လံာ်ယံးရမံယၤ 9:7 - Sgaw Karen Common Bible

⁷ လၢတၢ်အံၤအဃိယွၤသ့တၢ်လၢာ်စံးဝဲဒၣ်, “ယကပှံၢ်ယပှၤဂီၢ်မုၢ်ဒ်တိၢ်စ့ထးအသိး, ဒီးမၤကွၢ်အဝဲသ့ၣ်န့ၣ်လီၤ. ယပှၤဂီၢ်မုၢ်မၤတ့ၢ်တၢ်အၢတၢ်သီလံ. ယသူအဝဲသ့ၣ်လၢတၢ်အဂုၤအဂၤအဂီၢ်ကသ့ဒ်လဲၣ်.

လံာ်ယံးရမံယၤ 9:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:26

ဘၣ်ဆၣ်, စီၤအးဘၡါလိၣ်စံးအီၤ, “ဂ့ၤလံ. မ့မ့ၢ်ဒ်န့ၣ်ဒီး, အစှၤကတၢၢ်မ်နကပျဲယဒီပုၢ်ဝဲၢ်ခွါစီၤအၤမနိၣ်ဟဲတက့ၢ်.” စီၤပၤသံကွၢ်အီၤ, “ဘၣ်မနုၤလၢအဝဲကဘၣ်လဲၤဝဲန့ၣ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 36:15

ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ဆှၢလီၤတ့ၢ်ဝံသ့ၣ်တဖၣ်တထံၣ်ဃီလၢကဟ့ၣ်ပလီၢ်အပှၤဂီၢ်မုၢ်, မ့ၢ်လၢအဝဲအသးအိၣ်ဒုးပူၤဖျဲးအဝဲသ့ၣ်မ့ၢ်ဂ့ၤ, ယွၤအတၢ်လုၢ်ဟံၣ်မ့ၢ်ဂ့ၤအဃိန့ၣ်လီၤ.

စံးထီၣ်ပတြၢၤ 120:4

လၢပှၤသုးဖိတဂၤအပျၢ်လၢအအ့ၣ်တဖၣ်, ဒီးမ့ၣ်အူကဖးအကဲၤဒီးကိၢ်န့ၣ်လီၤ.

စံးထီၣ်ပတြၢၤ 55:22

ပာ်ထီၣ်နတၢ်ဝံတၢ်ယိးလၢယွၤအလိၤတက့ၢ်. ဒီးအဝဲဒၣ်ကမၤစၢၤနၤလီၤ. အဝဲတပျဲပှၤတီပှၤလိၤဟူးဝးနီတဘျီဘၣ်.

စံးထီၣ်ပတြၢၤ 62:5

အဂ့ၢ်ဒ်အံၤယသးအိၣ်ခိးထဲကစၢ်ယွၤတဂၤဧိၤ လၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. အဂ့ၢ်ဒ်အံၤယမုၢ်လၢ်တၢ်လၢအီၤလီၤ.

လံာ်ယၡါယၤ 1:25

ယကမၤတၢ်ထီဒါသုလီၤ. ယကမၤကဆှီသုဒ်တိၢ်ဧိၤထးဧိၤဘၣ်တၢ်မၤဆှံထီၣ်အီၤအသိး ဒီးသုးကွံာ်ကယဲၢ်သုတၢ်တကဆှီခဲလၢာ်န့ၣ်လီၤ.

လံာ်ယၡါယၤ 48:10

ယမၤကွၢ်တ့ၢ်သုလၢတၢ်နးတၢ်ဖှီၣ်အမ့ၣ်အူအပူၤ, ဒ်စ့ဘၣ်တၢ်ပှံၢ်အီၤလၢမ့ၣ်အူအဖၣ်ကပူၤအသိးလီၤ. ဘၣ်ဆၣ်ယထံၣ်တ့ၢ်လၢသုလုၢ်သုပှ့ၤတအိၣ်ဘၣ်.

လံာ်ယၡါယၤ 59:3

သုတၢ်ကမၣ်အိၣ်ဝဲလၢတၢ်လီတၢ်ဝ့ၤ, တၢ်မၤတၢ်လၢတၢ်စု ဆူၣ်ခီၣ်တကး, ဒီးတၢ်မၤသံမၤဝီတၢ်အဃိလီၤ.

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ယံးရမံယၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဃ့ၢ်ဝ့ၤဝီၤလၢသုကျဲတဖၣ် အပူၤတက့ၢ်. ကွၢ်တၢ်ဝးတရံးဒီးကွၢ်တၢ်လၢသုကစၢ် ဒၣ်သုဝဲတက့ၢ်. ကွၢ်ဃုတၢ်ဆါတၢ်ပှ့ၤအလီၢ်တဖၣ်တက့ၢ်. ပှၤလၢအမၤတၢ်အဘၣ် ဒီးကျဲးစၢးသးတီဒီးကစၢ်ယွၤန့ၣ်, မ့ၢ်သုထံၣ်န့ၢ်သ့ တဂၤဂၤဧါ. သုထံၣ်န့ၢ်မ့ၢ်သ့ဒီးယွၤကပျၢ်ဝ့ၢ်ယရူၤၡလ့ၣ်န့ၣ်လီၤ.

လံာ်ယံးရမံယၤ 6:27

စီၤယံးရမံယၤဧၢ, မၤကွၢ်ယပှၤဂီၢ်မုၢ်ဒ်နကမၤကွၢ်တိၢ်, ထးဒီးစ့သ့အသိးန့ၣ်, ဒီးဃုထံၣ်န့ၢ်အဝဲသ့ၣ်လီၤဂာ်ဒီးတၢ်မနုၤလဲၣ်န့ၣ်တက့ၢ်.

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မၤလကံ 3:3

ဒီးကဟဲဝဲဒ်သိးကစံၣ်ညီၣ်တၢ်လီၤဂာ်ဒီးပှၤတဂၤလၢအမၤ စီဒီးမၤကဆှီထီၣ်စ့န့ၣ်လီၤ. ဒ်ပှၤသိတၢ်ဖိတဂၤမၤကဆှီထီၣ်စ့ ဒီးထူအသိးန့ၣ်, ယွၤအပှၤစိာ်တၢ်ကစီၣ်ကမၤကဆှီထီၣ်ပှၤလုၢ်တၢ် အခိၣ်တဖၣ်, ဒ်သိးအဝဲသ့ၣ်ကဟဲစိာ်တၢ်လုၢ်လၢအဘၣ် ဆူယွၤအအိၣ်န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.