လံာ်ယံးရမံယၤ 9:14 - Sgaw Karen Common Bible

¹⁴ အခိၣ်တလိာ်, အဝဲသ့ၣ်အခိၣ်ကိၤဒီးဘူၣ်ထီၣ်ဘါထီၣ်ဘဧၤလး အတၢ်ဂီၤတၢ်ဖီၣ်တဖၣ်ဒ်အဝဲသ့ၣ်အပၢ်တဖၣ်သိၣ်လိတ့ၢ် အီၤလၢကမၤဝဲအသိးန့ၣ်လီၤ.

လံာ်ယံးရမံယၤ 9:14 Iomraidhean Croise

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်စီၤယိၤဘး 9:18

အဝဲတပျဲယချူးန့ၢ်ယတၢ်သါဒီးမၤပှဲၤတ့ၢ်လံယတၢ်အိၣ်မူ လၢတၢ်နးတၢ်ဖှီၣ်နးနးကလဲာ်လံန့ၣ်လီၤ.

လံာ်ယံးရမံယၤ 11:8

ဘၣ်ဆၣ်ဒီး, အဝဲသ့ၣ်တဒိကနၣ်တၢ်မ့ၢ်ဂ့ၤတစူၢ်တၢ်မ့ၢ်ဂ့ၤဘၣ်. အခိၣ်တလိာ်, ပှၤကိးဂၤဒဲးအခိၣ်ကိၤဒံးဒၣ်တၢ်ဒီးအၢဒံးသီဒံး ဒၣ်ဒ်လၢညါအဃိန့ၣ်လီၤ. ယမၤလိာ်တ့ၢ်အဝဲသ့ၣ်ကတိၢ်န့ၢ်ဖံး ဃာ်တၢ်အၢၣ်လီၤအီလီၤဘၣ်ဆၣ်ဒီးအဝဲသ့ၣ်တဒိကနၣ်ဝဲဘၣ်. လၢတၢ်န့ၣ်အဃိ, ယဒုးလီၤဘၣ်ကယဲၢ်တၢ်စံၣ်ညီၣ်တဖၣ်လၢ တၢ်ပာ်ဖျါက့ၤအီၤလၢတၢ်အၢၣ်လီၤအီလီၤအပူၤ, လၢအဝဲသ့ၣ်အလိၤန့ၣ်လီၤ.”

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 16:12

ဘၣ်ဆၣ်ဒီးသုမၤတ့ၢ်တၢ်အၢဒိၣ်န့ၢ် ဒၣ်လဲာ်သုမိၢ်ပၢ်ဖံဖုလၢပျၢၤတဖၣ်န့ၣ်လီၤ. သုဝဲခဲလၢာ်သုခိၣ်ကိၤဒီးအၢ ဝဲသီဝဲဒီးသုတစူၢ်ဘၣ်ယၤဘၣ်.

လံာ်ယံးရမံယၤ 2:23

နတမၤဘၣ်အၢဘၣ်သီတ့ၢ်နသးဘၣ်, ဒီးနတဘူၣ်ထီၣ်ဘါထီၣ်တ့ၢ် ဘဧၤလးနီတစုဘၣ်န့ၣ်နစံးနဲကသ့ဒ်လဲၣ်. နမၤတ့ၢ်တၢ်ဒဲးဘးလၢ တြီၤပူၤဒ်လဲၣ်န့ၣ်, ကွၢ်တက့ၢ်. ကွၢ်တၢ်လၢနမၤတ့ၢ်တဖၣ်န့ၣ်တက့ၢ်. နလီၤဂာ်ဒီးကီၤလၤအူးမိၢ်အမံၤတဒုလၢအသးကတၢထီၣ်, ဃ့ၢ်ထူၣ်ဖျဲးအသး,

လံာ်ယံးရမံယၤ 2:8

ပှၤလုၢ်တၢ်အခိၣ်တဖၣ်တသံကွၢ်ဘၣ်ဝဲလၢ, ကစၢ်ယွၤအိၣ်ဖဲလဲၣ်, န့ၣ်ဘၣ်. ယပှၤလုၢ်တၢ်အခိၣ်ဒၣ်ယဲတဖၣ်တသ့ၣ်ညါယၤဘၣ်. ပှၤပၢတၢ်တဖၣ်ပူထီၣ်တၢ်ထီဒါယၤလီၤ. ဝံတဖၣ်ကတိၤထီၣ်တၢ်လၢဘဧၤလးအမံၤအပူၤ ဒီးဘူၣ်ထီၣ်ဘါထီၣ်တၢ်ဂီၤတၢ်ဖှီၣ်လၢ အတဂိာ်တသီၣ်ဘၣ်တၢ်တဖၣ်န့ၣ်လီၤ.

လံာ်ယံးရမံယၤ 23:15

သတးဒီးတၢ်အံၤမ့ၢ်ယၤ, ယွၤသ့တၢ်လၢာ်, စံးတၢ်ဘၣ်ဃး ဝ့ၢ်ယရူၤၡလ့ၣ်အဝံတဖၣ်အဂ့ၢ်န့ၣ်လီၤ. ယကဟ့ၣ်အဝဲသ့ၣ်တၢ်မုၢ်တၢ်ဘိအခၣ်တဖၣ်လၢကအီၣ် ဝဲဒီးစုၣ်လၢကအီဝဲအဂီၢ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ရၤလီၤတၢ်တယူးယီၣ်ယွၤလၢထံ ကီၢ်ဒီဘ့ၣ်ညါအဃိန့ၣ်လီၤ.”

လံာ်ယံးရမံယၤ 23:27

အဝဲသ့ၣ်ဆိကမိၣ်ဝဲလၢတၢ်မံမီၢ်တဖၣ်လၢအဝဲသ့ၣ်တဲဝဲန့ၣ်, ကဒုးသးပ့ၤနီၣ်ကွံာ်ယပှၤဂီၢ်မုၢ်လၢယၤ, ဒ်အဝဲသ့ၣ်အပၢ်တဖၣ်သးပ့ၤ နီၣ်ကွံာ်ယၤဒီးဃၣ်ဃီၤအသးဆူ, ဘဧၤလးအအိၣ်အသိးန့ၣ်လီၤ.

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်သးသယုၢ်တၢ် 3:15

ကယဲၢ်တၢ်လၢအဟ့ၣ်ယၤလၢတၢ်အီၣ်တၢ်အီအဂီၢ်န့ၣ်မ့ၢ်ထဲ တၢ်တူၢ်ဘၣ်ခီၣ်ဘၣ်အခၣ်တဖၣ်လီၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

ကလၤတံ 1:14

လၢယတၢ်ဘူၣ်ထီၣ်ဘါထီၣ်ယွၤဒ်ပှၤယူဒၤဖိအလုၢ်အလၢ်အိၣ်ဝဲ အသိးအပူၤန့ၣ်, ယလဲၤလၢပှၤယူဒၤဖိတကျဲကျဲဒီးယၤတဖၣ် အမဲာ်ညါဒီးယဟ့ၣ်လီၤယသးဒိၣ်န့ၢ်အဝဲသ့ၣ်ဖဲလၢအဘၣ် ဃးဒီးတၢ်လူၤထွဲပိာ်ထွဲပမိၢ်ပၢ်ဖံဖုလၢပျၢၤအလုၢ်လၢ်လီၤစၢၤတဖၣ် န့ၣ်လီၤ.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.