လံာ်ယံးရမံယၤ 9:8 - Sgaw Karen Common Bible

⁸ အဝဲသ့ၣ်အပျ့ၤတဖၣ်လီၤဂာ်ဒ်ပျၢ်ခးသံတၢ် တဖၣ်အသိးန့ၣ်လီၤ. အဝဲသ့ၣ်တဲလီတၢ်ဝ့ၤတၢ်ထီဘိတထံၣ်ဃီလီၤ. ပှၤကိးဂၤဒဲးကတိၤတၢ်ဃူတၢ်ဖိးအတၢ်ကတိၤ တဖၣ်ဒီးပှၤလၢအဃၢၤ, ဘၣ်ဆၣ်လၢအသးပူၤတခီအဝဲပာ် လီၤထုတခါလၢအဂီၢ်န့ၣ်လီၤ.

လံာ်ယံးရမံယၤ 9:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 12:3

ယွၤဧၢ, ဒီၣ်တဲာ်ကွံာ်ပျ့ၤလၢ အအူသဖှိတၢ်တဖၣ်န့ၣ်တက့ၢ်. ကးတံာ်ဃာ်ပှၤအထးခိၣ်လၢ အကတိၤတၢ်ကဖၢလၢဒီးစံးဝဲ,

စံးထီၣ်ပတြၢၤ 120:3

သုဝဲပှၤလီတၢ်ဖိသ့ၣ်ဧၢ, ကစၢ်ယွၤကမၤသုဒ်လဲၣ်. အဝဲကစံၣ်ညီၣ်သုဒ်လဲၣ်.

စံးထီၣ်ပတြၢၤ 28:3

တဘၣ်စံၣ်ညီၣ်ယၤဃုာ်ဒီးပှၤတတီတလိၤ, ပှၤမၤတၢ်အၢ, ပှၤလၢအထးခိၣ်ကတိၤတၢ်ဃူတၢ်ဖိး ဒီးပှၤလၢအဃၢၤ ဘၣ်ဆၣ်အိၣ်ဒီးတၢ်သးက့ၣ်လၢအပူၤ သ့ၣ်တဖၣ်န့ၣ်တဂ့ၤ.

စံးထီၣ်ပတြၢၤ 35:20

အဂ့ၢ်ဒ်အံၤ, အဝဲသ့ၣ်တဃုတၢ်ဃူတၢ်ဖိးဘၣ်. မ့မ့ၢ်ထီဒါပှၤလၢအအဲၣ်တၢ်ဃူတၢ်ဖိးလၢကီၢ်ပူၤ, ဒီးဆိကမိၣ်တၢ်ကတိၤလီန့ၢ်တၢ်တဖၣ်လီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

စံးထီၣ်ပတြၢၤ 62:5

အဂ့ၢ်ဒ်အံၤယသးအိၣ်ခိးထဲကစၢ်ယွၤတဂၤဧိၤ လၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. အဂ့ၢ်ဒ်အံၤယမုၢ်လၢ်တၢ်လၢအီၤလီၤ.

စံးထီၣ်ပတြၢၤ 64:8

လၢအဝဲသ့ၣ်အတၢ်ကတိၤတဖၣ်န့ၣ်အဃိ ယွၤကမၤဟးဂီၤအဝဲသ့ၣ်, ဒီးပှၤလၢအထံၣ်အဝဲသ့ၣ်ခဲလၢာ် ကကျၢၢ်ကျာ်အခိၣ်လီၤ.

တၢ်ကတိၤဒိ. 25:18

တၢ်အုၣ်အသးကဘျံးကဘျၣ်တမံၤန့ၣ်မၤသံတၢ်သ့ထဲသိးဒီးနးတဘ့ၣ်, တၢ်ဒုးအနီၣ်တီၢ်တဘိ, မ့တမ့ၢ်, ပျၢ်တဘိလၢအခိၣ်စူန့ၣ်လီၤ.

လံာ်ယံးရမံယၤ 5:26

ပှၤအၢပှၤသီတဖၣ်အိၣ်ဆိးဝဲလၢယပှၤဂီၢ်မုၢ်အကျါလီၤ. အဝဲသ့ၣ်အိၣ်ခိးခူသူၣ်တၢ်ဒ်ပှၤတဖၣ်လၢအသလၣ် လီၤအပှာ်ဧိၤစၤဧိၤလၢအကဖီၣ်န့ၢ်ထိၣ်တဖၣ်အဂီၢ်အသိး, ဘၣ်ဆၣ်ဒီးအဝဲသ့ၣ်ပာ်လီၤအထုတဖၣ်လၢကဖီၣ်န့ၢ်ပှၤကညီတဖၣ် အဂီၢ်တခီန့ၣ်လီၤ.

လံာ်ယံးရမံယၤ 5:9

မ့ၢ်တကြၢးယစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိ ဒီးဟ့ၣ်ကၣ်ပှၤဒ်သိးအံၤတကလုာ်န့ၣ်ဘၣ်ဧါ.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်ယံးရမံယၤ 9:4

ပှၤကိးဂၤဒဲးကဘၣ်ဒီဒၣ်လီၤက့ၤအသးထီဒါအတံၤသကိး ဒီးပှၤနာ်န့ၢ်အဒီပုၢ်ဝဲၢ်တသ့နီတဂၤဘၣ်. အဂ့ၢ်ဒ်အံၤ, ပှၤဒီပုၢ်ဝဲၢ်ကိးဂၤဒဲးလီတၢ်ဒ်စီၤယၤကိာ်အသိး ဒီးပှၤကိးဂၤဒဲးကတိၤခဲၣ်သူခဲၣ်ဂီၤအတံၤသကိးတဖၣ်န့ၣ်လီၤ.

လံာ်ယံးရမံယၤ 9:5

အဝဲသ့ၣ်ခဲလၢာ်ဆှၢကမၣ်အတံၤသကိးတဖၣ် ဒီးပှၤတတဲတၢ်မ့ၢ်တၢ်တီနီတဂၤဘၣ်. အဝဲသ့ၣ်သိၣ်လိအပျ့ၤတဖၣ်လၢကကတိၤလီတၢ်, ဒီးတပျဲစုပျၢ်ခီၣ်ဘၣ်လၢအဝဲသ့ၣ်အတၢ်မၤတၢ်ဒဲးဘး တဖၣ်န့ၣ်ဘၣ်.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.