လံာ်ယံးရမံယၤ 9:15 - Sgaw Karen Common Bible

¹⁵ လၢတၢ်န့ၣ်အဃိ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကမၤဝဲန့ၣ်တက့ၢ်. ယကဟ့ၣ် ယပှၤဂီၢ်မုၢ်တၢ်မုၢ်တၢ်ဘိအခၣ်တဖၣ်လၢကအီၣ်ဝဲအဂီၢ်, ဒီးစုၣ်လၢကအီဝဲအဂီၢ်န့ၣ်လီၤ.

လံာ်ယံးရမံယၤ 9:15 Iomraidhean Croise

စံးထီၣ်ပတြၢၤ 60:3

နဒုးတူၢ်တ့ၢ်လံနပှၤဂီၢ်မုၢ်လၢ တၢ်ကီတၢ်ခဲသ့ၣ်တဖၣ်, နဟ့ၣ်တ့ၢ်လံပှၤစပံးထံလၢပကအီဒီး ကမၤမူၤပှၤန့ၣ်လီၤ.

စံးထီၣ်ပတြၢၤ 69:21

တုၤတၢ်သၣ်ဝံၤယသးဒီးအဝဲသ့ၣ်ဟ့ၣ်ယၤ တၢ်အစုၣ်လၢတၢ်အီၣ်အဂီၢ် ဒီးတုၤတၢ်သူယသးလၢထံဒီးအဝဲသ့ၣ်ဟ့ၣ်ယၤ တၤဆံၣ်အထံလၢယကအီအဂီၢ်န့ၣ်လီၤ.

စံးထီၣ်ပတြၢၤ 75:8

ယွၤစိာ်လီခီတဖျၢၣ်လၢအစုပူၤ, ပှဲၤဝဲဒီးအတၢ်သးထီၣ် စပံးထံလၢအဆူၣ်န့ၣ်လီၤ. အဝဲလူလီၤဝဲဒီးပှၤတတီတလိၤခဲလၢာ်အီဝဲဒၣ်, ဒီးအဝဲသ့ၣ်အီဝဲတုၤအလၢာ်န့ၣ်လီၤ.

စံးထီၣ်ပတြၢၤ 80:5

နဒုးအီၣ်တ့ၢ်လံပှၤလၢမဲာ်ထံအကိၣ်, ဒီးနဒုးအီပှၤလၢမဲာ်ထံလၢလီခီဖးဒိၣ်န့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 2:22

ပာ်နတၢ်သန့ၤနသးလၢပှၤကညီလၢအသံသ့အံၤအပူၤလၢၤ တဂ့ၤ. အဝဲသ့ၣ်အလုၢ်အပှ့ၤမ့ၢ်မနုၤလဲၣ်.

လံာ်ယံးရမံယၤ 23:15

သတးဒီးတၢ်အံၤမ့ၢ်ယၤ, ယွၤသ့တၢ်လၢာ်, စံးတၢ်ဘၣ်ဃး ဝ့ၢ်ယရူၤၡလ့ၣ်အဝံတဖၣ်အဂ့ၢ်န့ၣ်လီၤ. ယကဟ့ၣ်အဝဲသ့ၣ်တၢ်မုၢ်တၢ်ဘိအခၣ်တဖၣ်လၢကအီၣ် ဝဲဒီးစုၣ်လၢကအီဝဲအဂီၢ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ရၤလီၤတၢ်တယူးယီၣ်ယွၤလၢထံ ကီၢ်ဒီဘ့ၣ်ညါအဃိန့ၣ်လီၤ.”

လံာ်ယံးရမံယၤ 24:10

ယကဟဲစိာ်တၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါလၢ အဝဲသ့ၣ်အဖီခိၣ်တုၤလီၤလၢပှၤတအိၣ်လီၤတဲာ်တ့ၢ်နီတဂၤလၢၤဘၣ် လၢထံကီၢ်လၢယဟ့ၣ်လီၤတ့ၢ်အဝဲသ့ၣ်ဒီးအမိၢ်ပၢ်ဖံဖုလၢပျၢၤ တဖၣ်အပူၤဘၣ်န့ၣ်လီၤ.”

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 44:27

ယကမၤတုၤသုတဘီၣ်ထီၣ် ညီထီၣ်လၢၤဘၣ်ဒီးသုကဘၣ်တၢ်မၤဟးဂီၤကွံာ်သုန့ၣ်လီၤ. သုဝဲခဲလၢာ်သုကသံ, လၢတၢ်ဒုးအပူၤ မ့တမ့ၢ်လၢ တၢ်ဆူးတၢ်ဆါအဃိ, တုၤသုတအိၣ်လီၤတဲာ်လၢၤ နီတဂၤဘၣ်န့ၣ်လီၤ.

