လံာ်ယံးရမံယၤ 9:10 - Sgaw Karen Common Bible

¹⁰ ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယံးရမံယၤ 9:10 Iomraidhean Croise

လံာ်ယၡါယၤ 41:15

ယကဒုးကဲထီၣ်နၤလၢနီၣ်တီၢ်ဘုအဘ့ၣ်ဘၣ်, လၢအအိၣ်ဒီးထးခိၣ်စူအသီဒီးအကနၣ်အ့ၣ်ဝဲတဖၣ်လီၤ. နကတီၢ်ကစၢၢ်တဖၣ်ဒီးမၤဟးဂီၤကွံာ်အဝဲသ့ၣ်ဒီးတၢ်လူၢ်တဖၣ် ကလီၤပှီၢ်တုၤအကဲထီၣ်ဟီၣ်ခိၣ်ကမူၣ်လီၤ.

လံာ်ယၡါယၤ 49:19

နထံဧိၤကီၢ်ဧိၤဘၣ်တၢ်မၤဟးဂီၤကွံာ်တ့ၢ်အီၤဒီးအိၣ်သယုၢ် သညိလီၤ. မ့မ့ၢ်ခဲအံၤအလီၢ်ကအံၣ်ကဲာ်ဆိးလၢ ပှၤလၢအဟဲဒ်သိးကအိၣ်ကဆိးဖဲန့ၣ်တဖၣ်အဂီၢ်လီၤ. ဒီးပှၤသ့ၣ်တဖၣ်လၢအပာ်တီၢ်နၤလၢတၢ်ဟးဂီၤအပူၤန့ၣ်ကဘၣ် တၢ်သုးကွံာ်အီၤယံၤဒီးနၤလီၤ.

လံာ်ယံးရမံယၤ 12:10

ပှၤတခီဘီမုၢ်ဖိအါဂၤမၤဟးဂီၤကွံာ်ယစပံးအလီၢ်လံ. အဝဲသ့ၣ်ယီၢ်တံၢ်လီၤယစံာ်ပျီတဖၣ်လံ. ဒီးအဝဲသ့ၣ်ဒုးကဲထီၣ်ယထံကီၢ်လၢအဃံလၤန့ၣ်ဆူမဲးမုၢ်ခိၣ်တတီၤလံ.

လံာ်ယံးရမံယၤ 12:11

အဝဲသ့ၣ်ဒုးကဲထီၣ်အီၤလၢပှၢ်မုၢ်ကနၢတတီၤ ဒီးအိၣ်သယုၢ်သညိဝဲလၢယမဲာ်ညါန့ၣ်လီၤ. ထံကီၢ်ဒီဘ့ၣ်ညါကဲထီၣ်မဲးမုၢ်ခိၣ်တတီၤဒီး ပှၤတကနၣ်ဃုာ်ဘၣ်အီၤနီတဂၤဘၣ်.

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်ယံးရမံယၤ 14:6

ကသ့ၣ်ယီၤအမံၤတဖၣ်ဆၢထၢၣ်လၢတၢ်လူၢ်ဒီခိၣ် ဒီးသါဟဲၤဟီၤဝဲဒ်ထွံၣ်ဟီၣ်ခိၣ်တဖၣ်အသိးလီၤ. အဝဲသ့ၣ်အမဲာ်ချံအတၢ်ထံၣ်တအိၣ်လၢၤဘၣ် မ့ၢ်လၢအဝဲသ့ၣ်အတၢ်အီၣ်တအိၣ်လၢၤဘၣ်အဃိလီၤ.

လံာ်ယံးရမံယၤ 2:15

အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 23:10

အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်ယံးရမံယၤ 8:18

ယတၢ်သးအုးဘၣ်တၢ်မၤမုာ်ထီၣ်အီၤတန့ၢ်ဘၣ်. ယသးလီၤဘှါလၢယပူၤလီၤ.

လံာ်သးသယုၢ်တၢ် 1:16

လၢတၢ်န့ၣ်အဃိဒီးယမဲာ်ချံတဖၣ်ပုာ်ထီၣ်ယွၤလီၤလၢယမဲာ်ထံ မဲာ်နိန့ၣ်လီၤ. ပှၤမၤမုာ်ထီၣ်ယသးတသ့ဘၣ်နီတဂၤဘၣ်. ပှၤဟ့ၣ်ဆူၣ်ထီၣ်ယဂံၢ်ယဘါတသ့ဘၣ်နီတဂၤဘၣ်. ဒုၣ်ဒါတဖၣ်မၤနၢၤတ့ၢ်ယၤလံ. တၢ်တအိၣ်လီၤတဲာ်ဘၣ်ဒီးယပှၤဂီၢ် မုၢ်လၢတၢ်နီတမံၤလၢၤဘၣ်.

လံာ်သးသယုၢ်တၢ် 2:11

ယမဲာ်ချံတဖၣ်ဃ့ထီဝဲလၢမဲာ်ထံလၢာ်ကွံာ်အဃိဒီးယသးသမူအိၣ် လၢတၢ်ကိၢ်တၢ်ဂီၤအပူၤလီၤ. ယဂံၢ်ယဘါလၢာ်ကွံာ်ဝဲလၢတၢ်သးအုးဖဲယပှၤဂီၢ်မုၢ်ဘၣ်တၢ်မၤဟး ဂီၤကွံာ်အီၤန့ၣ်လီၤ. ဖိသၣ်တဖၣ်ဒီးဖိဆံးအီၣ်နုၢ်တဖၣ်သံတယူာ်ဝဲလၢဝ့ၢ်အကျဲတဖၣ် အပူၤန့ၣ်လီၤ.

