လံာ်ယံးရမံယၤ 9:19 - Sgaw Karen Common Bible

¹⁹ ဒိကနၣ်တၢ်ဟီၣ်တၢ်ယၢၤအသီၣ်လၢဝ့ၢ်စံယိၣ်အပူၤတက့ၢ်. “ပဘၣ်တၢ်မၤဟးဂီၤကွံာ်ပှၤလံ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့လံ. ပကဘၣ်ဟးထီၣ်လၢပထံပကီၢ်လီၤ. ပဟံၣ်ပဃီတဖၣ်ဘၣ်တၢ်ဂုၤလီၤပှီၢ်ကွံာ်အီၤလံ.”

လံာ်ယံးရမံယၤ 9:19 Iomraidhean Croise

လံာ်ယၡါယၤ 32:9

သုဝဲပိာ်မုၣ်လၢအအိၣ်မံသူၣ်မုာ်သးဒၣ်သုဝဲဒီးတကိၢ် တဂီၤတၢ်နီတမံၤသ့ၣ်သုဧၢ, ဒိကနၣ်တၢ်လၢယ စံးယဲန့ၣ်တက့ၢ်.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 2:14

ကီၢ်အံၣ်စရ့လးတမ့ၢ်ကုၢ်တဂၤဘၣ်, ဒီးအဝဲတအိၣ်ဖျဲၣ်ထီၣ်လၢ တၢ်ကဲကုၢ်အပူၤဘၣ်. ဘၣ်မနုၤအဃိအဒုၣ်အဒါတဖၣ်လူၤဃု ဖီၣ်ဆူၣ်အီၤန့ၣ်လဲၣ်.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်ယံးရမံယၤ 7:15

ယကနီၣ်ထီၣ်ဟီထီၣ်ကွံာ်သုလၢယမဲာ်ညါဒ်ယနီၣ်ထီၣ်ဟီထီၣ်ကွံာ် သုဘူးသုတံၢ်တဖၣ်လၢအမ့ၢ်အံၣ်စရ့လးအပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 7:19

ဘၣ်ဆၣ်ဒီး, မ့ၢ်ယမ့ၢ်နီၢ်နီၢ်ပှၤတဂၤလၢအဝဲသ့ၣ်မၤဘၣ်ဒိဘၣ်ထံးဝဲန့ၣ်ဧါ. တမ့ၢ်ဘၣ်. အဝဲသ့ၣ်မၤဘၣ်ဒိဘၣ်ထံးလီၤဒၣ်အသး ဒၣ်ဝဲဒီးမၤမဲာ်ဆှးလီၤက့ၤအသးဒၣ်ဝဲတခီန့ၣ်လီၤ.

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်သးသယုၢ်တၢ် 4:15

ပှၤဂီၢ်မုၢ်ကိးဃါတၢ်ဒီးစံး, “ဟးထီၣ်ကွံာ်တက့ၢ်. နမ့ၢ်တၢ်တကဆှီဘၣ်လီၤ. ထိးဘူးယၤတဂ့ၤ,” န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟးဝ့ၤဝီၤလၢပှၤတကလုာ်ဆူပှၤတကလုာ် ဒီးပှၤသဂၢၢ်တူၢ်လိာ်အီၤတအိၣ်ဘၣ်နီတဂၤဘၣ်.

လံာ်သးသယုၢ်တၢ် 5:2

ပတၢ်စုလီၢ်ခီၣ်ခိၣ်န့ၣ်အိၣ်လၢပှၤတခီဘီမုၢ်ဖိတဖၣ် အစုပူၤလီၤ. ပှၤတခီဘီမုၢ်ဖိတဖၣ်အိၣ်ဆိးဝဲလၢ ပဟံၣ်တဖၣ်အပူၤလီၤ.

လံာ်တၢ်ဘူၣ်ထီၣ်ဘါထီၣ် 18:25

အဝဲသ့ၣ်အတၢ်မၤတဖၣ်အံၤမၤဘၣ်အၢထံကီၢ်လီၤ. လၢတၢ်န့ၣ်အဃိယွၤစံၣ်ညီၣ်ထံကီၢ်, ဒီးညိကွံာ်ပှၤအိၣ်လၢအပူၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:28

အန့ၣ်တစု, ကီၢ်န့ၣ်တဟီထီၣ်ကွံာ်ဘၣ်သုဒ်အညိကွံာ်ပှၤကလုာ်တဖၣ်လၢ အအိၣ်ဆိပာ်စၢၤလၢသုမဲာ်ညါန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 20:22

ဒီးယွၤစံးဝဲဒၣ်, “သုဘၣ်တိၢ်န့ၢ်ယတၢ်သိၣ်တၢ်သီဒီးတၢ်မၤလိာ်တဖၣ်, ဒ်သိးသုသုတဘၣ်တၢ်ဘှိးထီၣ်ကွံာ်သုလၢကီၢ်က နၤဧၣ်လၢယဆှၢနုာ်သုဆူအပူၤတဂ့ၤအဂီၢ်န့ၣ်လီၤ.

လံာ်မံကၤ 2:10

ဂဲၤဆၢထၢၣ်ဒီးဟးထီၣ်ကွံာ်တက့ၢ်. တၢ်ပူၤဖျဲးတအိၣ်လၢၤဘၣ်ဖဲအံၤဘၣ်. သုတၢ်ဒဲးဘးတဖၣ်ဒုးလီၤဘၣ်တၢ်စံၣ်ညီၣ်ဃါမနၤဖဲတၢ်လီၢ်အံၤဆူ တၢ်ဟးဂူာ်ဟးဂီၤလီၤ.

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”

လံာ်သိၣ်လီၤသီလီၤတၢ် 28:29

သုကဟးပုာ်ကလၢၢ်တၢ်လၢမုၢ်ထူၣ်အခါဒ်ပှၤမဲာ်ဘျီၣ်တဂၤအသိး, ဒီးသုဃုထံၣ်သုကျဲတသ့ဝဲဘၣ်. လၢသုမၤတၢ်တမံၤလၢ်လၢ်အပူၤန့ၣ်, သုတဘီၣ်ထီၣ်ညီထီၣ်ဘၣ်. သုကဘၣ်တၢ်မၤနၢၤမၤပ့ၤသုဒီးဂုာ်န့ၢ်ဝာ်န့ၢ်သုတပယူာ်ဃီ ဒီးပှၤတအိၣ်ဘၣ်လၢကမၤစၢၤသုနီတဂၤဘၣ်.