လံာ်ယံးရမံယၤ 9:2 - Sgaw Karen Common Bible

² ယသးအိၣ်မးလၢယကအိၣ်ဒီးတၢ်လီၢ်တတီၤလၢမဲးမုၢ်ခိၣ်ဖဲ ယအိၣ်ယံၤကွံာ်ဒီးယပှၤဂီၢ်မုၢ်ကသ့ဝဲလီၤ. အဝဲသ့ၣ်ခဲလၢာ်တသူၣ်တီသးရၤဘၣ်. ဒီးမ့ၢ်ပှၤပူထီၣ်လီထီၣ်တၢ်တဖုန့ၣ်လီၤ.

လံာ်ယံးရမံယၤ 9:2 Iomraidhean Croise

လံာ်ယၡါယၤ 59:3

သုတၢ်ကမၣ်အိၣ်ဝဲလၢတၢ်လီတၢ်ဝ့ၤ, တၢ်မၤတၢ်လၢတၢ်စု ဆူၣ်ခီၣ်တကး, ဒီးတၢ်မၤသံမၤဝီတၢ်အဃိလီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 12:6

နဒီပုၢ်ဝဲၢ်ခွါတဖၣ်ပှၤလၢအမ့ၢ်နဒူၣ်ဖိထၢဖိဒၣ်နဲ တဖၣ်ဒၣ်လဲာ်ဟ့ၣ်လီၤကွံာ်လံနၤလံ. အဝဲသ့ၣ်ပာ်ဖှိၣ်ထီၣ်အသးလၢတၢ် ထီဒါနၤအပူၤန့ၣ်လီၤ. အဝဲသ့ၣ်မ့ၢ်ကတိၤတၢ်ဃူတၢ်ဖိး, အတၢ်ကတိၤတဖၣ်ဒီး နၤဒၣ်လဲာ်, တဘၣ်နာ်အဝဲသ့ၣ်တဂ့ၤ.”

လံာ်ယံးရမံယၤ 13:22

နမ့ၢ်သံကွၢ်, ဘၣ်မနုၤအဃိတၢ်သ့ၣ်တဖၣ်အံၤမၤအသးဒီးနၤလဲၣ်, ဘၣ်မနုၤအဃိနကူနကၤတဖၣ်ဘၣ်တၢ်ဖှီယာ်အီၤဒီးနဘၣ်တၢ်မၤ တရီတပါနၤလဲၣ်ဒီး, တၢ်အံၤမ့ၢ်ဒၣ်လၢနတၢ်ဒဲးဘးလီၤပျံၤလီၤဖုး ဒိၣ်မးအဃိန့ၣ်လီၤ.

လံာ်ယံးရမံယၤ 23:10

အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယံးရမံယၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဃ့ၢ်ဝ့ၤဝီၤလၢသုကျဲတဖၣ် အပူၤတက့ၢ်. ကွၢ်တၢ်ဝးတရံးဒီးကွၢ်တၢ်လၢသုကစၢ် ဒၣ်သုဝဲတက့ၢ်. ကွၢ်ဃုတၢ်ဆါတၢ်ပှ့ၤအလီၢ်တဖၣ်တက့ၢ်. ပှၤလၢအမၤတၢ်အဘၣ် ဒီးကျဲးစၢးသးတီဒီးကစၢ်ယွၤန့ၣ်, မ့ၢ်သုထံၣ်န့ၢ်သ့ တဂၤဂၤဧါ. သုထံၣ်န့ၢ်မ့ၢ်သ့ဒီးယွၤကပျၢ်ဝ့ၢ်ယရူၤၡလ့ၣ်န့ၣ်လီၤ.