လံာ်သးသယုၢ်တၢ် 5:18

အဂ့ၢ်ဒ်အံၤ, ကစၢၢ်စံယိၣ်အိၣ်သယုၢ်ဒီး ဘၣ်တၢ်စူးကွံာ်ညိကွံာ်အီၤလီၤ. ထွံၣ်ဟီၣ်ခိၣ်တဖၣ်လဲၤဝ့ၤဝီၤကစုဒုလၢ အတၢ်လီၤပှီၢ်လီၤဟိတဖၣ်အကျါလီၤ.

လံာ်ယဃ့းစက့လး 14:15

မ့တမ့ၢ်ယကမၢလီၤဆၣ်ဖိကီၢ်ဖိအမံၤတဖၣ်လၢကမၤသံကွံာ်ပှၤဂီၢ် မုၢ်တုၤဒၣ်လဲာ်ထံကီၢ်န့ၣ်ကလီၤပျံၤလီၤဖုးတုၤပှၤဟးထီၣ် က့ၤလီၤတသ့နီတဂၤဘၣ်,

လံာ်ယဃ့းစက့လး 29:11

ပှၤကညီမ့ၢ်ဂ့ၤ ဆၣ်ဖိကီၢ်ဖိမ့ၢ်ဂ့ၤ တလဲၤခီဖျိဘၣ်အီၤဘၣ်. လၢအနံၣ်လွံၢ်ဆံအတီၢ်ပူၤတၢ်တအိၣ်ဆိးဖဲန့ၣ်နီတမံၤဘၣ်.

လံာ်ယဃ့းစက့လး 33:28

ယကဒုးကဲထီၣ်ထံကီၢ်အံၤလၢတၢ်အိၣ်တယုၢ်အိၣ်လီၤဃီအလီၢ် တပူၤလၢအဘျုးတအိၣ်ဘၣ်ဒီးတၢ်စိတၢ်ကမီၤလၢအဝဲသ့ၣ် ပာ်ကဖၢလၢတ့ၢ်အသးဒိၣ်မးလၢအဃိန့ၣ်, ကကတၢၢ်ကွံာ်ဝဲဒၣ် လီၤ. ကီၢ်အံၣ်စရ့လးအကစၢၢ်ကလိတဖၣ်, ကဘၣ်တၢ်ခဲဘၢ အီၤတုၤဒၣ်လဲာ်ပှၤလဲၤထီၣ်က့ၤလီၤခီဖျိအီၤတသ့နီတဂၤဘၣ်န့ၣ်လီၤ.

လံာ်ယဃ့းစက့လး 6:6

ကီၢ်အံၣ်စရ့လးအဝ့ၢ်ခဲလၢာ်ကဘၣ်တၢ်မၤဟးဂီၤကွံာ်အီၤဒ်သိး အဝဲသ့ၣ်အတၢ်လုၢ်လီၢ်ခဲလၢာ်ဒီးအတၢ်ဂီၤတၢ်ဖီၣ်တဖၣ်ကဘၣ်တၢ်တိၢ် သဘှံးအီၤဆူအက့အခီတဖၣ်, အဝဲသ့ၣ်အတၢ်လုၢ်ထီၣ်တၢ်နၢမူအလီၢ်တဖၣ်ကဘၣ်တၢ်မၤဟးဂီၤလီၤ ကလဲကွံာ်အီၤ, ဒီးတၢ်ခဲလၢာ်လၢအဝဲသ့ၣ်မၤတ့ၢ်ဝဲန့ၣ်ကလီၤမၢ်ကွံာ်ဝဲအဂီၢ် န့ၣ်လီၤ.”

လံာ်ဟိၤၡ့ 4:3

မၤသးဒ်န့ၣ်ဒီး, ကီၢ်န့ၣ်ကဃ့ထီကွံာ်ဝဲဒီးကယဲၢ်တၢ်လၢအအိၣ်လၢ အပူၤကသံကွံာ်ဝဲလီၤ. ကယဲၢ်ဆၣ်ဖိကီၢ်ဖိတဖၣ်ဒီးထိၣ် တဖၣ်ဒီးညၣ်ဒၣ်လဲာ်ကသံကွံာ်ဝဲဒၣ်န့ၣ်လီၤ.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ယိၤအ့လး 1:19

ယွၤဧၢ, ယကိးထီၣ်နၤလီၤ. အဂ့ၢ်ဒ်အံၤ, အီၣ်ဆၣ်အလီၢ်လါဟ့ဒီးသ့ၣ်တဖၣ်ဃ့ထီကွံာ် မၤအသးဒ်မ့ၣ်အူအီၣ်ကွံာ်အီၤအသိးန့ၣ်လီၤ.

လံာ်ဧၤမိၣ် 5:1

ဒိကနၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယသးဝံၣ်တၢ်ဘၣ်မိၣ်ဘၣ်မးအထါအံၤလၢသုဂီၢ်လီၤ.

လံာ်ဧၤမိၣ် 5:16

မၤသးဒ်န့ၣ်ဒီး, တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်စံးဝဲဒၣ်, တၢ်ဟီၣ်တၢ်ယၢၤဒီးတၢ်သူၣ်အုးသးအုးအတၢ်ကိးပသူတဖၣ်ကအိၣ်လၢ ဝ့ၢ်အကျဲတဖၣ်အပူၤလီၤ. ပှၤထူစံာ်ဖိတဖၣ်ဒၣ်လဲာ်ကဘၣ်တၢ်ကိးအီၤဒ်သိးကအုၣ်တၢ်သံအထါ ဃုာ်ဒီးပှၤဘၣ်တၢ်ဟ့ၣ်ဘူးဟ့ၣ်လဲအီၤလၢကအုၣ်တၢ်တဖၣ်လီၤ.

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.