လံာ်ယိၤဟၣ် 1:13 - Sgaw Karen Common Bible

¹³ တၢ်အံၤမၤအသးတမ့ၢ်လၢအဝဲသ့ၣ်အိၣ်ဖျဲၣ်ထီၣ်လၢမိၢ်ပၢ် တဖၣ်, မ့တမ့ၢ်လၢတၢ်ဖံးတၢ်ညၣ်အသးအတၢ်ဆၢန့ၢ်, မ့တမ့ၢ်လၢပှၤကညီအသးန့ၣ်ဘၣ်. မ့မ့ၢ်ကဲထီၣ်ဝဲလၢ ကစၢ်ယွၤအသးန့ၣ်လီၤ.

လံာ်ယိၤဟၣ် 1:13 Iomraidhean Croise

လံာ်တၢ်ကဲထီၣ်အခီၣ်ထံး 25:22

နီၢ်ရံးဘကၤကန့ၢ်ဘၣ်အဖိအသဃံာ်ဒီးတချုးအဝဲသ့ၣ်အိၣ်ဖျဲၣ်ထီၣ် ဒံးဘၣ်န့ၣ်အဝဲသ့ၣ်ကနိလိာ်သးလၢအမိၢ်အဟၢဖၢပူၤန့ၣ်လီၤ. ဒီးပိာ်မုၣ်စံးဝဲ, “ဘၣ်မနုၤအဃိတၢ်ဒ်သိးအံၤမၤအသးဒီး ယၤန့ၣ်လဲၣ်.” မၤသးဒ်န့ၣ်ဒီးအဝဲလဲၤသံကွၢ် တၢ်လၢယွၤလၢတၢ်စံးဆၢတမံၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 25:28

ဒီးစီၤအံၤစဲးဘၣ်အသးလၢစီၤဧ့ၡီၤဒိၣ်တက့ၢ်လီၤ. အဂ့ၢ်ဒ်အံၤ, ဆၣ်ဖိကီၢ်ဖိလၢအဘၣ်တၢ်ခးန့ၢ်အီၤလၢစီၤဧ့ၡီၤ န့ၣ်အီၣ်ဝဲဘဲဒီးအသးမုာ်ဝဲန့ၣ်လီၤ. မ့မ့ၢ်နီၢ်ရံးဘကၤဘၣ်အသးဒိၣ်တက့ၢ်လၢစီၤယၤကိာ်လီၤ.

လံာ်တၢ်ကဲထီၣ်အခီၣ်ထံး 27:33

စီၤအံၤစဲးဖုးသံပျီၢ်ဂီၤဒီးကနိးကစုာ်ထီၣ်ဒီဂၤညါဒီး သံကွၢ်ဝဲ, “ပှၤလၢအမၤသံဆၣ်ဖိကီၢ်ဖိဒီးဟဲစိာ်ဆူယအိၣ်န့ၣ်မ့ၢ်မတၤ တဂၤလဲၣ်. ယအီၣ်တ့ၢ်လံတချုးနဟဲန့ၣ်လီၤ. ယဟ့ၣ်လံအီၤယတၢ်ဆိၣ်ဂ့ၤလၢခံကတၢၢ်ဒီးမ့ၢ်အတၢ်လီၤစိၤလီၤ ထီန့ၣ်လီၤ.”

လံာ်တၢ်ကဲထီၣ်အခီၣ်ထံး 27:4

ဒီးဖီန့ၢ်ယၤတၢ်အီၣ်အဝံၣ်အဘဲန့ၣ်လၢအဘၣ်ယသးဒီးဟဲစိာ်အီၤ ဆူယအိၣ်တက့ၢ်. ယအီၣ်တၢ်မ့ၢ်ဝံၤဒီးယကဟ့ၣ်နၤယတၢ်ဆိၣ်ဂ့ၤလၢခံကတၢၢ်တချုး ယသံဒံးဘၣ်န့ၣ်လီၤ.”