လံာ်ယံးရမံယၤ 5:11

ကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ်တဖၣ် သမၢကွံာ်ယၤလၢာ်လၢာ်ဆ့ဆ့လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဟိၤၡ့ 5:7

အဝဲသ့ၣ်တဖၣ်အသးတတီတ့ၢ်ဒီးယွၤဘၣ်. အဝဲသ့ၣ်အဖိတဖၣ်စ့ၢ်ကီးတဘၣ်ဃးဒီးယွၤဘၣ်. လၢတၢ်န့ၣ်အဃိ, ခဲကနံၣ်အံၤအဝဲသ့ၣ်ဒီးအထံအကီၢ်တဖၣ်ကဘၣ်တၢ်မၤဟးဂီၤအီၤလၢ အဆိအချ့လီၤ.

လံာ်ဟိၤၡ့ 6:7

ဘၣ်ဆၣ်ဒီးဒ်စီၤအၤဒၣ်အသိးန့ၣ်, အဝဲသ့ၣ်မၤဟးဂီၤကွံာ်တၢ် အၢၣ်လီၤအီလီၤလၢယမၤဒီးအဝဲသ့ၣ်တဖၣ်န့ၣ်လီၤ.

လံာ်ဟိၤၡ့ 7:4

အဝဲသ့ၣ်ခဲလၢာ်ကတိၤတၢ်ကဘျံးကဘျၣ်ဒီးအသူၣ်တတီအသးတလိၤဝဲ ဘၣ်. အဝဲသ့ၣ်အတၢ်သးဟ့သဝံထီၣ်ဒ်မ့ၣ်အူလၢဖၣ်ကပူၤအသိး, မ့ၣ်အူလၢပှၤကုၢ်ကိၣ်ဖိမၤကိၢ်ထီၣ်အီၤအလီၢ်တအိၣ်ဘၣ်, တချုးဒံးလၢကိၣ်လၢတၢ်ကကုၢ်အီၤအိၣ်ကတဲာ်ကတီၤ အသးဒံးဘၣ်န့ၣ်လီၤ.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်စဖါနယၤ 3:4

အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

လံာ်မၤလကံ 2:11

ပှၤကီၢ်ယူဒၤဖိတဖၣ်မၤဟးဂီၤကွံာ်အတၢ်အၢၣ်လီၤအီလီၤဒီး ကစၢ်ယွၤဒီးမၤတၢ်လၢအလီၤပျံၤဖးဒိၣ်လၢဝ့ၢ်ယရူၤၡလ့ၣ်အပူၤ ဒီးလၢထံကီၢ်ဒီဘ့ၣ်အပူၤန့ၣ်လီၤ. အဝဲသ့ၣ်မၤဘၣ်အၢဘၣ်သီတၢ်လုၢ်ဟံၣ်လၢယွၤအဲၣ်ဝဲန့ၣ်လီၤ. ပိာ်ခွါတဖၣ်ဒိးတ့ဒိးဖျီအသးဒီးပိာ်မုၣ်တဖၣ်လၢအဘါ ထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ.

လံာ်မၤလကံ 2:14

ဒီးသုသံကွၢ်, ဘၣ်မနုၤလၢအတတူၢ်လိာ်လၢၤတၢ်လုၢ်သ့ၣ်တဖၣ်န့ၣ်လဲၣ်. တၢ်န့ၣ်မ့ၢ်ဒၣ်လၢအဝဲသ့ၣ်ညါသုမၤဟးဂီၤသုတၢ် အၢၣ်လီၤဒီးသုမါလၢသုဒိးတ့ဒိးဖျီတ့ၢ် သုသးဖဲသုသးစၢ်အခါအဃိန့ၣ်လီၤ. သုမါမ့ၢ်သုသကိးဒီး, သုအၢၣ်လီၤလၢကစၢ်ယွၤအမဲာ်ညါလၢသုကတီဒီးအီၤဘၣ်ဆၣ်, သုမၤဟးဂီၤကွံာ်သုတၢ်အၢၣ်လီၤဒီးအီၤန့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:10

ပှၤဒီတစိၤညါန့ၣ်သံဝဲဒီးပှၤလၢခံတစိၤသးပ့ၤနီၣ်ယွၤဒီး တၢ်လၢအမၤဝဲလၢပှၤအံၣ်စရ့လးဖိအဂီၢ်န့ၣ်လီၤ.