက့ၤအသးတဖၣ်အဂီၢ်လီၤ. ဒီးအဝဲဒၣ်တဲဘၣ်ပှၤအံၣ်စရ့လးဖိသ့ၣ်တဖၣ်လၢအကစူၢ် က့ၤနာ်က့ၤပှၤတဂၤလၢအဟဲလၢအလီၢ်ခံ, လၢအမ့ၢ်ယ့ၣ်ၡူးန့ၣ်လီၤ.”

လံာ်သိၣ်လီၤသီလီၤတၢ် 24:8

ဖဲသုဘၣ်တၢ်ဆါအၢလီၤပျံၤတမံၤအခါန့ၣ်, မၤလီၤတံၢ်လၢသု ကမၤတၢ်လီၤတံၢ်လီၤဆဲးဒ်တၢ်လၢပှၤလ့ၤဝံဖိအပှၤလုၢ်တၢ်အခိၣ် တဖၣ်တဲဘၣ်သုန့ၣ်တက့ၢ်. ဒီးပိာ်ထွဲတၢ်သိၣ်လိနဲၣ်ယုၤတဖၣ် လၢယဟ့ၣ်လီၤတ့ၢ်အဝဲသ့ၣ်န့ၣ်တက့ၢ်.

၁ ယိၤဟၣ် 1:5

တၢ်ကစီၣ်လၢပနၢ်ဟူဘၣ်တ့ၢ်လံလၢအဖိခွါအအိၣ်ဒီးစံးဘၣ် တဲဘၣ်တ့ၢ်လံသုမ့ၢ်အအံၤ, ကစၢ်ယွၤမ့ၢ်တၢ်ကပီၤ ဒီးတၢ်ခံးတၢ်နၤတအိၣ်လၢအပူၤလ့ၤတက့ၤဘၣ်.