လံာ်ယံးရမံယၤ 49:37

ယကဒုးပျံၤဘၣ်ဖုးဘၣ်ကီၢ်ဧ့ၤလၣ်အပှၤဂီၢ်မုၢ်လၢအဒုၣ်အဒါတဖၣ်လၢ အသးအိၣ်မၤသံအဝဲသ့ၣ်န့ၣ်လီၤ. လၢယတၢ်သးဒိၣ်ထီၣ် အပူၤန့ၣ်, ယကမၤဟးဂီၤကွံာ်ကီၢ်ဧ့ၤလၣ်အပှၤဂီၢ်မုၢ်ဒီး ဆှၢလီၤသုးမုၢ်တဖၣ်ထီဒါ အဝဲသ့ၣ်တုၤယမၤလၢာ်ကွံာ်အဝဲသ့ၣ်တစုန့ၣ်လီၤ.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်သးသယုၢ်တၢ် 3:15

ကယဲၢ်တၢ်လၢအဟ့ၣ်ယၤလၢတၢ်အီၣ်တၢ်အီအဂီၢ်န့ၣ်မ့ၢ်ထဲ တၢ်တူၢ်ဘၣ်ခီၣ်ဘၣ်အခၣ်တဖၣ်လီၤ.

လံာ်သးသယုၢ်တၢ် 3:19

တၢ်ဆိကမိၣ်ထီၣ်က့ၤယတၢ်ဆူးတၢ်ဆါဒီးဟံၣ်တအိၣ်ဃီ တအိၣ်ဘၣ်အဂ့ၢ်န့ၣ်လီၤဂာ်မးဒ်တၢ်စုၣ်တၢ်ပျၢ်အထံလၢအခၣ်ဒိၣ်မး အသိးလီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်သိၣ်လီၤသီလီၤတၢ် 28:36

ယွၤကစိာ်ယံၤကွံာ်သုဒီးသုစီၤပၤဆူထံကီၢ်အဂၤတဘ့ၣ်, ဖဲသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတအိၣ်ဆိး တ့ၢ်ဘၣ်လၢအပူၤကွံာ်နီတဘျီဘၣ်န့ၣ်လီၤ. ဖဲန့ၣ်သုကမၤကစၢ်တဖၣ်လၢတၢ်ဘှီအီၤလၢသ့ၣ်ဒီးလၢၢ်အတၢ်န့ၣ် လီၤ.

လံာ်သိၣ်လီၤသီလီၤတၢ် 29:18

မၤလီၤတံၢ်လၢ, တနံၤအံၤပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ဟံၣ်ဖိဃီဖိမ့ၢ်ဂ့ၤ, ပှၤအဒူၣ်မ့ၢ်ဂ့ၤလၢအဆၢထၢၣ်ဖဲအံၤ, တဃၣ်ကွံာ်ဘၣ်အသးလၢယွၤ, ပကစၢ်ယွၤအအိၣ်နီတဂၤဒ်သိးကဘါထီၣ် ပှၤကလုာ်ဂၤတဖၣ်အတၢ်ဂီၤတၢ်ဖီၣ်တဖၣ်အဂီၢ်ဘၣ်န့ၣ်တက့ၢ်. တၢ်န့ၣ်ကလီၤဂာ်ဒ်တၢ်အဂံၢ်တဘိလၢအမဲထီၣ်ဒီးကကဲထီၣ်တၢ်အမုၢ် တမုၢ်လၢအခၣ်ဒီးအိၣ်ဒီးအစုၣ်အပျၢ်အသိးန့ၣ်လီၤ.

လံာ်လီၣ်ဖျါ 8:11

(ဆၣ်တဖျၢၣ်န့ၣ်အမံၤမ့ၢ်ဝဲဒၣ်အးပစံၣ်သိၣ်အခီပညီမ့ၢ်တၢ် အခၣ်န့ၣ်လီၤ) ထံသၢပူတပူခၣ်ထီၣ်ဝဲဒၣ်, ဒီးပှၤအါဒံအါဂၤသံဝဲဖဲအအီထံအဝဲန့ၣ်, မ့ၢ်လၢအခၣ်ထီၣ်ဝဲဒၣ်အဃိလီၤ.