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်ယိၤဟၣ် 3:3

ယ့ၣ်ၡူးစံးဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ်ဒီး, ပှၤထံၣ်ဘၣ်ကစၢ်ယွၤအဘီအမုၢ်တသ့ဘၣ်.”

1 ကရံၣ်သူး 3:6

ယဲဒၣ်ယဖှံလီၤတၢ်ချံ, မ့မ့ၢ်စီၤအပီးလိၤလူတၢ်မုၢ်တၢ်ဘိလၢ အမဲထီၣ်န့ၣ်လၢထံ, ဘၣ်ဆၣ်ဒီး ပှၤလၢအဒုးဒိၣ်ထီၣ်တၢ်မုၢ်တၢ်ဘိန့ၣ် မ့ၢ်ကစၢ်ယွၤလီၤ.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

၁ ပ့းတရူး 1:3

မ်ပစံးဘျုးကစၢ်ယွၤ, ပကစၢ်ယ့ၣ်ၡူးခရံာ်အပၢ်န့ၣ်တက့ၢ်. မ့ၢ်လၢအတၢ်သးကညီၤဒိၣ်ဝဲအဃိ, အဝဲဟ့ၣ်လီၤပှၤတၢ်မူအသီခီဖျိအဒုးဂဲၤဆၢထၢၣ်က့ၤယ့ၣ်ၡူး ခရံာ်လၢတၢ်သံန့ၣ်လီၤ. တၢ်အံၤမၤပှဲၤပှၤဒီးတၢ်မုၢ်လၢ်အမူ,

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၁ ယိၤဟၣ် 3:9

မတၤတဂၤဂ့ၤတဂၤဂ့ၤလၢအမ့ၢ်ကစၢ်ယွၤအဖိန့ၣ်, တမၤလၢၤ တၢ်ဒဲးဘးဘၣ်. မ့ၢ်လၢကစၢ်ယွၤအန့ဆၢၣ်အိၣ်လၢအပူၤ အဃိလီၤ. ဒီးမ့ၢ်လၢကစၢ်ယွၤမ့ၢ်အဝဲဒၣ်အပၢ်အဃိ, အဝဲဒၣ်မၤတၢ်ဒဲးဘးတသ့လၢၤဘၣ်.

၁ ယိၤဟၣ် 4:7

တံၤသကိးသးဘိသ့ၣ်ဧၢ, မ်ပအဲၣ်လိာ်ကွံလိာ်ပသးတဂၤဒီး တဂၤတက့ၢ်. အဂ့ၢ်ဒ်လဲၣ်န့ၣ်, တၢ်အဲၣ်တၢ်ကွံဟဲလၢ ကစၢ်ယွၤလီၤ. မတၤတဂၤဂ့ၤတဂၤဂ့ၤလၢအအဲၣ်တၢ်ကွံ တၢ်န့ၣ်, မ့ၢ်ယွၤအဖိဒီးသ့ၣ်ညါကစၢ်ယွၤလီၤ.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

၁ ယိၤဟၣ် 5:18

ပသ့ၣ်ညါလၢပှၤလၢအမ့ၢ်ကစၢ်ယွၤအဖိန့ၣ်, တမၤလၢၤတၢ်ဒဲးဘးဘၣ်. အဂ့ၢ်ဒ်လဲၣ်န့ၣ်, ယွၤအဖိခွါပၢၤဃာ်အီၤဒီးတၢ်အၢတၢ်သီတဂၤန့ၣ်မၤဘၣ်ဒိဘၣ်ထံးအီၤ တသ့ဘၣ်အဃိန့ၣ်လီၤ.

၁ ယိၤဟၣ် 5:4

မ့ၢ်လၢကစၢ်ယွၤအဖိကိးဂၤဒဲးမၤနၢၤဟီၣ်ခိၣ်သ့အဃိန့ၣ်လီၤ. အအံၤမ့ၢ်ပတၢ်မၤနၢၤဟီၣ်ခိၣ်ခီဖျိပတၢ်စူၢ်တၢ်နာ်န့ၣ်လီၤ.